HINDI kaagad nakagalaw si Aloha nang lagpasan siya ni Phoenix at nagmamadaling pumasok sa kuwarto. Nang makitang isasara na sana nito ang pinto ay agad siyang tumakbo at hinarang ng isang kamay niya ang pinto.
May pakiramdam kasi siya na kapag nakapasok na ito sa loob ay magla-locked na lang ito ng pinto.
“F*ck!” malakas na mura nito. Pero hindi siya nagpasindak at itinulak niya ang pinto at agad na pumasok sa loob.
“Nasaan ang medicine kit?” natatarantang tanong niya.
Naramdaman din niyang nagsimula nang manginig ang mga kamay niya dahil sa nakikitang maraming dugo sa balikat nito. Pero hindi na niya iyon pinansin.
Ang mahalaga ay matulungan niya si Phoenix. Ano ba kasi ang nangyari? Bakit ito may sugat?
“Get out. I don’t need your help here.” Nakangiwing sikmat nito sa kaniya. P
