رواية القدر الجزء الأول

البارت العاشر "١٠"

??الفصل العاشر ??

?رواية مدللة **رت كبريائي?

تأليفي ميرا إسماعيل?

أولا هرد علي بعض التعليقات اللي جات ليا علي الفصل اللي فات

حب فارس وصفا من اول نظرة انا هدفى ابين حكم القدر إن صفا كانت شايفة أن ليث هو الحب الحقيقي لكن فارس هدم الوهم دا عندها انا مقتنعة جدااااااا إن ربنا هو اللي بيولف القلوب وطالما القلوب اتلاقت إيه المشكلة أن الحب بالسرعة دى

الناس اللي بتقول عايزين تفضل الرواية كده من غير أحداث حزينة طب ازاى الرواية اسمها مدللة **رت كبريائي من اسمها فى وجع وحزن وفراق كمان

رؤوف الجبالى وفايز مش متفتحين مع علاقة نور وليث خالص دا تدليل ل نور ومع الاحداث هيكتشفو العواقب ورا التدليل المفرط

اسيبكم مع البارت الجديد ❤❤

?????????????

فى قصر الجبالى

فريد ونفين بيتكلموا مع بعض

فريد بقمة الغضب .. مش ممكن انا خسرت فارس اللي كنت حاطط عليه امل انه هيبعد ليث ونور عن بعض هو كمان غرق فى حب بنت الصعيد انت ساكتة ليه ؟ ايه مبسوطة من اللي بيحصل

نفين .. افتكرت مكالمة هاتفية بينها وبين مراد

مراد .. اهدى يا نفين هما خلاص اتفقوا ومفيش قوة ممكن تهزم الحب الكبير اللي بينهم وكمان فارس صوته مبسوط جدا انه هيتجوز صفا

نفين .. انا مش مصدقة انت موافق فعلا انت عايز تجننى ازاى بس انا حاسة أنى فى كابوس

مراد .. إن ولادنا بيحبو وعايزين يعيشوا حبهم دا صح والمفروض أننا نفضل جنبهم مش نحاول نبعدهم عن بعض

نفين .. انا خايفة علي نور نور متقدرش تعيش في الصعيد كنت نجحت

مراد .. خلينا نتفق انت مش نور اولا نور اصلا جواها الدم والعادات الصعيدية ثانيا هى بتحب ليث انت لأ

نفين .. انت لسه عند رايك ؟ اننا نسبهم يجربو

مراد .. أيوة طبعا طيب امبارح نور كانت عاملة ايه ؟

نفين .. كانت طايرة من الفرح لدرجة أنى كنت حاسه إنها فى السما

مراد .. بعد دا كله عايزة تقفى ضدها

نفين اتن*دت.. عندك حق ربنا يوفقها وتفضل دايما بتضحك

مراد .. هى دى نفين حبيبتى انا هاجى على اول طيارة

نفين .. هتقول المفاجأة ل فارس امتا ؟

مراد .. أما ارجع سلام يا عمرى

نفين .. مع السلامة

باااااااك

فريد .. نفييييين انت روحتى فين ؟

نفين .. معاك بس رأى مراد من رأي

فريد .. وإيه رأيك بقا إن شاء الله

نفين .. نسيبهم يا بابا نسيبهم يعيشوا حياتهم

فريد .. انت اتجننتى على جثتى إن نور تكون ل ليث لو اخر يوم في عمرى هحارب الارتباط دا وبكرة افكرك اما انجح وسابها وخرج

نفين .. ربنا يهد*ك يا بابا وتبعد عنهم

❤❤❤❤❤❤❤❤❤❤❤❤

عند صفا

الحاجة سعاد .. صدجتى أما جولتلك اللي يستاهلك هيجى لحد عند*كى

صفا .. صدجت ومبسوطة جوى جوى يا ستى

صفية .. ربنا يبسطك يا بتى يا ضى عيونى

بس يا بتى انت رايده فارس صوح ولا زعلانة إن ليث مبجاش ليكى وبتاخدى جرارات بزعل وخلاص

صفا .. والله ابدا أنى فرحانة ب فارس كانى عمرى معرفت ليث ولا كت بفكر فيه من الاساس

الحاجة سعاد .. ربنا يتم عليكم بخير

صفا وصفية ... يارررب

??????????????

عند العشاق

نور .. فى حضن ليث عارف يا ليث أنا فى حضنك بحس ان دا بيتى مليكى انا وبس

ليث .. طبعا أنى كلى ملك يا نور وانت كمان ملكى نتكلمو جد شوية

نور بمرح .. واه هو أنى أما اجول أنى بحبك دا مش حديت جد

ليث ... ههههه بعشقك أما بتتكلمى صعيدى

نور بخجل .. وانا بحبك كنت عايز نتكلم فى ايه ؟

ليث .. ناوية علي كلية ايه ؟

نور .. طب طبعا ادعيلى بس

ليث بصدمة .. طب عايزة تبجى دكتورة

نور .. وفيها إيه ؟ شايف أنى مقدرش

ليث .. لا تقدرى بس معنى أكده جوزانا هيتاجل كتير كلية طب كلية صعبة جوى وكمان 5 سنين وكلها عملى جدى أكده مش هيجوزنا جبل 5سنين

نور .. مين قال كده اولا انا هختار تخصص سهل زى مثلا طب الاطفال وبعد الجواز هحول كلية هنا في الصعيد

ليث .. بجد يا نور تسيبى كلية القاهرة وتيجى إهنا

نور.. انا اسيب الدنيا كلها علشانك مش الكلية بس

ليث .. ربنا يخليكى ليا

نور .. ويخليك ليا يا ليث

عند رؤوف وفايز

رؤوف .. أكده كل الخطر اللي ممكن يدمر علاجته نور وليث انزاح من جدامهم

فايز .. الحمد لله نفين لسه قايلة إن مراد جاى علشان جواز صفا وفارس

رؤوف.. الحمد لله نعمة من عند ربنا

فايز باس ايد رؤوف .. البركة فيك يا ابوى ربنا يديمك فوج راسنا

رؤوف بحكمة .. ربنا يوفج ليث هو شمش عايلة الجبالى اللي جاى

فايز .. كله بفضلك وبحسك اللي مالى الدنيا

رؤوف .. تسلم يا ولدى

رؤوف الصغير .. خيانة ابوى وجدى مع بعض وأنى روحت فين ؟ دا انى بردة من العايلة دى

فايز .. تعالى يا لمض كنت فين من امبارح

رؤوف الصغير .. أنى موجود اول ما تنادى تلقينى تحت رجليك علي طول

رؤوف .. أنت بتفكرنى ب نور وهى فى سنك كانت لمضة ومحدش يجدر يوجفها غير ليث

رؤوف الصغير .. دا حب من زمان بجا

رؤوف .. عشج ليث ونور يتحكى فى الحواديت

رؤوف الصغير .. عقبالى يارب

فايز ورؤوف .. انجح الاول يا اخويا

رؤوف الصغير .. خبط ايده علي الجبهة .. اخ نسيت انا كنت جاى ليه ؟

فايز .. ليه يا اخرة صبرى

رؤوف الصغير .. مع أنى جايب خبر حلو جداااا

فايز .. أنطق يا ولد

رؤوف الصغير .. حاضر يا ولدى هقول من شوية كنت قاعد علي النت عرفت أن نتيجة الثانوية العامة بانت وجبت نتيجة نور وصفا

نور بفرحة من وراهم .. بجد يا رؤوف

رؤوف الصغير بحزن مصطنع .. بجد انا كنت لسه هقول ل جدى علشان نبلغك الخبر بشويش

ليث .. ليه هى جابت كام ؟

رؤوف الصغير .. قول مجبتش كام ؟

نور بصدمة والدموع فى عيونها .. مش ممكن انا مقفلة كل الورق والله العظيم انا حليت كويس اكيد فى حاجة غلط

الجد رؤوف .. انت متوكد من اسمها ممكن تكون انخربطت

رؤوف الصغير .. اتلغبط ازاى دا مفيش غيرها علي الصفحة كل الناس بتسأل ازاى جابت الدرجات دى

نور بهستريا عياط.. لا لا والله العظيم دا حرام انا حليت كويس جدا والله يا جدو والله يا ليث انا حليت كويس

ليث .. ولا يهمك يا جلبى احنا نروحو ونرجعوا ورجك تانى

رؤوف الصغير .. لا ابوس ايدك تروح فين هى ناقصة إذا كان هى كده وجابت 100/100

امال اما تروحو وترجعوا الورق هتجيب كام 100/200

ليث .. بصدمة انت جصدك ايه ؟

رؤوف الصغير وهو بيعدل ملابسة .. قصدى انى اخو الاولى علي الجمهورية نور فايز رؤوف الجبالى

الجد رؤوف .. منك لله وجعت جلوبنا

فايز .. ادعى عليك باية وانت فيك كل حاجة

ليث .. منك لله نور كانت هتروح فيها

نور بدموع .. انا عمرى ماهسمحك حرام عليك انا كنت هموت من الرعب

فايز خدها فى حضنة .. متزعليش نفسك يا قلبي اخوكى اصلا هايف مب**ك يا نور

الجد رؤوف .. بفخر أنى جولت نوارة عايلة الجبالى ورافعا راسنا على طول

ليث .. مب**ك يا نورى أكده بجيتى دكتورة رسمى

نور .. الله يبارك فيكم

رؤوف الصغير .. طيب تمام اروح بقا اكمل ابلغ صفا النتيجة ربنا يعنا علي فعل الخير

ليث مسك رؤوف الصغير من هدومه .. تعالى إهنا انت إيه محراك شر اتهد

رؤوف الصغير .. الشر دا متعة عندى هاهاهاهاها

نور .. لا بجد انا كنت هموت من الخضة حرام عليك صفا

رؤوف الصغير .. والله ابدا دا انا مستني اليوم دا من زمان وسابهم وطلع جرى

نفين وفريد وفارس باركو ل نور وعرفو انها ناوية علي كلية طب وبعد كده هتحول ل جامعة فى

الصعيد بعد الجواز وطبعا فريد كان جوا دماغه مليون مخطط لهدم علاقة ليث ونور

وبعد شوية سمعو صويت

الكل اتخض

ليث .. عملتها يا رؤوف

نور .. صفا زمانها ماتت

فارس .. يا نهار مش فايت هتجوز واحده ميته

الكل ضحك وبعدها اتعرف إن صفا جابت 98

وقررت كلية السن

وعدا اسبوع من غير أحداث كثيرة

?????????????

الكل متجمع فى البيت الكبير علشان مراد يخطب صفا ل فارس

مراد .. إيه رايك يا حج رؤوف ؟

رؤوف .. إحنا عشرنا فارس وهو شاب زين زي اسمه فارس صحيح لكن فى مشكلة

فريد بفرح واضح .. إيه المشكلة؟

رؤوف .. فارس رايد يسافر بلاد بره وأنى مرضاش إن صفا تتغرب

مراد .. عندك حق بس لو شغل فارس هناك احسن وصفا موافقة علي السفر يكون ايه الكلام؟

رؤوف .. أنى مش ظالم اكيد هوافج بس لازمن كلامنا يكون على نور صفا عمرها ما خرجت برة الصعيد يبجى مرة واحدة تروح بلاد برة يبجا بحكم عليها وعلي ابنك بالفشل

فريد فى نفسه .. حلو قوى جت منك يا حج رؤوف

مراد بابتسامة .. عندك حق يا حج كلامك كله مظبوط وعلشان كده احنا كنا واخدين قرار بس كنت عايز اطمن من سبب رفضك

رؤوف .. وإيه هو الجرار (القرار)

مراد .. انا حاليا بصفى شغلى وهنرجع نعيش فى القاهرة واشتريت مستشفى خاص ل فارس

فارس .. بجد يا بابا هتعيش فى مصر ؟!

مراد .. أيوة ودا رأى نفين كمان عايزة تكون جنب نور

رؤوف .. يبجا أكده علي بركة الله

مراد باستغراب .. مش هنتكلم فى شبكة والمهر

رؤوف..... إحنا اشترينا فارس الشبكة والمهر دا مش حديت ناس شاريه

مراد .. أيوة يا حج بس علي الأقل حق بنتكم

رؤوف ل فارس .. بتصلى يا ولدى ؟

فارس باستغراب .. أيوة يا حج ما انا كنت بصلى معاك علي طول

رؤوف .. حافظ قرآن ؟

فارس بإحراج .. بصراحة بسيط

رؤوف. .. يبجا هشرط عليك زى الليث تحفظ سورة يوسف بتفسيرها

فارس بعدم فهم .. ليه سورة يوسف ؟

رؤوف .. سورة يوسف تتعلم منها الصبر وتجف فى وجه الف*ن أكده هطمن علي صفا وياك

فارس .. موافق احفظها

مراد .. بس برده الشبكة والمهر دا حقها

رؤوف .. علشان ترتاح الشبكة هدية فارس ل صفا فهمت يا فارس يعنى منيك انت

فارس .. فاهم ياحج

فايز .. كده تمام نقرأ الفاتحة

فارس .. لا اهم حاجة هنتجوز امتا

رؤوف .. صفازيها زى نور هما التنين واحد يا ولدى

فارس بصوت واطى .. سنتين كتير قوى الصبر يارب

ليث ... ههههه اهلا بيك معايا

وبعد الاتفاق تم قراءة الفاتحة وتحديد موعد الشبكة بحيث تكون قبل الدراسة

فريد ... كده انت اللي حكمت يا رؤوف الجبالى أنى اهد ليث واطلع الكارت إللى عندى وتوجه ل فارس.. مب**ك يا فارس ووجه كلامه ل ليث انا عايز اقعد معاك ونتكلم

ليث .. فى اى وجت(وقت) أنى موجود

فريد .. دلوقتى لوحدينا

ليث .. اتفضل

وخرج الليث وفريد

????????????

عند النساء

نور .. مب**ك يا صفا

صفا .. الله يبارك فيكى وبخجل نور أنى اسفة

نور ... علي إيه ؟

صفا. .... علي اللي كنت بعمله معاكى ومع ليث

نور بحب ... ولا يهمك كلنا بنغلط المهم تفوق قبل فوات الأوان وانت فوقتى ودا المهم

الحاجة سعاد .. ربنا يكملك بعجلك يا جلب ستك انت

نور .. حبيبتى يا نناه

وانتهى اليوم بسعادة علي الجميع

????????????

فارس وصفا ونور فى الجنينة

نور بغضب .. ماشى يا ليث كل دا بره

فارس .. يابنتى هو مع جدو فريد. لسه مرجعوش ل دلوقتى اهدى وتعالى نفكر فى اسم مستشفى

نور .. انا مالى هى مستشفى بتاعتى دى مستشفى لجراحة القلب وأنا هكون دكتورة اطفال

صفا .. خيلتينا اجعدى جارى

نور .. علي اساس انك طايقنى قوى يا بنتى انا عزول

فارس. .. نور بجد فكرى معانا

نور .. الأمر لله قعدت

صفا .. بما أن المستشفى هتدى للناس امل فى الحياه يبجا اسمها الامل لجراحة القلب

نور .. تؤتؤتؤ مش حلو قديم مستشفيات مصر كلها الامل تبارك الرحمة عارف تسميها إيه ؟

فارس ... انا مستنى علي فكرة انطقى

نور .. نبض القلب

ليث من وراها بنبرة صوت غريبة .. انت اللي نبض جلبى من جوه

نور .. ليث كنت فين ؟ ومالك شكلك غريب كده ليه ؟!

ليث ... بعدين تعالي ويايا

فارس .. اهدى يا عم الليث بنتختار اسم مصيرى

ليث .. ما هى جالت سميها نبض الجلب خلاصنا يلا يا نور

فارس .. نبض القلب حلو إيه رايك ؟

صفا .. حلو جوى

فارس .. والله أنت اللي حلوة قوى

صفا .. ااااانى طالعة فوج

فارس .. اقعدى عايز اتكلم معاكى

صفا .. بشرط تبطل الحديت اللي مش بيخلينى علي بعضى

فارس ... من عنيا انا بحبك بحبك اوي حلو كده

صفا .. انت مفيش منيك فايدة انى جايمة

وطلعت صفا علي غرفتها

فارس .. فالح يا اخويا اهى طلعت ارتحت روح بقا احفظ المطلوب منك

وراح فارس غرفتة ل يبدأ حفظ سورة يوسف

??????????????

عند ليث ونور فى الاسطبل

نور .. ممكن اعرف إحنا هنا ليه ؟

ليث بغرابة ... أنت بتحبينى يا نور صوح ؟

نور .. طبعا يا ليث دا سؤال

ليث .. تسامحيني علي أى حاجة

نور بقلق .. فيه ايه يا ليث متخوفنيش

ليث .. آنى بحبك جوى جوى عايزك تكونى متوكده من دا زين

نور .. بنفاذ صبر فيه إيه يا ليث؟!

ليث .. أنى

وقطع كلامه صوت من وراهم .. فى أن ليث بي**نك يا نور

نور .. بي**نى ازاى ايه الكلام دا يا جدو ؟

فريد .. اتفضلى الدليل

ومد ايده ب مجموعة صور

نور بتمد ايديها برعب واضح

ليث .. مسك ايد نور لازمن تفهمى الاول وتصدجينى

فريد .. تصدق إيه ؟ ما الصور معاها انت ولا مش انت

ليث ... لا رد

نور بدموع بعد ما شافت الصور ... مش انت صح ؟ دى صور متركبة؟ قول ل جدو إن مش انت اللي فى الصور دى

ليث .. بحزن لاه دى صورى بس غصب عنى صدجينى

نور ..........

??????????????

وبكده خلص بارت النهاردة اشوفكم قريب ان شاء الله

عايزة اعرف

رايكم بصراحة ؟

نور وليث كده علاقتهم انتهت ؟

انتهاء علاقة ليث ونور هتاثر علي صفا وفارس؟

إيه اللغز اللي ورا الصور ؟

فعلا ليث خاين ؟

استنونى في،حلقات تانية من

#مدللة **رت كبريائي

تأليفي ميرا إسماعيل

هتوحشونى