Ilang araw bago magsimula ang pasukan nang makatanggap ako ng text mula sa number ni Violet. Tanghaling tapat iyon at pahila-hilata lang ako sa mahabang sofa habang panaka-nakang pinapanood si Kuya Timothy at ang mga kaibigan niyang nagkukulitan sa labas ng aming bahay. Normal na araw na hinihintay ko lang na lumipas. Narito silang lahat ngayon sa hindi ko malamang okasyon. Typical na pasyal lang, nagpapaluto sila ng makakain, kwentuhan, ika nga ay boy's talk. Kakabalik ko lang din galing ng Pampanga. Nauna lang sila sa akin ng ilang araw na bumalik galing naman ng farm. Nakatikim pa nga ako ng ibang prutas na dala ni Kuya galing doon. May kasama pa iyong fresh milk ng baka. Noong bumalik ako ng city ay nag-request naman sa akin si MD na bumisita ako sa kanila sa probinsya nila kahit na sa
