KANYA-KANYANG paandar sa kasuotan ang mga bisitang dadalo sa kauna-unahang fashion show na magaganap sa bayan ng Sta. Cecilia. Hindi iyon pangkaraniwang fashion show lamang sapagkat dinaluhan iyon ng iba’t ibang couturier ng iba-ibang bansa. Nagtataka nga ang lahat kung bakit sa isang private garden ng bayan mh Sta. Cecila ginanap ang nasabing fashion show. Karaniwan kasi ay sa siyudad iyon ginagawa. Pero ang halos ilang buwan na pinaghandaan nina Veronica at Stella ay sa isang hardin, at hindi sa mga tulad ng nakagawian ng karamihan na sa mall o kaya sa isang event center gawin ang binabalak nila.
“I think, this will be a great event!” excited na turan ni Stella. Hindi iyon ang unang fashion show na in-organize niya. Pero dahil kasama nito si Veronica, siguradong magiging masaya ang laha
