MATAPOS nilang kumain ay inaya kaagad siya ni Dion sa labas para ilibot siya. Hindi naman siya nagreklamo dahil gusto niya rin namang makita ang mga facilities.
Kung magtatagal siya rito, importante na maging pamilyar siya sa lugar.
"I think, sa taniman muna kita ipapasiyal." Pinaglaruan ni Dion ang hawak na piraso na sanga ng puno. "Para makita mo ang ilan sa pinagkukuhanan natin ng pagkain. Kalahati ng kinakain natin, sa taniman, sa dagat at sa poultry nanggagaling."
Tumango siya. May parte sa kaniyang nasasabik na makita kung ano ang tinutukoy nito.
"Matagal din na plinano at pinag-aralan ng lider ang tungkol dito. He made it as a life time solution for supplies. It's a good thing that he was once a scientist and was really smart."
Nagpatuloy sila sa paglalakad. Mabagal lang, dahil
