الحكاية الاولى ( لحظات الحب ) الفصلين السادس والسابع وجزء من الفصل الثامن

4226 Words

الحكاية السادسة زادت تحكمت وائل اوي في سارة وهي كانت بتوافق على حاجات كتيرة عشان مش تزعله بالرغم انها في الاساس مش بتكون عايزة تعملها النهاردة حصل خلاف بين سارة و نادين في الكلية كانت سارة بتكلم قد ايه هو بيحبها ومش هيقدر يعيش من غيرها على حد قوله ليها نادين : نصيحة بالنسبة ليا المبالغة في المشاعر حاجة مش تطمن بالع** ده بيخوف لان معظمها بيكون مش حقيقي اسطوانات زي ما الشباب بيقولوا سارة اتضيقت : انتي قصدك يعني ان وائل بتاع اسطوانات ؟ نادين: انا مش قصدي كدة بس انا قصدي خلي في احتمال ولو 1% انه بيكدب بلاش الثقة الزيادة ديه سارة : لا طبعا هو يستحق الثقة ديه وانا عارفة كدة كويس ، انا بقدر الناس اللي تستاهل الثقة مش ببخل عليهم في مشاعري ع** ناس تانية نادين بانفعال : قصدك انا يعني ، انا مش هتكلم تاني في الموضوع ده بس انا عايزة اعرفك حاجة انا بالرغم من ان اياد يستاهل منى كل حاجة كويسة خايفة منه ومش قادرة اثق فيه تماما عشان خايفة اثق فيه يجرحني يمكن يكون ده ظلم ليه بس الاحتياط واجب انا عارفة انه مش يستاهل كدة بس انا اتعودت اعمل حساب كل حاجة وده اياد انما وائل كان بيعمل اخطاء كبيرة فانا عشان كدة عايزاكي تعملي حسابك عشان مش تتعبي انتي في الاخر سكتت نادين شوية وبعدين كملت : انا هامشي ومعلش يابنتي لو خنقتك واوعدك مش هجيب سيرة الموضوع ده تاني بعد كدة مشيت نادين انا ورنا حاولنا نتكلم مع سارة انها لازم تعتذر لنادين لانها عارفة ان نادين مش تقصد غير مصلحتها وانها لازم تفكر في كلام نادين لانه وان كان قاسي لكنه حقيقي سارة قالتلي انا ورنا : انتو عارفيين اني كلمت وائل عن رأي نادين ده قالي اقطعي علاقتك بالبنت دي رنا : ياسلام هو عشان عارف ان اللي زي نادين دي هي اللي هتقدر تخليه يخسر ويتعرف على حقيقته سارة : يابنات وائل مش وحش قوي كدة وبعدين بعد الشر لو هو وحش انا اللي هاتحمل نتيجة اختياري بعد يومين سارة اتصلت برنا تقولها انها اتخنقت هي ووائل رنا : طب وايه السبب ؟ سارة : امبارح كنت بصور ورق من المكتبة وكان في ولاد واقفة في المكتبة المهم اتصل بيا سالني انتي فين قولتله في المكتبة قالي انا جيلك رنا : ماشي وبعدين ؟ سارة : لما وصل كنت واقفة مع ماجد زميلي باخد منه الورق عشان اصوره اول اما شافني اتعصب وقالي انتي ازاي تقفي معاه لو حد شافني هيقول ايه دلوقتي ؟ رنا: ياسلام انتي في الجامعة هو انتي في كافية ؟ايه العبط ده ؟ سارة : هو ده اللي حصل ، انا قولتله كدة قال خلاص ننهي الكلام ووصلني للبيت وماشي على طول وطول الطريق بحاول اتكلم معاه مش كان عايز يرد عليا رنا : بالله عليكي مش تتصلي بيه وعرفيه الادب عشان مش ينفع اسلوبه ده سارة : ايوة طبعا اكيد وكالعادة سارة مش عملت اي حاجة من اللي قالتلها رنا عليها وبعد يوم لما حضرته مش اتصل هي حاولت تتصل بيه ولما مش رد بعتتله رسالة تعتذر فيها وبعد شوية وافق حضرته انه يكلمها والموضوع انتهى من غير ما تعتب عليه او حاجة نادين واياد بداؤا يجهزوا الشقة مع بعض بس للاسف حصلت مشكلة لان يوم خناقة نادين وسارة كان اياد موجود وسمع كلام الاتنين لبعض ومن وقتها وهو متغير معها نادين في الاول اخدت بالها بس قالت تطنش لانها مش عارفة ايه السبب وشوية وهيتعامل زي الاول بس لما فضل على نفس الوضع قررت انها تتكلم معاه كانوا الاتنين في الشقة مع مهندس الد*كور عشان يختاروا الوان البيت وبعدها قالتله عايزة نروح اي كافية عشان اكلمك في حاجة نادين : ايه يا اياد انت مالك في حاجة ؟ اياد : لا عادي انتي حاسة ان في حاجة يعني حاسة انك عاملتي حاجة غلط نادين : ايوة حاسة ان في حاجة بس بصراحة مش عارفة انا عملت ايه غلط ، اياد بالله عليك ياريت تتكلم تقول في ايه؟ اياد : انتي ليه يا نادين مش حكتيلي على الخلاف اللي بينك انتي وسارة ؟ نادين باستغراب : انتي عرفت ازاي ؟ اياد: انا كنت ماشي بالصدفة وسمعتك وانتي بتتخنقي معاها نادين: انا كنت هقولك بس........... اياد: بصي انا عايزك تجاوبيني انا عمري عملت معاكي حاجة وحشة ؟ نادين : بصراحة لا اياد : طب ليه مش بتثقي فيا انا كنت حاسس بكدة من الاول بس قولت اكيد هتتغيري لكن انك تقولي قدام اصحابك انك مش بثقي فيا ده اللي مش قدرت افهمه قولت اهدي نفسي واستنى اشوفك هتكلمي ولا لا نادين : انا عارفة اني بظلمك بس انا دايما بخاف يا اياد انت شايف القصص اللي بتسمعها عن الولاد اللي بتسلى بالبنات وكمان نسب الطلاق اللي زادت اياد: طب وانا ايه علاقتي بالموضوع ده ؟ نادين : انا خايفة يا اياد مش عايزة افشل في العلاقة اللي بينا صدقني ده مش بايدي بس ده احساسي ومش عارفة اغيره اياد : بس انا مش زيهم ده ظلم ليا انك تقولي عني كدة لانك شايفة تعاملي معاكي ازاي، ممكن اسالك سؤال ؟ نادين : طبعا اتفضل يا اياد اياد : انا مش اهتمت بالاول بس عايز اعرف بصراحة هو حقك طبعا بس انتي عرفتي حد قبلي ؟ نادين: ياسلام يعني عشان مش بثق في الولاد 100% يبقى انا عرفت حد قبل كدة انا بصراحة عمري ما تخيلت انك تفكر كدة بس عشان اريحك انا مش ارتبطت قبل كدة بس صدقني في اوقات مش شرط تعيش الارتباط عشان تكره او تحب ،في حاجات بتأثر في حياتك ممكن تكرهك في الارتباط نفسه بس على العموم ياريت خلاص ننهي الحوار ده واحنا هنمشي بقى بعدين نبقى نشوف موضوع الالوان اياد : شوفتي انتي زعلتي ازاي عشان مجرد احساسك اني مش باثق فيكي وده في الماضي اللي مش كنت معاكي فيه, والله العظيم انا اما سالت السؤال ده كان لاني شفتك متحملة على الرجالة في كذا موقف فحبيت اعرف بصراحة بس مش قصدي حاجة تانية نادين : ماشي معاك حق بس بص يا اياد انت كمان مش واثق على الاقل في مشاعري ناحيتك فصدقني الثقة هتيجي بالتعامل الكويس مع الوقت ووقتها هتكون ثقة كاملة عايزين نساعد بعض في نجاح علاقاتنا ونستحمل بعض شوية ، فكر في كلامي كويس اياد: ماشي يانادين يلا عشان نمشي بعد اما نادين رجعت البيت دخلت على اوضتها وهي زعلانة جدا لانها كانت كل اما تقول انها اتغيرت يحصل موقف يقول انها كانت بتضحك على نفسها كمان كانت خايفة لانها حسيت انها مش قادرة تتعامل صح مع اياد وده ممكن انه ينهي علاقتهم مع بعض اياد ممكن يستحمل مرة او التانية انما ممكن بعدين مش يقدر يستحمل وفي الحالة ديه هتكون خسرت حاجة كبيرة قوي لانها عمرها ما هتلاقي حد زي اياد تاني والدة حسام قدرت تكمل التمثيل كويس بصراحة لدرجه ان رنا نفسها بدأت تحس انها بتحبها وفرحت قوي بالتقدم اللي حصل في علاقاتهم سوا بس اللي كانت على نفس اسلوبها اخت حسام اللي كل شوية ترمي كلام وحش على رنا وكانت نفسها ترجع مامتها لنفس اسلوب التعامل الاول مع رنا وبعد اما المشكلة خالص شبه اتحلت قدرت اخت حسام انها تقلب مامتها على رنا كانت رنا عندهم في البيت اخت حسام بتقولها : انتي في تجارة عربي صح رنا : ايوة رديت عليها : انا خريجة كلية الطب احنا العيلة بتاعتنا كلها دكاترة ومهندسين وكدة ومش عندنا اللي واحد بس من تجارة شغال بيبع في محل رنا :ايوة ما حسام قالي اعتبري انهم 2 من دلوقتي مش انا من العيلة ولا ايه ، وبعدين خريج تجارة بيسد في اي حاجة ع** خريج اي حاجة تانية ممكن مش يتميز في حاجة حتى مجال تخصصه ويكون فاشل ماما حسام : قصدك ايه يارنا تقصدي ان بنتي مش ليها فايدة رنا : لا انا مش قولت كدة انا بتكلم بشكل عام بعدين غيروا الموضوع كانوا بيتف*جوا على فيلم اللمبي 8 جيجا فراحت اخت حسام قربت من مامتها وقالت حاجة فراحت مامته قالت وهي بتبص على رنا : ايوة طبعا اوقات ربنا بيكرم ناس بحاجات مش تستحقها رنا مش حبيت تعمل مشكلة ومش رديت على الكلمة وبعد شوية روحت بس اللي كنت مش متوقعاه ان حسام يتصل بيها كمان شوية وهو متعصب : انتي ازاي تقولي على اختي انها مش ليها فايدة ؟ رنا : انا مش قولت كدة الكلام ده كدب انا........ حسام : يعني انتي قصدك ان ماما كذابة ولا قصدك ايه ؟ رنا : اسمعني لو سمحت انا مش كان قصدي كدة وهي فهمتني وعادي كنا كويسين حسام : مادام كدة ليه لما رجعت لقيتها بتعيط وماما قالتلي كدة ؟ رنا : لا معلش بقى انا مش عملت حاجة غلط والموضوع كان صغير انا مش فاهمة ليه نكبر الموضوع قوي كدة حسام : خلاص يابنتي اتصلي اعتذري ليهم وخلاص رنا : لا ياحسام انا مش هعتذر لاني مش غلطت اصلا حسام : خلاص يارنا اقفلي وفعلا قفل حسام وعلى طول لقيت رنا بتكلمني وهي مقهورة وبصراحة مش كنت قادرة اتحمل: شفتي امه واخته حسبي الله ونعم والوكيل فيهم وحكيتلي كل حاجة وبعد اما خلصت قولتلها: انتي صح هو ده التمام بس وهو حضرته لما يحس انه غلط هو اللي هيتصل و يطلب السماح وقفلت مع رنا بعد اما اتاكدت ان حسام فعلا ابن امه اما انا بقى علاقتي بيوسف كانت بتتقدم خطوات بسيطة جدا بس احلى حاجة فيها كانت احساسنا بعلاقة توم وجيري دي كل شوية نجر شكل بعض باي طريقة جدي مش كان مقتنع بالخطوبة بس لا كان عايز الموضوع يكمل ونعمل الفرح عشان يرتاح وفعلا قبل امتحانات سنة تالتة ب10 ايام اتفقوا على كتب الكتاب ويومها كانت فرحتي كبيرة قوي لاني كنت حاسة ان خلاص حلمي اتحقق واني دي اهم خطوة في حياتي اللي جاية نادين وسارة ورنا كانوا فرحانين جدا بيا لاني اعتبر اول واحدة فيها يتكتب كتابي , ايوة نسيت اقولكم ان سارة اتصلت اعتذرت لنادين على كلامها ونادين كمان واتصلحوا هما الاتنين بعد الامتحانات جدي كان عامل اجتماع مهم في الشركة وطلبني فيه بصفتي عضوة في مجلس الادارة وكنت على ميعاد مع صدمة كبيرة قوي في حياتي وصلت بدري شوية عن الميعاد قربت من مكتب يوسف كنت عايزة ادخل ارخم عليه شوية لانه الفترة اللي فاتت كان مش ظاهر وفي كذا يوم مش كنت بيكون موجود في البيت بس سمعته بيقول لوحده : ياحبيتي مش هينفع اجي عندك النهاردة جدي عايزاني في حاجة مهمة وانا مش عارف اتحجج بحاجة جامدة بس هحاول القي وقت واجيلك تاني البنت دي رديت : اصل بصراحة انتي بتوحشني قوي ياحبيبي لما بتغيب عني اكتر حاجة صدمتني اني كنت عارفة اني يوسف بيغلط بس انه يوصل لكدة عمري ما كنت اتخيل ده المهم دخلت عليهم : ايه يا يوسف على ما اعتقد ان الشركة مش مكان للغراميات بس لو كان الحب جامد كدة ممكن الكلام ده يكون بره الشركة والحمد لله ان انا اللي شفت الموضوع ده بس عشان انا عارفة جوزي ،بالرغم غراميات يوسف بيلف يلف ويرجع تاني ليا وبصيت ليوسف : ايه مش هنروح الاجتماع ولا ايه؟ المهم دخلت الاجتماع وانا بحاول اتغلب على صدمتي وبصراحة مش عرفت افكر في حاجة بس حاولت اكون متماسكة بعد الاجتماع يوسف قالي: انا عايز اتكلم معاكي ثواني رديت عليه : مفيش كلام يايوسف عادي جدا منك الكلام ده من واحد زيك بعد القسم اللي قولته في كتب الكتاب انا قولتلك اعمل اللي انت عايزه بس هي الشركة مكان مقفول ياريت تختار بعد كدة مكان تاني بصيت لجدي : انا هروح لعند رنا النهاردة اول اما روحت عند رنا حسيت ان شكلي متغير رنا: فيه ايه؟ مالك عاملة كدة ليه؟ قولتلها وانا بضحك ضحك هستيري : عادي تخيلي يوسف بي**ني هههههههه وانا اللي كنت فكراه اتغير ومرة واحدة انهرت وعيطت على كل حاجة قهرتي من يوسف خيانته ليا خيبة املي انه خاني كل حاجة و حبي اللي زاد قوي ليه وانا مش حاسة اتعهدت قدام ربنا اني لو مش عرفت اغير يوسف زي ماانا عايزة هنهي الموضوع وهننفصل لاني مش هقدر استحمل كدة اكتر حاجة فكرت فيها النهاردة ان اصعب جرح هو اللي بيكون من الانسان اللي انت بتحبه بس مش حاسس بكدة لانك مش بتكون متخيل حجم الصدمة اللي هتحصل عليه منه لما يصدمك في اي حاجة زي اللي حصلت معايا الحكاية السابعة وائل فرض سيطرته الكاملة على سارة ، من بعد اخر خناقة بينهم وهو بتنفذ كل اللي هو عايزه عشان مش يزعل اكتر حاجة كانت بتعصبني تفكير مامتها اللي بمرور الوقت بقى تفكير أساسي لسارة أنها لازم تستحمل وتعدى اهو عريس والسلام، وانها لازم تستحمل والحجة موجودة وناس كتيرة ماشية بيها ( ما كل البيوت فيها كدة )، وبعدين ده احسن ما تعنسي والعمر يعدي بيكي وانتي من غير عريس، والموضوع ده كان اكتر حاجة بتخلينا مش عارفين نتكلم معاها ازاي؟ مع مرور الوقت بدأت سارة تحس انا أسلوب وائل اتغير معها، ومش بقى بحبها زي الاول ومرة حاولت تسأله عشان تحاول تعرف ايه سبب التغير ؟ سارة : وائل انت متغير معايا ليه ؟ هو في حاجة ؟ وائل : لا ياسارة ياحبيبتي ليه بتقولي كدة ؟ سارة : مش عارفة ياوائل بس ده اللي انا شيفاه منك بصراحة انت مش بتهتم بيا زي الاول وائل اتعصب : والله انا مشغول عشان بشتغل انتي عارفة اكيد ان الجواز بفلوس مش ببلاش يعني، ولا عايزاني اقعد احب فيكي وبعدين منلقيش فلوس نتجوز بيها. سارة : انا مش قولت حاجة انا بسال بس انت اتعصبت ليه؟ انا بسأل عادي. وائل : ده مش سؤال يا سارة ده اتهام ليا، وانا من حقي اني اتعصب واتضايق لانك خذلتيني اصل انا كنت متصور انك بتقدري وتفهمي ان الدنيا مش كله حب وهيام انا ليا شغالي واهتمامتي كمان سارة : وهو لما اطلب منك تكلمني تطمني عليك كل يوم هاكون مش بقدر وبعدين احنا كانا اكتر من كدة في الاول ايه الاختلاف دلوقتي ؟ وائل : الاختلاف ان انا زهقت انتي عايزة طول اليوم اكون معاكي رومانسي وكويس ولا كأن ليا حياتي الثانية سارة : ياسلام طب ما انا ليا حياتي التانية واتغيرت عشانك اشمعنى انت مش تتغير وائل : انا مش اجبرتك على حاجة انتي اللي وافقتي بمزاجك ومن غير ناقش سارة حاولت تنهي الكلام عشان مش يكبر عن كدة وروحت البيت وهي بتفكر ايه سبب التغيير وافتكرت كلام البنات ان الولد لازم يمل لما البنت بتنفذ اللي هو عايزه عشان بيكون متاكد انه مهما عمل هتفضل تحبه واستمر الحال بينهم على نفس الوضع لحد اما حصلت في يوم بينهم خناقة جامدة يها انتي قوي كان الاتنين في كافية وفي نفس الوقت كان موجود سمير ابن عمها اللي لما شفها سلم عليها وعلى وائل وبعدها سمير : وحشاني والله ياسارة ، بقى كدة تتخطبي من غير ما انا اعرف سارة : وانا مالي انت اللي مش حضرت سمير : مليش يد كنت مسافر بره ورجعت اول امبارح على العموم انا هامشي وهبقى ازوركم في البيت قريب بعد اما سمير مشي وائل اتعصب وقال عايز يمشي واول اما سالته ايه المشكلة وائل اتعصب : ايه قلة الادب اللي فيها انتي و ابن عمك ده عيب اوي ده انتي حتى مش احترمتي وجودي معاكي وكملتي كلام عادي سارة : على فكرة مش فيها اي حاجة والموضوع مش مستاهل وائل : يظهر ان اهلك مش علموكي الصح من الغلط بس انتي عارفة انتي لو مراتي انا كنت ض*بتك بالقلم على وشك احنا هننهي الكلام لحد اما تعرفي غلطتك وتتعلمي الادب انا ماشي بعد اما وائل ماشي سارة فضلت تعيط في الشارع واكتر حاجة كانت صدمها انه لاول مرة يغلط فيها ويهددها انه ممكن يض*بها وبعدين كلمت رنا اللي نزلتلها على طول وحكيت لها على اللي حصل ورنا قالتلها : لا انتي لازم تنهي الموضوع ده طلع مش محترم سارة : لا انا ههدده وباذن الله مش يكرر الكلام ده تاني اما نادين فبعد الخلاف اللي بينها وبين اياد فكرت كتير في انها تعرفه على السبب اللي عشانه بتتعامل كدة والمشاكل اللي من زمان عندها بس كانت خايفة انه مش يقدر يفهمها نادين كانت متأكدة ان اياد معاه حق يزعل وعشان كدة حاولت انها تصالحه لانه كان بيكلمها ببرود هي مش متعودة عليه معاه بس حصلت حاجة صلحت علاقتهم قوي في يوم اتصلت بيه على الموبايل اكتر من مرة وفي اخر مرة ردت اخته ميادة :اهلا يانادين انا ميادة نادين : ازيك يا ميادة فين اياد انا كلمته كتير بس مش رد ميادة : انا مش كنت عايزه اخوفك اياد عمل حادثة بالعربية نادين خافت قوي وعينها دمعت : حادثة ؟طب انتم فين دلوقتي ؟ وهو عامل ايه دلوقتي ؟ ميادة : اهدي شوية متخافيش الحمد لله جت سليمة ايده الشمال ات**رت ورضوض خفيفة بس الحمد لله انها جت على قد كدة نادين : طب انتوا فين ؟ على طول بعد اما عرفت المستشفي طلبت مني اني اوصلها المستشفى وطول الطريق وانا بحاول اهديها شوية لانها كانت خايفة تكون اخت اياد بتضحك عليها وصلنا للمستشفى بسرعة قوي جريت هي على مامته اول اما شافتها واتفتحت بالعياط كل القلق اللي كان جواها عليه طلع دلوقتي المهم بعد اما هديت شوية واطمنت من مامته طلبت انها تدخل تشوفه اول اما شافته كان نايم وكان شكله تعبان مش قدرت تمسك دمعها وعيطت عشان حسيت ان ده انذار من ربنا انها لازم تحافظ عليه ومش تضيعه وفي نفس الوقت حسيت انها بدأت تحبه قوي ومش هتتحمل لو حصله حاجة دخلت ميادة عليها: مفيش حاجة والله هو الدكتور اصر انه يفضل في المستشفى عشان يطمن زيادة النهاردة بس انما غير كدة عادي الحمد لله يارب نادين : انتي عارفة اول اما قولتيلي حادثة كنت حاسة ان ممكن يجرالي حاجة ولما طمنتيني على التليفون بصراحة مش قدرت اصدقك لحد اما اشوفه بنفسي ميادة : ربنا يخليكوا لبعض نادين : يارب وربنا يحميه يارب انا ممكن اكون بعمل معاه اوقات حاجات مش صح بس والله عمري مابيكون قصدي ازعله او اقلل من قيمته بصي ياميادة اخوكي افضل راجل في الدنيا كلها بالنسبة ليا بس اوقات الواحد بغباءه بيعمل حاجات ممكن تخسره الناس اللي بيحبهم اياد وهو بيضحك : متقوليش على نفسك كدة انتي جميلة ، هو انا لازم اعمل حادثة عشان اسمع كلام حلو منك نادين وميادة جريوا عليه وقالوا : حمد على السلامة اياد مسك ايد نادين : مش هتتخلصي منى بالسهولة ديه نادين سحبت ايدها وقالت : اوعي تعمل كدة تاني ماشي وراحت ض*بته في كتفه اياد واتالم لانها ض*بته مكان الحادثة: اه ، ايه الغباء ده ، هو انتي كدة دايما اوقات بتفصليني منك نادين : انا اسفة والله مش قصدي معلش انا قصدي اني مش عايزة اخسرك عايزك دايما معايا فعشان خطري خلي بالك من نفسك اياد : حاضر بعد خروج اياد من المستشفى بشهر اتجوزت نادين وطول الفترة اللي قبلها كانت حياتهم كويسة قوي يوم الفرح كانت نادين زي القمر حتي اياد نفسه مش كان قادر يشيل عينه من عليها وكان يومهم حلو قوي كل حاجة فيه كانت بسيطة ومش كان فيها مشاكل اول اما وصلوا للشقة اياد عمل موقف زود حبه جوه نادين قوي قالها : انا هتوضأ وانتي كمان اتوضي عشان نصلي سوا عشان ربنا يكرمنا في حياتنا اللي جاية نادين فرحت قوي منه وحسيت انه ربنا عوضها عن كل اللي شفته باحلى طريقة لما عرفها على اياد وخلاها من نصيبه اما رنا كانت مش عايزة تكلم حسام وكانت بتتعامل معاه في الشركة في حدود الشغل وبس في يوم روحت اقعد معاها شوية في الشركة مادام هي مش عندها شغل وفعلا روحت عندها وكنا بنتكلم عن الموضوع ده رنا : انا مش فاهمة هو عشان انا كنت في دار ايتام يتعامل معايا اهله بالطريقة ديه طب ما انا دلوقتي عايشة مع ماما من غير ما احس معها انها مش مامتي وهي عمرها ما بتحسسني بكدة مرة واحدة لقيت محمد المهدي دخل علينا : معلش انا اسف لو قطعت كلامكم بس كنت عايز اسلم عليكي واسالك على يوسف يامرام ردت عليه : الله يسلمك ويوسف واخد اجازة يومين كدة بس انا هخليه يكلمك بص لرنا وقالها : ازيك يا استاذة رنا عاملة ايه ؟ رنا ات**فت : الحمد لله قولتله: انت تعرفها ؟ محمد : ايوة شفتها في الخطوبة بتاعتك ، معلش انا عارف ان مش حقي بس انا سمعت كلامكم فلو تسمحي يا استاذة رنا اقول رايي رنا : اتفضل محمد : انتي لازم تثقى في نفسك اكتر من كدة انتي محاسبة شاطرة وجميلة وحتي لو كنتي في ملجأ دي مش حاجة تخليكي تخجلي من نفسك بالع** انتي المفروض تفخري بنفسك لان في الغالب بسبب ان مفيش اسلوب تعامل كويس مع الايتام معظمهم بيفشل في حياته وبصراحة انتي ومرام عملتو انجاز انكم وصلتوا للمكانة اللي انتو فيها ديه وانا بالنسبة ليا عمري ما الموضوع ده هيقلل احترامي ليكم ( وكان بيبص على رنا )وبع** هيخليني افخر بيكي قدام الناس كلها ( وبعدين اتحرج وكمل وهو بيشاور عليا) قصدي هافخر بيكم سكت شوية وبعدين كمل : بصراحة انا من رايي لو هو مش قدر الموضوع ده يبقى الافضل تنهى ولان اساس اي علاقة او جواز هو الاحترام , معلش انا اسف لو اتدخلت بس حسيت اني عايز اتكلم رنا : لا بالع** انا فرحانة قوي انا اتكلمت مع حضرتك بعد اما مشي محمد لقيت رنا بتكلم نفسها : ليه حسام مش كدة ؟ قولتلها : قولتي حاجة ؟ رنا اتغلبطت : لا وهقول ايه ؟ روحت البيت وبالليل رنا كلمتني بتقول : حسام صالحني النهاردة بعد اما مشيتي اتكلم معايا وقالي انا اسف وانه عمرنا ما قعدنا المدة ديه مش بنتكلم مع بعض قالتله انا مش غلطت انت اللي كبرت الموضوع وانت اللي عملت كدة قولتلها: برافو عليكي يارنا وبعدين ؟ رنا : ولا حاجة قالي انه اسف وانه مش هيعمل كدة تاني ومش هيتعصب عليا ايدا وانه مش قادر يعيش من غيري اما انا بعد اللي حصل مع يوسف بقيت بتجنب اي حته هو فيها وكنت مرتاحة كدة هو حاول يتكلم كذا مرة بس انا كنت برفض اي كلام في يوم كنت في الفيلا ومرة واحدة سمعت صوت حاجة بت**ر ولقيت ماما كريم بتصوت الحقيني جريت على يوسف لقيته بي**ر في كل حاجة وهو منهار ،حاولت اعرف في ايه ؟ كنت مستغربة ازاي هو منهار للدرجة ديه؟ وايه السبب لكل ده قولتله : يوسف اهدي بالله عليك في ايه ؟ يوسف اسمعني يوسف وهو بيعيط : اهدا ازاي ؟ اعز اصحابي مات يامرام كان اقرب واحد ليا كان يعرف عني كل حاجة وانا كنت نفس الكلام قولتله : معلش يايوسف اهدا بالله عليك انا مش قادرة اشوفك كدة رد يوسف بهستيريا : قبل اما يموت قالي لازم تتغير عشان مش يحصلك زيي انا كنت حاسس اني هموت كدة بس انت لازم تتغير اوعدني يايوسف فضل يوسف يعيط وانا حاولت اخرجه من شعوره فمن غير تفكير جريت عليه وحضنته لاول مرة وانا كمان بعيط من الحالة اللي هو فيها وهو اتمسك بيا جامد وفضل يعيط كتير بس اما هدي شوية قالي : اوعي تسبينا يامرام انا عارف اني وحش ومش استهالك بس انا مش هتحمل حد تاني بحبه يسبني قولتله : حاضر كمل : وكمان عايزك تساعديني اتغير عشان احقق حلم صاحبي وعشان استهالك رديت : خلاص يبقى اول حاجة تبدا تصلي وفي نفس الوقت الخمرة دي مش هتتشرب تاني وانا هنزل دلوقتي ارمي كل اللي موجود وبعد كدة عايزة التغيير يكون بجد قالها : ماشي وانا هعمل اللي انتي عايزه. كملت وقولتله : انا عايزة منك حاجة بعد الجواز عايزة نطلع نعمل عمره وهو بالمرة كانها شهر عسل قالي وهو بيضحك من بين دموعه : يعني انتي وافقتي نتجوز بحق وحقيقي رديت: لا طبعا مش قصدي خلاص مش عايزة اسافر في حته , انت مش هتتغير ابدا قالي بسرعة : لا انا بهرز خلاص نروح السعودية من بعد الموضوع ده واحنا قربنا قوي من بعض وحسيت ان من جواه انسان كويس قوي بس محتاج اللي يبين الحلو اللي جواه ، فعلا زي ما وعدني قرب من ربنا وبقى بيصلي وقطع علاقته بالبنات اللي يعرفهم جدي كان عايزنا نعيش معاه فقال اننا ناخد جناح كامل لينا في الفيلا لانها واسعة وبسرعة بدا التشطيب لان الفرح كان بعد شهر بس موضوع صاحب يوسف اجل الموضوع شوية فقولنا بعد اربع شهور اكتر حاجة فرحتني هو اصرار يوسف على انه يتغير وطبعا اكتر واحد كان فرحان جدي اللي قال: **بتي الرهان وانا كنت متاكد من كدة يوسف زي اي حد ممكن يكون كدة ، كان مستني الفرصة المناسبة عشان يتغير وبالرغم من صعوبة سبب التغيير اللي هو موت صاحبه بس النتيجة فرحت الكل وانا متاكدة ان صاحبه حاسس بيه وهو كمان فرحان بالنتيجة ديه الحكاية الثامنة سارة ووائل علاقتهم فضلت على نفس الوضع شوية حب وشوية خناق وهي كانت مستحملة لابعد درجة اي تصرف وحش منه بس بمرور الوقت غيرة وائل بقيت حاجة لا تتطاق وسارة مش فهمت السبب في كدة ،كان بيغير من اقاربها وزميلاها في الجامعة بمجرد انه يشوفها مع حد تاني يتعصب ويزعق فيها بس عمره ماحاول يتطاول عليها النهاردة اتصل وائل بسارة ومن اول اما رديت فضل يتخانق معاها ويشتم فيها وهي مش كانت فاهمة ايه الموضوع المهم طلبت منه انها هتزل تشوفه لبست بسرعة ونزلت عشان تشوف في ايه ، واول اما : ايه ياوائل اللي انت عملته ده مش ينفع كدة وائل اتعصب وزعق فيها : انتي ليكي عين تكلمي ايه الاسلوب الزابلة اللي بتكلمي بيا على الفيس ده ومين ده اللي بيقولك يابيبي سارة : انت قصدك امبارح ده ابن خالتي وهو ده اسلوبنا في الكلام على الفيس من بدري وائل: بس ده كان الاول انما دلوقتي مش ينفع ولو كان مفيش حد عرفك العيب زمان فانا هعرفك العيب كويس قوي سارة زعقت فيه : احترم نفسك وانت بتكلم عن اهلى وائل ض*بها بالقلم وقال: لا احترمي نفسك انتي واوعي تعلي صوتك سارة مش كانت مصدقة ان وائل ممكن يض*بها وجريت وركبت تا**ي وروحت على طول على البيت اما روحت فضلت تفكر ازاي هو يعمل معاها وعلى حاجة مش تستاهل ومع كدة كانت على استعداد انه لو اتصل اعتذر منها انها تسمحه بعد اما يوعدها انه مش يكرر يعمل كدة كانت بتفكر تتصرف ازاي تتصرف سمعت صوت حد بيبكي قلقت وطلعت تشوف في ايه لقيت جارتهم احلام بتكلم مع مامتها: تخيلي طلاقني بعد كل اللي استحملته عشانه بس عمره ماقدر كملت احلام : استحملت كل حاجة بس كنت دايما انا اللي لازم اتنازل ولازم اقول خلاص وهو مفيش ولا اي حاجة كان بيض*بني وكنت بسكت ، بس عارفه انا اللي غلطانة في اول علاقتنا حصلت خناقات كتيرة بينا و كان بيمد ايده عليا وانا سكت ومش قولت حاجة بس عارفة اللي تسكت على موقف زي ده من الاول بالنسبة للرجل يبقى تتحمل الاوحش سارة طول الوقت كانت مركزة مع كلام احلام وهي بتفكر انها بسهولة جدا ممكن تكون مكان احلام ديه سمعت احلام بتكمل لمامتها: انتي عارفة اكتر حاجة زعلانة عليها هما اولادي اللي عمرهم 13 سنة وشافوا حاجات مش كان ينفع يشوفوها رجعت سارة لاوضتها تاني وسهرت طول الليل تفكر في الكلام اللي قالتله احلام وفي موضوعها مع وائل

Free reading for new users

Scan code to download app

App Store Google Play

Facebookexpand_more