Nagtaka si Matt nang mapansin nitong halos lumitaw na ang mga ugat sa likod ng nakakuyom na kamay ni Ares. Tinapik siya nito. “Ares, calm down. You look… grim. Nitong huling mga araw, parang wala ka talaga sa sarili mo. You know, it might be best to tell us what’s bothering you.”
Dapat ba niyang ikuwento sa mga kaibigan niya? Ano ang sasabihin niya sa mga ito? Na tama ang dalawa? Na pinagbalakan nga siyang pikotin ni Trinidad? Na sinabi nga nitong buntis ito? Lahat ng mga nabanggit nina Matt at Tyler noon ay nagkatotoo.
Napabuga siya ng hangin. “I don’t know if I should—”
“Oh, come on! Sa amin ka pa ba maglilihim? We’ve known each other for years! You can tell us anything. You always tell us everything.” Si Matt.
Natawa si Tyler. “Tungkol na naman ba ’to sa ‘girlfriend’ mo?” hula nito.
