HINDI alam ni Aloha kung ano ang ire-react niya habang binabasa niya lahat ng dokumento na nagsasaad na sa kaniya na nga lahat ng properties na meron si Xavier sa iba’t ibang lugar. Pati ang share nito sa Lim Group of Companies ay nakapangalan din sa kaniya.
“Bakit niya ba ito ginagawa?” mahina at naluluha niyang tanong kay Atty. Hernandez, ang abogado na pinagkakatiwalaan ni Xavier.
Hindi siya makapaniwala sa ginawa ng kaibigan. Hindi naman sila gano’n katagal na magkakakilala para ipagkatiwala nito sa kaniya lahat ng meron ito.
Oo, tinulungan niya ito pero hindi iyon valid reason para ibigay sa kaniya lahat ng mga ito. She doesn't deserve all of this.
“May dahilan si Mr. Lim kung bakit niya ito ginawa, Miss Sandoval.” sabi ni Atty. Hernandez sa kaniya.
Umiling-iling siya. Hindi ni
