ARABELLA:
MAGHAPON dito sa bahay nila Dexter si Jessa at Tina. Dito na nga rin sila naghapunan at nakasabay pa namin sila mama, gov at Dexter. Matapos naming maghapunan, ipinahatid pa ni gov ang mga kaibigan ko sa driver niya para ligtas ang mga itong makauwi at madilim na rin.
“Kumusta ang ugnayan niyo ni Dexter, anak? Mas komportable ka na ba ngayon sa kuya mo?”
Napaubo ako at nasamid ng laway na marinig ang mama. Natawa naman ito na lumapit sa akin dito sa vanity mirror ko sa silid. Magpapahinga na sana ako. Tinatapos ko lang ang night routine ko sa mukha at paglalagay moisturizer sa buong katawan ko.
Tumayo siya sa likuran ko na inabot ang hairbrush ko. Napangiti ako na nakatitig sa kanyang magaang sinuklay ang mahaba kong buhok. Bakas ang tuwa sa mga mata ni mama na sinusuklay
