Ganunpaman ang mga paalala sa akin ni MD ay tumuloy pa rin ako. Hindi ako nagpapigil. Magbubukangliwaylay pa lang nang sapitin ko ang harap ng mansion nina Lola. Gising na sila o mukha yatang nabulabog ko sila.
“Safiera?” hindi siguradong tawag ni Lola sa akin na kinatok ang bintana ng sasakyan ko.
Kilala nila ang mga sasakyan namin ni Kuya kaya naman nagtataka ako kung bakit parang hindi pa rin siya sigurado na ako ito. Ibinaba ko ang bintana at nakangiting bumati na sa kanya na malapad na ngumiti.
“Good morning Lola!”
Hawak pa nito ang hose ng tubig, ang aga naman yatang magdilig ng mga halaman. Mababakas sa halos lahat ay kulay puti ng hibla ng buhok niya ang katandaan ng edad.
“Oh? Pupunta ka pala dito, bakit hindi ka nagsabi? Nagpaluto sana ako ng mga paborito mong pagkain. Si
