Unti-unting hinahatak ng antok si Heart sa pagbababad sa jacuzzi. Ang malamig na hangin at ang mga huni ng ibon pati na rin ang mahinang hampas ng alon sa dagat na naririnig mula sa bathroom ang nagpagaan ng loob niya. Hay! Kung pwede lang sana ay nasa labas ang jacuzzi na iyon, mas maa-appreciate sana niya ang magandang view.
Ipinikit niya ang mga mata. Nakita na lang niya ang sarili na tinatangay ng dagat hanggang unti-unti siyang lumubog. Nang idilat niya ang mga mata ay puro tubig ang nakikita niya. Hindi siya makahinga. Hindi siya marunong lumangoy. Kahit anong palag niya ay di siya makaahon. Di siya makaangat. Mamamatay ba siya?
Naramdaman na lang niya na may malalakas na bisig na nag-ahon sa kanya sa tubig. Habol niya ang hininga at napaubo dahil sa nalunok na tubig. “It’s okay,
