PUNO ng mga guest at staff ang beachfront ng Bahia de Aurora. Nagsisimula na ang tourist season sa bayan ng Aurora dahil sa papalapit na surfing tournament. Fully booked ang resort dahil sa mga gustong mag-surfing lesson. Ilang araw na rin silang abala dahil sa pagpo-promote sa resort at sa mismong tournament sa Internet. Iyon ang unang surfing tournament sa Aurora at maganda ang naging sagot ng mga surfing enthusiast maging mula sa ibang bansa.
Isang bonfire party ang ginaganap kung saan pwedeng maki-party pati ang mga staff. Kahit si JM ay nakisali sa pakiki-jamming ng acoustic local band at hawak ang gitara. Lahat kasi ay nagtrabahong mabuti para mag-iwan ng magandang impression ang resort sa mga nagiging bisita nila. Ang ilan sa mga bisita doon ay repeat guests nila o kaya ay ini-ref
