Nang araw din na iyon ay lumipat si Eliza sa mansion. Tuwang-tuwa ang ina ni Roman nang masilayan ang dalaga at ang anak na bitbit na ang mga gamit ni Eliza. Doon pa rin naman mag-oopisina sa bunkhouse si Eliza pero sa mansion na siya ng mga Vergara manunuluyan. Ang tinuluyan niyang guestroom ang siyang gagamitin nitong kwarto.
“Come Hija. You better call me Mama from now on. I will never accept it if you call me Tita or Ma'am or whatever. Mama ang tawag mo sa ina ng nobyo mo,” nakangiti nitong saad.
Nahiyang bigla si Eliza sa ginang. Hindi pa man ay naiilang na siya sa init ng pagtanggap nito sa relasyon nila ng anak nito. Napatingin tuloy si Eliza sa nobyo na napakamot na lang sa batok sa pagiging atat ng ina.
Personal na hinatid ni Senyora Olivia si Eliza sa kwarto ng dalaga. “Here H
