رواية القدر الجزء الأول

البارت السادس "٦"

❤البارت السادس ❤

رواية مدللة **رت كبريائي ? تأليفي ميرا إسماعيل??

عدت السنة علي خير وجت الاجازة والمفروض نور تسافر علشان تقضى الاجازة

ليلة السفر بليل

فريد .. انتو لسه سهرانين نور انت عندك سفر ولا هتاجليه

نور .. هو ينفع اجله

فريد .. طبعا لو مش عايزة تسافرى خالص ممكن

نور .. لا هسافر بس مش بكرة عايزة افضل مع فارس

فارس ادخل .. لاء لو بتاجلى علشانى سافرى

فريد بسرعة .. لا مش مهم ناجل خليها الاسبوع الجاى انا كمان عندى حاجات مهمة الأسبوع دا ومش هينفع تفضل لوحدك هنا

نور .. اوك كلم جدو وقله أنى هاجى الاسبوع اللي جاى

فريد براحة.. من عنيا يا قلبي

وخرج فريد علشان يكلم رؤوف ويعرفه إن نور رافضة السفر

فارس .. كنتى سافرتى

نور .. انا هسافر بس مش دلوقت احنا مش قعدنا مع بعض وانت بعد الاجازة هتدخل المدرسة وطبعا عايز مذاكرة كتير

فارس ... هههه عندك حق دا انا هتنفخ

نور .. هههه جبت الكلمة دى منين اوعى جدو يسمعك هيعملك مجلس تأديب

فارس .ونور ... هههههههههههه

فارس .. يلا سابقينى

نور .. يلا

فضل الاتنين يلعبو مع بعض

ملحوظة .. نور وفارس كبار دى حقيقة لكن فارس معش طفولته ولا نور كمان علشان كده ممكن تصرفاتهم تبان هيفه للكبار او حتى اللي فى سنهم ....

?????????

فريد كلم رؤوف وقله ان نور رافضة السفر

في الصعيد

الحاجة سعاد .. يعنى مش جاية بكرة كمان الشهرين الإجازة بتاعها جربو يخلصو وهى مجاتش

ليث .. غريبة يا جدى نور مش ممكن ترفض تيجى ممكن تكون عيانة ولا جدها غصب عليها وبيكدب علينا

فايز .. يعنى ممكن يكون غصبها فعلا انا ازاى مافكرتش في كده دى عمرها ماحصلت ان نور تبعد كل دا

الجد رؤوف .. بكره هنسافر كلتنا طالما نور مش رايدة تيجى نروح ليها إحنا

الحاجة سعاد .. واحنا كمان هنسافر

الجد رؤوف .. كلتنا مسافرين

وبالفعل تانى يوم انطلقو جميعا علي القاهرة

????????????

في فيلا فريد

نور .. كل دا لسه بتفطر يلا بقا

فارس .. اخر لقمة

نور يغيظ .. بقالك ساعة بتقول أخر لقمة أنجز

فريد .. براحته يا نور اللعب مش هيطير

نور .. هوفففففف طيب انا بره

فريد ... ههههه بتحب تلعب معاك

فارس .. انا كمان وانا معاها بنسا انى كبير بعمل حاجات مش مصدق أنى بعملها

فريد .. طبعا دى نور انت هتقولى

فارس ... لا انا عارف كويس انا هقوم احسن تولع فينا

خرج فارس ولقا انها واقفة شكلها متغاظ اتسحب براحة ومسك الخرطوم اللي فى الجنينة وفتح المياه ورش عليها

نور .. ايه دا وفارس مكمل مش زعلانة بصالحك

نور .. بقا كده طيب وطلعت تجرى وراها مسكت شوية طين من الارض هبهدلك وهى بتجرى وراها مسكته

نور.. مسكتك هبهدلك يعنى هبهدلك

فارس .. خلاص قلبك أبيض بيحاول يتفادا الطين منها

نور .. لا انا قلبي اسود بتحاول تبعد ايده علشان تبهدله وقعت وشدته معاها فضلو يلفو لغايه اما استقروا صوت ضحكهم كان جايب اخر الفيلا

استقرت نور علي الارض وفارس فوقها نور مسكت الطين وبهدلته

نور بصوت عالى .. بهدلتك يس انا نور. عمر ماحد يقدر عليا هاهاهاهاها

ليث بغضب ... نووووور

نور اتخضت من نبرة صوت ليث مش من الوضع هيا شايفه إنها بتلعب عادى

نور ... ليث وبصت شافت العائلة كلها واقفه

فارس قام وكان محروج جدااااا نور خافت من نظرتهم بس ما كنتش فاهمة ايه الغلط

نور .. جدو حبيبي وحشتنى

الجد رؤوف .. لو كت اتوحشتك كت جيتى

نور بتبعد عينها عن نظرات ليث اللي تقريبا بتطلع نار

نور .. كنت هاجى الاسبوع الجاي مش جدو كلمك

الحاجة سعاد .. مش تجولى مين دا الاول ؟

نور .. اه دا فارس ابن انكل مراد صاحبي وعايش معانا هنا

ليث .. معاكم اللي هو كيف ؟

نور ببساطة .. عايش هنا وفى مدرستي بس هو رايح اولى ثانوى

الجد رؤوف .. اه طيب غيرى خلجاتك عشان تيجى ويانا

نور بخضة .. علي فين ؟

فايز .. الفيلا عندنا علشان كمان يومين نرجع الصعيد يلا غيرى احسن تاخدى برد

نور بزعل انها هتسيب فارس .. اوك انا داخلا اغير

فارس باحراج .. عن اذنكم

ليث وقف امام فارس .. اللي حصل من شوية تبجا بتفهم لو متكررش تانى

فارس .. احنا كنا بنهزر الموضوع كبر غصب عننا

الجد رؤوف.. خلاص يا ليث اطلع يا ولدى نضف حالك

فارس .. عن اذنكم

صفا .. انتو كتو جلجنين عليها طلعت مقضيها هزار ومسخرة

صفية .. ملكيش صالح

داخل الفيلا

نور .. انا خايفة من ليث شكله متعصب قوى

دادا صباح وهى بتساعدها فى اللبس .. اللي عملتيه غلط انت كبرتى علي كده وفارس كمان غلط انا مقدرة انكم بتعوضو طفلتكم لكن مش كل الناس هتفهم وخصوصا ليث

نور .. انا مش عايزة اروح معاهم

دادا صباح .. لا اوعى تخافى منهم دول اهلك وسندك سمعه يا نور

نور بخوف .. سامعة يلا ننزل

نور خرجت وقابلت فارس

فارس .. البيت هيضلم

نور .. هتوحشنى يا فارس هتوحشنى قوى

فارس بمرح .. ايه الافلام الهندى دى اجازة بسيطة وترجعى واغلس عليكى هتوحشينى

نور .. حضتنه جامد انت كمان هتوحشنى كان متابعهم ليث بكل الغضب

ليث بغضب .. بجا أكده يا نور وأنى كت هموت من الجلج عليكى وانت اهنا ولا همك بس ملحوجة

فريد .. نور لو مش عايزة تروحى انا ممكن

نور قطعته .. لا هروح بس خلي بالك من فارس

فارس بمرح.. حاضر. هبقا اخليه يغير ليا البامبرز يلا امشي خلينا نرتاح من دوشتك

???????????

نور خرجت وركبت معاهم واتحركو علي فيلا الجبالى

الكل علي الغدا مش بيتكلم معاها وهى مش فاهمة غلطت في ايه !!!!!

ليث .. أنى شبعت

الحاجة سعاد .. بالهنا علي جلبك يا جلبي

نور .. بتقاوم احساسها بالتعب انا كمان شبعت وخرجت ورا ليث

وقفت قدامه وطلعت من جيبها شكولاته ومدت ايدها ل ليث تاخد

ليث بغضب .. مش رايد منيكى حاجة

نور .. ليه زعلان منى وكلكم كمان كل دا علشان مجتش في ميعادى انتم جيتم الموضوع خلص ليه مكبرينه

ليث .. انت واعيه للى بتجولى دلوجيت

نور .. انا معملتش حاجة غلط

ليث .. هزار ومسخرة مع اللي اسميه فارس ده صوح يا نور

نور .. دا صاحبى زيك ياليث

ليث بغضب .. مين ده اللي زى بجا أنى واى حد تانى في كفة واحدة عند*كى يا نور

نور بخوف من ليث أول مرة يتعصب عليها كده

نور .. اااانا مش قصدى انا بس كنت بفهمك أننا بنلعب ونور بدأت تحس ان تعبها زاد ومفيش عندها مقاومة

ليث .. والله في سماه لو اتحددتى وياه تانى هزعلك جوى يا نور

نور بتوهان ".. اأنا مممش قادددرة اتكلم

ليث بخوف علي نور وشكلها اللي فعلا بياكد انها تعبانة

ليث ..مالك يا نور فيكى إيه ؟

نور بعياط .. رجلى مش قادرة اقف

ليث من غير كلام قرب علشان يشيلها لقها سخنة جدا شالها ودخل جرى علي جو

ليث .. جدى يا جدى الحجنى

فايز .. نزل علي صوته وشافه شايل نور اللي تقريبا بيغمى عليها

الجد رؤوف من وراهم .. فيه إيه يا ليث

ليث بخوف .. نور سخنة ومولعة ومش جادرة تجف علي رجليها

فايز .. اكيد اخدت برد هات اطلعها

ليث .. لا أنى هطلعها

فايز بعد ما كشف عليها فعلا عندها دور برد شديد وسخونية نور اصلا ضعيفة وبتتاثر بأي شئ

صفية فضلت جانبها تعمل ليها كمدات والكل قلقان عليها

ليث كان في الجنينة بيلوم نفسه معقول زعله منها خلاه مش واخد باله انها تعبانة خصوصا انه عارف هى قد شاطرة انها تخبي وجعها عن الكل

صفا من وراه... متخافش جوى أكده بكرة تجوم زى الجرد

ليث بغضب بيحاول يسيطر عليه ... عارف انها هتجوم بس اللي مش عارفة انت ليه بتكرهى نور أكده ؟!

صفا بغل .. كلكم بتحبوها وأنى لاه حتى انت طول الوجت بجر الكلام منيك بالعافية مع انك عارف زين أن نور عمرها مهتخاف عليك قدى لان نور مدلع وكل همها مصلحتها وبس وعشان تصدق كلامى اول ما لجت لعبة جديدة رمتك من يدها طوالى

ليث بغضب .. انت اتخبلتى ايه الحديت الماسخ اللي عم تجوليه احمدى ربنا أنى مبمدش يدى علي حريم اخفى من جدامى الساعة دى وبعد أكده اوعاكى المح خيالك وبصوت يشبه الرعد سااااامعة

صفا ..من خوفها مردتش ودخلت جرى علي جو بس النار اللي ولعتها في قلب الليث من ناحية نور من اللي هيطفيها

???????????

فى فيلا فريد

فريد بيكلم نفين .. كل حاجة كانت ماشية تمام لغاية أما ظهروا واخدوها

نفين .. كنت عارفة أن الموضوع مش هيكون سهل ابدا خصوصا طول ما رؤوف الجبالي عايش

فريد .. بس مش مهم اول خطوة فى زعزعت استقرار نور عندهم بدأت ودا المهم انت عاملة ايه مع مراد

نفين .. مراد كويس وحنين وانا بدأت أحبه وإن شاء الله ننبسط كلنا قريب بوجود نور وفارس معانا

فريد .. قريب قريب جداااا

نفين .. طيب سلام دلوقتى وسلميلى علي فارس كتير

????????????

في فرنسا

في فيلا مراد

مراد من ورا نفين لف ايده حواليها بحب

مراد ..يعنى فعلا بداتى تحبينى

نفين .. انت سمعت

مراد.. اه سمعت ومبسوط جداا

نفين .. صدقنى يا مراد فعلا انا حاسه ناحيتك بمشاعر حلوة جدا وعايزة افضل معاك

مراد .. وانا مش عايز حاجة تانى غيرك انت وفارس ونور طبعا

نفين .. مش هتزهق منها لما تيجى

مراد .. ازهق وقعد وقعدها علي رجله نفين بنتك عملت معجزة خلت فارس يضحك ويتكلم زى اى ولد في سنه دا غير انها بنتك حتا منك فاهمة

نفين .. ربنا يخليك ليا

مراد .. انا بقول كفاية كلام في موضوع مهم جدا عايزة اتكلم معاكى فيه

نفين بانتباه .. خير ؟

مراد .. كل خير وشالها ودخل غرفة النوم

يلا بره منك ليها خلينا نكمل روايتنا بلاش تطفل ???

في فيلا الجبالى

ليث في الجنينة دماغة هتنفجر من التفكير معقول ممكن اكون تسليه بالنسبة ل نور

ليث .. لاه نور بتحبنى

عقله .. بس هى صغيرة ومش واعية للحب والحاجات ديه عشان أكده جالت انك صاحبها زى اللي اسميه فارس

ليث .. لاه نور بتحبنى لكن فارس ديه مجرد معرفة مش اكتر

ليث رفع راسه للسما يارب أنى بعشجها ومقدرش اعيش فى الدنيا ديه من غيرها

كان متابعة رؤوف الجبالى وتقريبا كان بيفكر فى نفس كلام ليث الفرق انه عايز ليث ونور مع بعض باى تمن

واتفق الليث ورؤوف الجبالى كل منهم علي حدا إن نور مش هتكون إلا ل ليث وبس

تانى يوم

نور فتحت عنيها وافتكرت اللي حصل وافتكرت عصبية ليث وهى إزاى خافت منه

صفية دخلت عليها بالفطار .. يا صباح الخير علي نور نوارة عايلة الجبالى كلتها

نور .. صباح الخير شافت الاكل مع صفية انا مش جعانة

صفية .. واه كيف ديه انت لازمن تتعذى مليح علشان تجومى بسرعة ولا انت عايزة تفضلى أكده راكده مطرحك

نور .. لا عايزة اخف بس زورى وجعنى جدا مش هقدر ابلع

صفية .. هنحاولو مع بعضينا يلا جولى بسم الله

بعد الفطار نور حست انها أحسن نزلت تحت كان الكل مشغول جدها بيصلى وجدتها وصفية في المطبخ وصفا مش موجودة وليث هى زعلانة منه لقت نفسها مسكت التيلفون وبتكلم جدها فريد وبعدها طلبت تكلم فارس

نور .. انت كمان وحشتنى شوفت فكرة المياه بتعتك انا تعبت امبارح وكنت سخنة جدا

فارس .. الف سلامة عليكى انا اسف

نور .. مش مهم بس انا مدايقة جدا مش لقيا حد العب معاها

فارس .. غريبة امال ليث راح فين انت مكنش وراكى كلام غير عليه وكان في بنت امبارح معاهم تقريبا من سنك

نور بزعل .. ليث مزعلنى مش هكلمه تانى وصفا دى رخمة مش بتحبنى وانا كمان

فارس .. عيب يا نور احنا اتفقنا مش هنكره حد ونحب كل الناس

نور .. ماشي سلام بقا اروح ل جدو شوية

فارس .. سلام

فريد .. نور مبسوطة ولا عايزة تيجى

فارس .. مقلتش انها عايزة ترجع

فى فيلا الجبالى

نور لسه هتقوم لقت ليث قدامها واقف وايده ورا ضهرو

ليث .. عاملة ايه دلوجيت يا نور

نور .. ملكش دعوة انا زعلانة منك

ليث .. زعلانة منى أنى وانى ميردنيش زعلك تعالى هصلحك

نور .. مش عايزة

ليث .. تعالى ولو مش عجبك هملينى وادخلى اتفجنا

نور .. بتفكير ماشي يلا "

ليث خدها ل مكان في اخر الجنينة وقعد علي الارض وقعدها معاها

ليث ".. خلينا الاول نتفجو اللي حصل امبارح كان غلط

نور .. كنا بنلعب واللعب مباح فيه كل حاجة

ليث .. انت مش صغيرة علي لعب العيال الصغيرة ديه

نور بغضب .. لا صغيرة انا عمرى ما لعبت كده

ليث .. عارف يا جلبي انك ملعبتيش وانت صغيرة بس أنى مش رايدك تلعبى مع اى حد واصل

نور .. ليه دا ظلم

ليث .. مش عارف ازاى يعرفها انه بيغير عليها حتى من الهوا لما بيعدى جنبها

ليث اتن*د .. أنى مش رايد وانت مش بتحبى تزعلانى صوح ولا كان كلام زمان ولما ظهر اللي اسميه فارس نسيتى ليث

نور .. ليث انا مقدرش استغنا عنك انا بحبك قوى

ليث .. وأنى كمان بحبك جوى يا جلب الليث من جواه

نور في اللحظة دى اتولدت مشاعر ل ليث غير الاخوة والصداقة وهى الحب بس طبعا ل صغر سنها مش فاهمة هى ايه اللي حست بيه

وليث كمان حس نفس الاحساس وان نور بدأت تكبر وتستوعب ان ليث بيحبها حب ست ل راجل مش حب اخوى

نور .. اااانا مش هلعب مع فارس بس هكلمه

ليث .. موافج بس قصاد موافجتى عايز منيكى وعد

نور .. ايه هو ؟

ليث .. آخر يوم في امتحانات 3 ثانوى نتجابلو في مكانا علشان اجولك ليه مش عايزك تهملينى وعد يا نورى

نور .. وعد يا ليثى

ليث .. خدى علشان تفتكرى وعدك

واعطها علبة موسيقى بداخلها عريس وعروسة بيرقصو علي مزيكا هديا

نور بفرحة بالهدية .. الله يا ليث حلوة قوى

ليث .. اوعاكى تنسى وعدك آخر يوم في امتحانات 3 ثانوى

نور .. عمرى ما هنسا يلا قوم فسحنى يلا

وكان يراقبهم فايز ورؤوف الجبالى بحب ودعاء صامت ان فعلا الايام تجرى ويكونو ل بعض

وكان في عيون كلها حقد وكانت بتتمنى ان اليوم دا ميجيش ابدا

❤❤❤❤❤❤❤❤❤❤❤❤❤

وبكده خلص بارت النهاردة اشوفكم قريب ان شاء الله

عايزة اعرف

رأيكم بصراحة ؟

نور هتفتكر وعدها ولا فريد ونفين هينسوها ؟

فارس هيوافق ان نور تروح منه بالسهوله؟

والسؤال الاهم مين هي**ب التحدى عائلة الجبالي ولا عائلة المنشاوى ؟

رواية مدللة **رت كبريائي? تأليفي ميرا إسماعيل ?? هتوحشونى كتير