Bagaman paambon-ambon na lamang, basang-basa pa rin ang lupa. Makailang-ulit nang sinensenyasan ni Ramon ang nakababatang pinsan niya gamit ang isang maliit na flashlight. Kung pag-aaralan natin ang kabilang Haguhit zipline station kung nasaan ngayon si Ramon, isa itong mabatong bahagi ng isang abandonadong quarry na dalawa o tatlong palapag ang taas mula sa kapatagan. Diniskartehan ni Ramon at ng ilan nilang katropa’t kasyosyo sa Haguhit upang mapalagyan ng kahoy na hagdanan sa bandang likuran, upang mapaayos at mapatag iyung tinatawag nilang mahabang rampa kung saan bababa ang mga nag-zipline na nagmula sa talampas ng Ugong Bato.
Sa dalawang magpinsan, si Ramon ang mas may karanasan sa zipline. Mas maalam si Ramon sa ilang mga prinsipyo nito; habang si Arvin naman ay mas mahusay sa pak
