KASALUKUYANG nagluluto si Heejhea ng kanilang hapunan habang ang anak niya ay nasa sala kasama si Manang Cecilia. Dati itong yaya ni Jacob at kinuha ito ng lalaki para siyang magbantay sa anak nila kapag nasa trabaho siya.
May limang katulong din itong kinuha. Pero kahit gano'n ay siya pa rin ang nag-aalaga sa anak niya at tumutulong pa rin siya sa paglilinis ng bahay at naglalaba ng mga damit nila ng anak niya.
Ayaw niyang pakampante, baka pagdating ng araw ay isa na siyang pabigat kay Jacob at iyon ang huling gusto niyang mangyari.
Araw-araw siyang sinasabihan nito noon na 'wag siyang tatamad-tamad at h'wag aastang parang señorita kaya hindi na niya iyon maalis sa isipan niya. Dala-dala na niya iyon hanggang sa tumanda siguro siya.
Noon, akala niya magbuhay reyna siya sa piling ni
