Nakatatak na sa utak ng binata ang lahat ng mga ginawa niya? Hah! Puwes, nakatatak na rin sa utak niya ang lahat ng mapang-insultong salitang ibinato nito sa kaniya. Nakabaon na sa memorya niya ang matigas na ekspresyon ng mukha nito, at titiyakin niyang hindi niya malilimutan ang lahat ng iyon kailanman.
Hindi niya kakalimutan kung paano siya inakusahan ni Ares na nagpapanggap siyang buntis para lang mapikot ito, kung paano siya nito hinagisan ng pekeng marriage c*ntact, at kung paano nito sinabing hinding-hindi siya bibigyan ng matinong kasal.
Mananatiling sariwa sa alaala niya ang katotohanang hindi siya nito mahal—itinuring lang siyang parausan ng kal*bogan nito.
Ang lahat ng sakit na dinanas niya sa piling ng binata ay naka-imprinta na sa isipan niya. Nakaukit na sa gunita niya an
