HABANG kausap ni Stanli ang doktor ay matamang nakikinig si Louisiana. Maayos na raw ang lagay niya. Bukod sa mga galos at ilang mga pasa ay wala nang problema sa kaniya. Sinabi pa nitong maaari na siyang makalabas.
Dapat ay matutuwa siya gayong walang seryosong injury siyang natamo mula sa nangyari ngunit takot pa rin ang nararamdaman niya. Mula nang makausap ni Sir Stanli ang Sir Rave niya ay hindi pa sila muling nagkakausap. Pagbalik nitong muli sa silid niya ay kasama na nito ang doktor.
Nangangamba siya. Paano kung sinabi nito kay Sir Rave na naroon siya? Paano kung doon siya nito dalhin at ibalik? Parang gusto niyang hilingin tuloy na sana'y malala na lang ang naging kalagayan upang hindi siya mailabas agad doon. Mukhang hindi naman siya pababayaan ni Sir Stanli.
Sir Stanli... san
