Naramdaman ko na medyo lumuwag ang yakap niya sa akin. Maya-maya ay bumangon siya at umupo sa kama ko. Gano'n na rin ang ginawa ko at hinarap siya. "Bakit ganiyan ang mga tanungan mo sa akin ngayon? May problema ba? Hindi ko alam kung saan nanggagaling 'yang mga tinatanong mo sa akin ngayon, Vivianna Apple."
Kapag tinatawag na niya ako ngayon na Vivianna Apple, ibig sabihin ay sobrang seryoso na talaga niya. Hindi ko alam kung dapat na ba akong matakot ngayon o hindi. Ngumiti naman ako sa kaniya. "I'm sorry for asking such silly questions. Nilalambing lang naman kita. Syempre gusto ko lang naman na marinig ang sagot mo sa tanong ko," palusot ko naman sa kaniya.
Napabuntong-hininga naman siya dahil sa sinabi ko na 'yon. "Syempre ay wala na akong iba pang magiging babae sa buhay ko, bukod
