Ilang araw na kami dito sa farm .Tapos na yung sa talong, ngayon naman ay mag-uumpisa na silang mag-araro para sa taniman ng palay. Sobrang init. Tirik na tirik ang araw at ramdam mo yung singaw ng maputik na lupa.
Ayaw na sana kaming isama ni Blake dito sa bukid. Sabi niya mainit, maputik, at siguradong maraming linta. Lalo na kay Maria na sanay sa aircon sa Maynila. Pero siyempre, nagpumilit ako. Kapag nandoon si Blake, dapat nandoon din ako. Hindi ko pwedeng palagpasin ang kahit anong pagkakataon na mapalapit sa kanya, lalo na kung ang suot lang niya ngayon ay lumang t-shirt at manipis na board shorts habang nag-aararo kasama yung kalabaw sa malayo.
"Babe, doon muna ako sa may puno ng niyog ah? Kukuha ako ng buko para may mainom kayo mamaya," paalam ni Julian, may hawak na itak.
"
