Kapwa nakikiramdam sa isa't-isa sina Demetria at ang bagong pinuno ng mga taong-lobo na si Caren. Halos walang humihinga sa kanila, mata sa mata ang kanilangtanging ginagawa. Nakahanda ring umatake ang mahigit sa dalawang-daang natitira pang mga taong-lobo kung kinakailangan pero nakokontrol sila ng kanilang bagong Alpha na si Caren. Marami ang sugatan, marami ang nangangailangan ng agarang lunas lalo na't kamatayan na rin ang katumbas sa mga nasugatan ng mga Strigoi. Mula sa pagiging taong-lobo ay nagpalit na ng anyo bilang tao si Caren. Pagkakita sa kanya ng mga kasama ay sumunod na rin ang mga ito sa pagpapalit-anyo. Mabilis na kumuha ng balabal ang hubo't-hubad ring si Ceazar at ibinalot iyon sa katawan ng kanilang Alpha na si Caren. Batid ni Ceazar ang panghihina ng kanilang pinun
