Tumingin ako sa mga batang nag-iiyakan at panay ang hingi ng tulong sa akin. Kailangan kong pasabugin ang gate na ito, ngunit kung gagawin ko ‘yon baka may madamay na mga bata. Sobrang laki ng kadena na inilagay rito sa gate. Wala nang ibang choice lalo at lumalaki ang apoy. Gosh!
“Lumayo muna kayo sa harap ng gate, pakiusap! Upang hindi kayo mahagip ng pagsabog!” utos ko sa mga bata. Nakinig naman sa akin ang mga bata. Bago ko ilagay ang maliit na device na may bomba ay tumingin muna ako sa pader, nag-iisip ako kung kaya ko bang tumalon doon. Medyo mataas ngunit kaya ko naman pala.
Wala nang oras, kailangan ko nang ilagay ang maliit na device na may kasamang bomba sa malaking padlock upang tuluyang mabuksan ang gate. Mas lalo pang lumalaki ang apoy. Isang buntonghininga ang aking ginaw
