Nagsukatan kami ng tinging dalawa ni Kuya. Hindi ko binawi ang mga tingin ko sa kanya na puno ng poot. Nungkang magpapatalo ako sa kanya. Sino ba siya sa akala niya? Hindi porket matanda siya sa akin at panganay ay ganito ang magiging asta niya. Hindi ko talaga gusto ang mga sinabi niya dahil pakiramdam ko ay ako rin ang nilait niya at hindi lang si Ravin. Ilang beses niyang ibinuka ang kanyang bibig na parang may nais pang sabihin habang ang mga mata nitong puno ng galit ay nakabaon pa rin sa aking mukha. Kapagdaka ay ginulo niya ang buhok nang dahil marahil sa frustration. Isa iyon sa palaging reaction niya tuwing may pagtatalo kami at sa bandang huli siya ang titiklop. Nakita ko kung paano gumalaw ang kanyang panga, maya-maya pa ay mabilis niya kaming tinalikuran at nagmamadali na doong
