ARABELLA:
HINDI kami nakadalo sa celebration ni Jessa dahil sa akin. Hindi sila umalis sa tabi ko at sinamahan ako dito sa bahay. Kaya naman nagluto si mama at inutusan din si Dexter na magtungo ng bayan para bumili ng cake at pizza.
“Mama, salamat po dito,” wika ko.
“Oo nga po, Tita Laura, salamat po ha? Nag-abala pa kayo,” segunda ni Tina.
Ngumiti naman si mama. Maliit lang ang mesa namin kaya halos mapuno ito ng mga niluto ni mama. Fried chicken, pancit bihon, shanghai, pork adobo at ang ipinabili niyang pizza at cake. Kumuha pa si Dexter ng donut at soda kaya puno ang aming mesa.
“Walang anuman, mga anak. Para din naman ito sa pagtatapos niyo e. Sabihin na natin treat namin ni Dexter ang mga ito sa inyong tatlo,” sagot ni mama na ikinangiti namin at maganang kumakain.
Bumalin
