PANIBAGONG araw na naman kay Ema na nakikituloy pa rin siya sa bahay nina Esme at Legend. Ang pinagkaiba ng mga unang araw niya rito ay nagmumukmok siya at ipinagluluksa ang sugatan niyang puso. Samantalang ngayong mga sumunod na araw ay natuto siyang makipagkomunika sa ibang tao, at lumabas upang ibaling sa ibang bagay ang kanyang atensiyon.
"Ema!" excited na tawag ni Esme sa kanya. Pumasok na pala kaninang maaga ang asawa nito sa trabaho.
Kasalukuyang nasa kusina siya at nagluluto ng kanilang tanghalian. Pinagpahinga muna niya ang mga kasambahay.
Lumapit sa kanya ang kaibigan kaya tumigil siya sa paghihiwa ng mga gulay, at paghahanda sa iba pang mga gagamitin niyang sangkap.
"May bisita tayo ngayon," imporma nito sa kanya na natutuwa.
"And that's me!" masigla at malakas ang boses n
