Makailang ulit kong ipinilig ang ulo. Parang ang imposible naman ng nakikita ko. Baka guni-guni ko lang ang lahat. Kailan pa naging waiter si Ravin sa bar na ito? Patuloy na iniisip ko lang siya kaya marahil ay lumabas siya sa aking balintataw. Hindi siya ang waiter. Maghunusdili ka nga Safiera, huwag kang patanga-tanga! Sinabi ng huwag uminom nang sobra. Hallucination na yata ito!
“Sige...” tipid na tugon ko sa waiter na malabo pa rin ang mukha sa paningin ko, hindi na siya si Ravin ngayon.
Ilang marahang tango ang ginawa ko at muli pang nagsalin ng alak sa baso kahit na alam kong mas malalasing pa ako.
Are you out of your mind, Safiera? Bakit ba sa mga ganitong pagkakataon ay biglang susulpot ang imahe ni Ravin sa isipan mo? Ganun mo na ba siya ka-miss ha bruha ka? Sorry ka. Hindi ka
