Just as I found myself safe in his arms, all of my daydreams turned into nightmare.
Lumunok ako at dahan-dahang naglakad sa terrace kung nasaan si Shan. Kagigising ko lang at pasado alas diyes na ng umaga. Hindi ko alam kung anong dahilan niya at bakit inutusan niya ang katulong na gisingin ako sa pagkakatulog. Masyado akong napuyat sa new year celebration kagabi.
Binalik ko ang talikwas ng buhok sa aking tenga. Sumimsim siya ng kape mula sa lamesita at nang mamataan ang pagbaba ko rito sa staircase, umayos siya ng upo.
"Si Kiel po?" tanong ko sa katulong na abala sa paglalampaso.
"Nasa rancho po, may inaasikaso," sagot nito. Tumango ako at bumitaw sa barandilya ng hagdan. Ilang hakbang pa ang ginawa ko bago ko marating ang sofa kung saan nakaupo sa prenteng posisyon si Shan. Sa suot
