DAHIL sa lecheng "respeto" na gusto ni Julian para sa akin, lalo akong nagutom.
Ilang araw na ang lumipas simula noong mag-away kami sa mismong first monthsary namin. Hindi ko na siya kinausap mula noon. Tuwing nagte-text siya, binabalewala ko. Tuwing tumatawag siya, nire-reject ko. Paano ko siya kakausapin kung ang mismong presensya niya ay nagpapaalala lang sa akin na hindi ko makukuha ang gusto ko?
Gusto kong mayakap nang mahigpit. Gusto kong may maramdaman na bigat sa ibabaw ko. Pero dahil nagmamarunong si Julian, napilitan akong humanap ng sarili kong paraan para maibsan ang uhaw ko.
At ang naging kanlungan ko? Ang banyo.
Sabado ng umaga. Wala na namang tao sa taas. Pumasok ako sa banyo, ni-lock ang pinto, at binuksan ang shower. Hinayaan kong umagos ang tubig para gumawa ng
