Matapos magpalitan ng numbers ay umalis na rin ang mag-asawa. Matapos magbayad ng mga pinamili ay umalis na sila agad at dumaan sa isang restaurant para doon kumain ng tanghalian. Habang nag-uusap at kumakain, napansin ni Lia na may mangilan-ngilan na mga tao na kumakain din doon ang panay ang tingin sa kanya.
“Nakatingin sila sa atin, mukhang nakilala ka nila,” sabi ni Michael.
“Napansin mo rin pala,” tatawa-tawang sagot niya.
“Will you be okay? Baka mamaya makarating ‘to sa media?” may himig ng pag-aalala na tanong nito.
“Hayaan mo sila,” balewalang tanong niya.
“Ibig mong sabihin, okay lang sa’yo na malaman ng tao ang tungkol sa atin?”
“Na ano? Na asawa kita?” dugtong ni Lia.
Natigilan si Michael, tila nag
