“DO you want to kiss me… again?” Nanunuot sa kalamnan ni Soledad ang tanong na iyon. Hindi tuloy malaman ng dalaga kung paano niya sasagutin ang kaharap. Napatitig na lang siya sa mga mata nitong unti-unting lumalapit sa kanya. Malakas na dumagundong ang kanyang dibdib na para bang ano mang oras ay sasabog sa kaba… o kaya ay kilig. Kasabay kasi noon ay ang nakakakiliting sensasyon sa kanyang sikmura. Kusang nagdesisyon ang mga matang pumikit at inaasahang ilang saglit lang ay magdidikit na ang kanilang mga labi.
She will feel his lips again. How could she resist? “Pffft!” Ang una’y pigil na pagtawa ngunit sinundan iyon ng napakalakas na halakhak. Dinig na dinig niya ang tila nangungutya at mapang-asar na hagalpak ng lalaking akala niya ay hahalikan siya. Unti-unti niyang iminulat ang kan
