Kasabay ng pagiging busy ng mga barkada ni Kuya Timothy at ng aming mga magulang sa paghahanap kay Ate Samantha ay naging busy rin si Ravin. Maliban sa kanyang trabaho ay naging busy ito sa pamilya niya na aniya ay may panibagong problemang kinakaharap. Inintindi ko iyon. Hindi ako naging pabebe. Ni hindi ko rin siya tinanong kung ano ang problema nila dahil mukhang ayaw namang sabihin niya sa akin iyon. Siguro ay naisip niyang ayaw niyang makadagdag pa sa isipin ko. Ilang beses ko rin siyang inayang mag-date kami kung sakaling mayroon siyang oras at pagkakataon, pero ang palaging tugon niya sa akin ay sa sunod na lang dahil kailangan niyang unahin muna ang kanyang trabaho.
“Pasensiya ka na talaga Safiera, sa sunod na lang siguro kita mapagbibigyan ng date. Hayaan mo at ako mismo ang tat
