-----
***Azalea's POV***
-
"Ang init,” reklamo na naman ni Yashir. Kanina pa siya nagrereklamo—mula sa paglalakad, sa alikabok, sa kagat ng kung anong insekto daw at ngayon, sa init. “Malayo pa ba tayo? Para tayong niluluto sa impyerno dito."
Napairap ako habang maingat na iniiwasan ang matatalim at madudulas na bato sa daan. “Kung gusto mong malamigan, bumalik ka na lang sa kotse mo at hintayin kang damputin ng hangin,” iritado kong sagot.
Hindi na ako natutuwa sa paulit-ulit niyang pagrereklamo. Kung tutuusin, kasalanan naman niya ang lahat ng ito. Siya na siguro ang pinaka-palpak na ‘kidnapper’ sa kasaysayan.
“Sabihin mo nga sa akin ang totoo,” dugtong niya, halatang nawawalan na ng pasensya. “Talaga bang dito lang sa loob ng kagubatan ang daanan? O meron pang ibang mas matinong
