-------
***Azalea's POV***
-
Walang sinayang na pagkakataon sina Don Savino at Donya Saskia—agad nilang kinausap sina Inay at Itay tungkol sa pagpapakasal namin ni Yashir. Bagama’t alam kong may kaunting pagtutol si Inay, wala rin naman silang magagawa. Hindi lang dahil sa tingin niya ay wala kaming laban sa isang mayamang pamilyang tulad ng mga Montreal, kundi dahil na rin sa paniniwala niyang mahal ko si Yashir. Mas mabuti na rin marahil na ito ang paniwalaan ng mga magulang ko, upang hindi na sila makaramdam ng guilt na parang wala silang nagawa para sa akin—para hindi nila maisip na napilitan lamang ako sa sitwasyon.
Agad na napagdesisyunan ang petsa ng kasal namin ni Yashir—mangyayari ito makalipas lamang ang isang linggo ng paghahanda. At sa mismong mansyon na rin ito gaganapin.
