Elysia’s POV
Nakarating kami ng lalaking kasama ko sa labasan ng gubat. Sa tingin ko'y isang oras pa bago pa man ang tinakdang oras ni Elliot. Wala akong ideya kung bakit ganoon na lang ang lakas ng pintig ng dibdib ko. Maaaring dahil sa nangyari kanina sa pagitan namin ni Aivan.
Sa tindi ng emosyon kanina, di ko na napigilang takbuhan na lamang iyon dahil sa tingin ko, hindi angkop ang makaramdam noon lalo na’t nasa kasagsagan kami ng gyera. Habang naglalakad kami sa kakahuyan, maya-maya lang ay nakarinig ako ng kakaibang tunog mula sa kung saan mang lupalop ng kasukalan’g ito. Napatigil ako dahil doon.
“Elysia, patawarin mo ako. Hindi ko sinasadyang-”
Di na nagawang tapusin pa ni Aivan ang sinasabi dahil pinigilan ko ito. Sakto naman noon na muling nagparamdam ang kakai
