Matagal na tumitig si Apollo sa mukha ni Ares. Dumaan ang mga segundo na walang nagsalita sa pagitan nila. They were just staring at each other. Tapos ay napailing si Apollo, na parang sumuko na ito sa katigasan ng ulo niya at sa mga kapasyahan niyang hindi mabali kahit bumabaluktot na.
“You do not want to talk now, fine. We’ll talk when you are ready. Alam mo naman kung saan ako pupuntahan kapag handa ka nang magsalita.” Pagkasabi niyon ay lumabas na ito ng silid, walang lingon-likod.
Tumikhim si Levi. “Sir, lalabas na rin ho muna ako para makapagpahinga ka—”
Lumipad sa Executive Assistant ang matalim niyang tingin. “Who told you to call my brother?”
Umawang muna ang nanunuyo nitong mga labi bago ito sumagot sa tanong niya. “N-naisip ko po kasing mas pipiliin mong si Sir Apollo ang
