NAHIHIMBING na ang mga kasama ni Kate nang magbalik siya sa loob ng silid. Imbes na mahiga sa kama ay maingat siyang pumasok sa loob ng banyo. Nakasampa na sa marble sink si Eric. Nginitian niya ang imahe na naging karamay niya sa pinakamalaking pagsubok ng kanyang buhay. Kaagad namasa ang kanyang mga mata.
Malungkot na napangiti si Eric. “You’re gonna say goodbye now?” Bumaba si Eric sa sink at nilapitan siya.
Naluluhang niyakap ni Kate si Eric. Hinagod nito ang kanyang likod. “It’s okay,” anito sa malumanay na tinig. “You’re gonna be okay without me. Because he’s already here. He’s the real deal, baby.”
Mariing nakagat ni Kate ang kanyang mga labi at pilit na sinupil ang hikbi na nais kumawala sa kanyang lalamunan.
“It’s okay,” muling bulong ni Eric.
“May natanto ako nang sabihin ni
