حكايات نهى

الفصل التاسع

حكاوي نهى

° ° الجيران الجدد ° °

بقلم : جني الشناوي

- الفصل الثاني -

* * * * * * * * * * * * * * * * * * *

الوقت : 9:12 am

" صباح النور يا حبيبتي ، متقلقيش البنات هناك مش حلوين . . بعدين دا مفيش احلى منك ، و موضوع جيراننا دول ما تخافيش من الناس الساكتة ولا حاجة و حاولي تعملي معارف ، صحيح ازي طنط سناء و جوزها و عم ممدوح وحشوني والله ، آه و عم سلامة ايه أخباره . . طبعًا بيرغي معاكي كل يوم الصبح لحد ما يصدعك ، و أخدت فوار ماتقلقيش ، اما تروحي ابقي احكيلي عملتي ايه في يومك . . . . و انا هشتري خط من هنا على الأسبوع الجاي عشان اعرف اتصل بيكي "

* * * * * * * * * * * * * * * * * * * *

الوقت : 11:43 pm

" آه انا مفيش احلى مني كل بعقلي حلاوة كل ، و ماخافش من الجيران دول ايه بس دا اتخانقوا حتة خناقة الصبح يا علي . . اتفزعت ، دا كان شكله عايز يض*بها كمان . . . دا مرعب بجد . . . أنا عمري ما هتكلم معاه لو حتى بالصدفة ، حقيقي متوحش و هي يا عيني كانت بتستغيث بس خوفت أعمل حاجة . . أنا سألت عم سلامة الصبح قالي انهم عاشوا في اسكندرية تلت سنين تقريباً بعد جوازهم يعني بس جم نقلوا هنا عشان شغل جوزها اللي هو اسمه هاني و هي اسمها نادية . . . ربنا يرحمها منه دا حيوان بمعنى الكلمه ، ما علينا . . . والله طنط سناء و أستاذ عوض جوزها بيسألوا عنك على طول ، و عم ممدوح مابشفهوش خالص . . بنته بس بتجيله كل يومين كدا . . . انت عارف انه راجل عجوز و ما بيقدرش ينزل . . فرحتني انك هتشتري خط عشان نتكلم في التليفون احسن ، آه كنت هنسى . . انا هاخد اجازة 15 يوم كدا ولا حاجة من رصيد اجازاتي عشان ارتاح شوية . . آسفة لو طولت عليك . . تصبح على خير . "

كتبت هذه الرسالة و خلدت إلى نومة عميقة جدًا

* * * * * * * * * * *

استيقظت صباحًا لأبعث رسالة لمديري أطلب منه تلك الإجازة . . و أنا منتظرة الموافقة . . فتحت الرسائل لأقرأها و بالطبع وجدت رسالة من علي

الوقت : 7:24 am

" طبعًا انتي كعادتك حكمتي علي الراجل انه متوحش و حيوان و وحش كاسر من اول مرة ، يا ستي انتي مالك بحياتهم الشخصية ما يتعاركوا ولا ياكلوا بعض حتى . . فين الدليل انه كدا راجل وحش و مايتعشروش يعني . . و بعدين بطلي تبقي حشرية و تعدي تسألي عنهم . . و سلميلي كتير على طنط سناء و استاذ عوض و عم ممدوح و عم سلامة و مامتك . . المديرين هنا مبسوطين اوي مني و عارف اثبت نفسي الحمد لله يا رب أكمل على خير، و فعلًا خدي اجازة عشان تريحي شوية ، بس ارجوكي يا نهى ما تخليش الإجازة تجيبلك فراغ و تعدي تنكشي ورا الجيران دول ، يلا بقا أنا نازل الشغل عشان انهردا هيكون يوم طويل حتى ممكن مافتحش خالص . "

* * * * * * * * * * *

بعد أن انتهيت من قراءة هذه الرسالة ، قبل أن أرد عليها جاءني الموافقة على الإجازة . . يا لها من راحة نفسية ، تعرفون إحساس أنك ستنام كما تريد و تفعل ما تريد . . ليس عليك شيئ يجب عليك انهائه قبل ال ( Dead line ) . . . آااه ، سأرد على علي و استكمل نومتي

الوقت : 8:53 am

" يا علي ما هو اللي يض*ب مراته أو حتى يهددها بالطريقة دي يبقى اكيد دا مش إنسان متحضر أو ينفع التعامل معاه . . انا مش حشرية ،انا بس جالي فضول . . سيبك من كل دا . . ربنا يوفقك يا رب و إن شاء الله تبقى احسن واحد في شغلك . . لو فتحت ابقى كلمني . "

* * * * * * * * * * *

أغلقت الهاتف . . . و عدت إلى قيلولة . . أليس أنا في إجازة ؟ ؟

و في منتصف أحلامي . . . قومت مفزوعة ، صوت ت**ير و صراخ . . ت**ير و صراخ . . ثم توقف ، ما هذا الرعب ! نظرت في الساعة . . لأجدها الخامسة ليلًا . . انا نمت كل ذلك الوقت ؟ ! . . نهضت سريعًا ، ما كان هذا الت**ير و الصراخ . . ذهبت إلى باب الشقة ، وجدت زحام على السلم.. كانت أصوات كثيرة ما بين ال ( استهدوا بالله ) و ال ( دا شيطان و دخل بينكوا ) و الكثير من هذا . . أخذت الشال من فوق كنبة ال ( صالون ) . . كان يوجد ( طنط سناء ) و ( أستاذ عوض ) و الكثير من أهل العمارة و كان أيضًا هناك الجيران الجدد هاني و نادية . . و كان واضح على مظهرهم العصبية و كانت هذه المسكينة ( نادية ) تبكي

سألت في صوت مفزوع

_ " هو في ايه حد يفهمني ؟ "

ردت طنط سناء بنبرة الأمومة هذي و قالت

_ " مفيش حاجة يا بنتي دا بس الشيطان دخل بينهم و اتعاركوا كنا بن*ديهم " و كانت تشير إلى هاني و نادية

يا لها من مسكينة فعلًا

هذا الوحش لا يحق له العيش مع أية بني آدم على وجه الأرض

انتظرت لحين أن ينتهي هذا الهراء ثم دخلت . . . . ما الذي يحدث في هذه الشقة . . الله يكن في عونها .

دخلت لأطبخ شيء آكله ثم أحضرت الشاي و البسكويت . . و جلست وحدي . . لكن طبعًا كعادتي أطلق عناني و أفكر في أي شيء ليس لدي أي علاقة به، ما دخلي أنا بالجيران ؟ ، لماذا يشغلني الموضوع لهذه الدرجة . . ذهبت إلى سريري و جلست أشاهد مسلسلي المفضل ، ثم خلدت إلى النوم ، لا أعلم ما كل هذا النوم الذي أنامه . . بالطبع لأنني في إجازة . .

* * * * * * * * * * *

جاء اليوم التالي و استيقظت مبكرًا . . لا يوجد شيء أفعله، ما هذا الملل . . أتصلت بسمر

_ " ألو "

أجابت بصوت يملأه النوم و ال**ل

_ " ألو يا نهى . . صباح الخير . . بتتصلي بدري ليه كدا ! "

_ " انتي لسة ما صحيتيش ؟ "

_ " يعني مش أوي . . كنتي عايزة ايه ؟ "

_ " كنت زهقانة أوي فقولت أكلمك ، ما أنا أخدت أجازة زي ما قولتلك . "

_ " طب ما تيجي عند مامتك و أخش نعد شوية "

_ " لا ما أنا زهقت من البيوت ، ايه رأيك تقومي تلبسي و فوقي كدا و نروح نفطر سوا في حتة و نتفسح ؟ "

_ " طب والله عندك حق ، هقوم كدا أغسل وشي و البس.. نفطر فين ؟ "

_ " في مطعم حلو أوي اسمه bellezza . . أما نتقابل أنا هود*كي "

و أغلقنا المكالمة على هذا . . .

تقابلنا ثم ذهبنا إلى المطعم . . طلبنا الفطور و المشروبات و جلسنا نلتهم الأكل

_ " ايه يا نهى أخبار علي ؟ "

_ " والله يا بنتي امبارح ما كلمنيش خالص . . قلقانة عليه بس هو قبليها قالي ان عنده شغل كتير أوي ممكن ما يعرفش يكلمني و كدا "

_ " ما تقلقيش اكيد مضغوط . . هتروحي تلاقيه باعتلك هههه "

_ " بقولك "

_ " ايه في ايه "

_ " هو عمر عمارتنا قبل ما أتجوز سمعنا واحد بيض*ب مراته أو بيزعقوا مع بعض كل شوية ؟ "

جلست تتذكر لفترة قصيرة ، ثم أجابت فجأة بصوت عالي لدرجة أنني أوقعت قطعة الجبن على ملابسي

_ " أيوة يا بنتي . . انتي مش فاكرة الحاج عصام و طنط سعاد "

أجابت في استغراب

_ " مش فاكرة . . بس كانوا بيعملوا ايه ؟ "

_ " يابنتي دول ناس كانوا طيبين جدًا أول ما سكنوا و كنت بشوفهم دايمًا هاديين كدا . . في يوم لقيت صوت صريخ و زعيق بس طبعاً كنت طفلة و ماشغلتش دماغي . . . و بعديها بشوية لقيت باب بيتنا بيخبط . . ماما لبست طرحتها و فتحت و أنا ماسكة عروستي و بتف*ج من ورا حيطة الطرقة . . لما ماما فتحت كانت طنط سعاد . . كانت منهارة أوي و عمالة تعيط . . ماما قالتلها

_ " مالك بس يا سعاد خشي يا حبيبتي خشي " قعدتها في الصالون و جاتلي الطرقة و قالتلي " سمر . . خشي أوضتك و اقفلي على نفسك لحد ما اخلص كلام مع طنط "

هزتلها راسي ب ( حاضر ) . . بس طبعًا كأي طفلة مشاغبة أول ما ماما مشيت و وقفت اتسنط و بجد مانساش الحوار أبدًا

ماما : " مالك يا سعاد يا حبيبتي . . مالك اتكلمي"

طنط سعاد بعياط فظيع : " عصام عايز يتجوز عليا يا وفاء "

ماما و هي بتطبطب عليها

_ "ا يه اللي بتقوليه دا بس . . هدي نفسك "

طنط سعاد : والله يا وفاء بتكلم بجد و أما قالي أنا زعقت في وشه . . و كل اللي هامه إن ماجبتلوش الولد "

_ " طب والله عيب على سنه . . ولد ايه اللي عايز يجيبه بعد العمر دا و بناته بقوا طوله خلاص "

طنط سعاد : " مش عارفة اعمل ايه . . والله شكله اتجنن انا مش هستحمل "

ماما : " والله دا ما عايز ولد و بيتلكك بقا . . دا عنده مراهقة متأخرة دا ولا ايه "

بس يا ستي و الموضوع ما وقفش على كدا . . بقوا كل يوم خناقة و صوتهم يسمع في العمارة كلها و بعديها بشوية نسمع بابنا بيخبط و تكون طنط سعاد تعد تعيط و ماما تهديها و كل مرة بقى بسبب . . مرة ض*بها، مرة زقها ، مرة **رلها طبق عشان اتنرفز و هكذا . . لحد ما في يوم لقيناها نازلة من غير ما نسمع صوت خناق قبليها هههههههه . . . ماما فتحت و لقيناها بتقول لماما انها هتوحشها أوي و إن لازم يشوفوا بعض من وقت للتاني و " انتي ساعدتيني كتير اوي " و الكلام دا . . أنا ما كنتش فاهمة لأن انا كنت واقفة بتسنط يعني مش كل الكلام بيوصلي . . بس بعد ما مشيت ماما قالتلي انهم هيعزلوا في حتة تانية بعيدة عن منطقتنا خالص . . قعدوا يتكلموا فترة بعد ما عزلت بس طبعًا قطعوا بقى . . و من ساعتها ما نعرفش عنهم حاجة . . "

كنت أسمع باندماج كأنني اسمع قصة ما قبل النوم التي كانت تحكيها لي أمي . . أنا لا أتذكر هؤلاء الذين سمر تتحدث عنهم . . . لكن كنت اتخيل " نادية " و " هاني" هل ستأتي لي" نادية " يومًا . . تبكي لي و اهدأها و أقول لها أن زوجها وحش لا يجب العيش معه ، هل يمكن أن يكون " هاني " يريد الزواج على " نادية " ؟ أو أي شيء من هذا القبيل

أكملت سمر كلامها و قالت

_ " والله يا بنتي فكرتيني بأيام قديمة ، بس كنتي بتسألي ليه ؟ "

_ " لا لا كنت بفتح أي موضوع بس"

انتهينا من الفطور و الكلام الكثير و أكملنا اليوم ، كنا نتجول بين المحلات و نشتري أي شيء ليس له أهمية ثم أخذت طريقي إلى المنزل . .

عندما وصلت إلى العمارة لم أجد أي أحد في الطابق الأرضي . . عم سلامة و زوجته ( سعدية ) لم يجلسون كعادتهما . . لكن لا . . يوجد إنسان واحد ينزل من فوق السلم . . هاني . . نعم هو هاني . . وجهه غاضبًا إلى حد ما ، كان يتحدث في الهاتف بصوت منخفض . . عندما وصل بجانبي سمعته يقول . . .

* * * * * * * * * * * * * * * * * *

_ يتبع _

_ جني الشناوي

قراءة ممتعة ∆ ∆