Sa lahat ng maaring mangyari, iyon ang hindi ko pinakainaasahan.
Ni minsan, hindi ko naranasan sa kanya ito. Mula sa panliligaw, hanggang sa sinagot ko siya, at hanggang sa naging kami, kung hindi man kami nagkikita ay gumawa siya ng paraan upang makapag-usap pa rin kami at makapagbigay siya ng updates sa akin. Kapag may problema, pilit niyang aayusin. Unang lalapit sa akin upang humupa kung mayroon mang tension, gagawin ang lahat para magkaayos nang agad.
Iyon ang Simon na kilala ko. Iyon ang Simon na alam ko.
Pero ito? Ano ‘to?
Tumalikod ako upang sundan siya. Buong tapang kong hinakbang ang mga paa at tinawag ang pangalan niya.
“Simon…”
Hindi siya humarap. Saka lang siya huminto nang harangin ko na siya sa daang tinatahak niya.
“Anong meron? Bakit ayaw mo akong pansinin? Galit ka
