Inayos ko ang pagkakasalansan ng mga papel ko at muling binalikan ang notes ko noon. Nilinis ko ang maalikabok na study area at nagsimulang gawin ang mga assignments na sana ginawa ko dapat noong Christmas vacation. Ilang oras din ang ginugol ko bago ko natapos ito at huli na nang mamalayan kong alas diyes na ng gabi.
Inunat ko ang mga kamay ko at itinago na ang mga gamit. Tumingin ako sa kalendaryo at bumuntong hininga.
Ngayon, tatlong araw nang absent si Simon, kahit anong text at chat ko, hindi siya nagrereply, hindi rin siya nag-oonline. Kapag sinusubukan kong tumawag, cannot be reached. Gusto ko sana siyang puntahan sa kanila upang alamin kung may problema ngunit pinangungunahan ako ng sarili kong takot. Paano kung galit siya sa akin? Paano kung itaboy niya ako? Paano kung hindi na
