Huminto siya sa pagsasalita nang maramdaman niyang nanginginig na siya sa galit habang nagta-type. Mabibigat na ang bagsak ng mga daliri niya sa kawawang keyboard. Mahirap talagang maka-get over di lang sa ex-boyfriend niya kundi maging sa iba pang mga kalalakihang nagpaiyak sa mga kababaihan.
“Paanong ang magaling na romance novelist ay walang tiwala sa mga lalaki? Saan mo ibinabase ang mga heroes mo?”
Itinapik niya ang daliri sa sentido. “Imahinasyon ko. No offense meant. Pero iilan lang ang mga lalaking kakilala ko na matino. Mga nagsipag-asawa na sila. Kasama na doon ang tatay ko. Mahirap nang pagkatiwalaan ang mga single na lalaki ngayon. Goodluck sa mga babaeng magkakamali sa kanila.”
Kaya nga nagbibigay siya ng warning sa mga readers niya pagdating sa mga lalaking manloloko at ba
