Pasakay na sila sa Land Cruiser nang humabol si Amira dito. “Sasama ako sa ospital, JM. Kailangan mo ako doon.”
JM patted her head. “Dito ka na lang. Kasama ko naman si Heart. Gusto ko estimahin mong mabuti ang mga bisita natin. Ikaw ang inaasahan ko.”
Marahang tumango si Amira. “Bumalik ka agad, ha? Mami-miss kita.” Ngumiti it okay JM pero umirap naman sa kanya. “Mag-ingat ka, JM.” May diin ang salita nito na parang sa kanya pinag-iingat.
“Masyado talagang nag-aalala si Amira.”
Kung makaasta si Amira ay parang aagawan ito ng lalaki. Di naman niya aagawin si JM dito. What she had with JM was temporary insanity. Mawawala rin ang kahibangan niya maya maya.
Pero di niya maiwasang sumimangot nang makarating ng ospital. Women stared at JM openly. Mga kinikilig ang mga ito at di maiwasang
