“Ate Daisy, sigurado ka bang hindi ka mahuhuli?” bulong ni Vivian habang hawak ang paper bag na may lamang tanghalian.
“Relax,” mahina kong sabi, pilit na ngumiti kahit mabilis ang t***k ng puso ko. “Gusto ko lang siyang sorpresahin.”
“Si Kuya Andrew ‘yon,” singit ni David, nakataas ang kilay. “Hindi basta-basta nasusurpresa ‘yon.”
“Mas lalo na,” sagot ko, pilit na nagpapakatatag. “Kaya nga special.”
Huminga ako nang malalim. Sa loob ng paper bag, naroon ang sinigang—paborito niya. Pork sinigang na may hipon. Niluto ko iyon nang may buong ingat. Tinimplahan ko ng eksaktong asim na gusto niya, nilagyan ng sapat na sili, at siniguradong malambot ang karne. Simpleng ulam, pero alam kong iyon ang comfort food niya.
Hindi ko alam kung bakit ko ito ginagawa.
Siguro dahil gusto kong iparamd
