Ramdam ko ang init ng katawan ko, pero hindi ko pinahalata kay Ally. Nilalagnat na ako, pero alam kong kailangan kong pumasok bukas para sa exam. Hindi pwedeng hindi ako mag-review, kahit sobrang bigat ng pakiramdam ko.
"Elise, sure ka ba na kaya mo pa?" tanong ni Ally habang kinukuha ang malamig na basahan at pinunasan ang noo ko. Kita sa mukha niya ang pag-aalala, at alam kong gusto niyang pilitin akong magpahinga muna.
"Kailangan ko 'to, Ally. Di ako pwedeng bumagsak," sagot ko, pilit na ngumiti para kahit papaano ay hindi siya masyadong mag-alala.
"Pero nilalagnat ka na, Elise," sabi niya, tila nakikipagtalo sa akin. Tumayo siya at kinuha ang thermometer para sukatin ang lagnat ko. 38.5°C.
Napailing siya. "Ayaw mo talagang magpahinga, ano?"
"Hindi," sagot ko nang matigas, kahit gu
