TBM#34
PANAY ANG buntonghininga ni Heejhea habang nakatanaw sa malayong parte kung saan siya naroroon. Nakaupo siya sa pang-isahang sofa na nasa balkonahe ng kwarto nila ni Jacob.
Sobrang liwanag ng panahon, kabaliktaran sa nagdidilim niyang kalooban. They say that after the rain, the sun will reappear. For her it is all a lie. Oo, nga at nakaligtas siya pero kapalit naman niyon ay ang pagkawala ng anghel sa sinapupunan niya. At hanggang ngayon ay hindi pa rin niya matatanggap ang pagkawala nito. Hindi man lang niya ito nailuwal ng maayos.
Limang araw na ang nakalipas mula nang inuwi na siya ni Jacob mula sa ospital. At sa limang araw ring iyon ay kibuin dili niya ito. Hindi rin siya nagpunta sa sementeryo kung saan inilibing ang anak nila dahil hindi pa rin niya matanggap ang pagkawal
