“Sino siya, Andrew?”
Iyon ang unang salitang binitiwan ko, diretso, walang paligoy, walang preno.
Nakatayo kami sa loob ng pribadong opisina niya. Madilim ang paligid, tanging malamlam na ilaw mula sa city skyline ang pumapasok sa malalaking salamin. Sa gitna ng katahimikan, ramdam ko ang tensiyong parang may sasabog anumang oras.
Hindi siya agad sumagot.
“Andrew,” ulit ko, mas mariin, “sino si Cassandra Vale?”
Dahan-dahan niyang ibinaba ang hawak na tablet. Tumingin siya sa akin, at sa titig pa lang niya, alam kong mali ang pinasok kong teritoryo.
“Bakit?” tanong niya, mababa ang boses.
“Dahil may karapatan akong malaman,” sagot ko. “Dahil lumapit siya sa akin. Dahil sinabi niyang may kinalaman siya sa buhay mo. At dahil… natatakot ako.”
Tumahimik siya sandali bago tumalikod. Nagl
