الحلقة الخامسه

3559 Words

من ساعت ما.. و اخد نفس طويل و قالها خلاص انسى سارة : انت غريب بقالك فترة مالك بزهق : خلاص بقى يا سارة انا بس مضغوط شوية فضل يفتكر كلام آيه و هى بتقوله انا متخيلاك و انت بتصلى و بتإم بيا و انت بتقرا معايا قرءان و افتكر اما طلب يشوف شعرها و هى رفضت و قالت عشان ربنا ميزعلش مننا افتكر كل كلامها و ابتسم بحزن و سكت ، و قال بينه و بين نفسه قد ايه كانت جميلة ياريتك يا سارة كنتى زيها سارة : ايه رحت فين تانى مالك : لا معاكى اهو ، كنتى بتقولى حاجه سارة : لا دة انت مش معايا خالص ، انا هقوم امشي عشان اكون جاهزة و انت جاى تقابل بابى مالك : ماشي يا سارو ، هوصلك و انا كمان اروح البيت و اجيلكم بالليل ان شاء الله ****************************** فى الصيدليه خلاص الساعه 5 آيه: انا خلاص ماشيه يا دكتور حضرتك هتعوز منى حاجه هانى : لا يا آيه تسلمى اتفضل انتى مشيت و ركبت تا**ى و راحت تحجز الكورس وصلت هناك و طلعت فوق . موظفه : ايوا يا فندم تحت امرك آيه : انا اتصلت بيكم امبارح عشان احجز كورسات الموظفه : باسم مين يا فندم .آيه: آيه رياض عز الدين. الموظفه : تمام الاسم موجود تمن الرسوم 950 بدل 1250 عشان عاملين عرض آيه بفرحه : متشكرة جدا الموظفه :.حضرتك واقفه فى الليفل الكام فى الالمانى فريدة : انا واقفه فى b2 الموظفه باندهاش : هايل جدا اومال حضرتك جايه ليه . آيه : ههههه جايه اكمل باقى المستويات واحسن اللى واقفة فيه الموظفه بضحك : تمام يا فندم بالتوفيق خلصت و حجزت الكورس و طلعت و هى مبسوطة ، و فضلت تشكر ربنا كتير وصلت البيت ********************************** في بيت مالك كان بيجهز و باين على وشه الفرحه انه اخيرا هيخطب حب عمره ، في نفس الوقت بيفكر في البنت اللى ظلمها و حاسس بالذنب انه فرحان و هى قلبها م**ور بسببه ، في صراع رهيب بين قلبه اللي بيقوله افرح و يلا اخيرا حلمك اتحقق ، و عقله اللي بيقوله استمرارك غلط بس في الاخر قرر يمشي ورا قلبه مالك : يلا يا جماعة عشان منتأخرش على الناس شيماء : ايه مالك مستعجل كدة ليه ، هما هيطيروا مالك : بت انتى ، انا اصلا مش عايزك انتى بالذات تيجى معانا ، انتى جايه تبوظيلى الجوازة انا عارف شيماء : يا بنى دة انا هاجى انوركم ، هما يطولوا اصلا ينولوا شرف مرواحى بيتهم مالك : حوشي يا بت ، السفيرة عزيزة هتزورهم شيماء بغرور مصطنع : السفيرة عزيزة مين دى اللى بتقارنى بيها ، دة انا مارلين مونرو متجيش جنبى حاجة يا طويل يا اهبل انت و راحت حدفاه بالمخدة فى وشه ، لسه هتجرى راح ماسكها من قفاها بقت عاملة زى الفار مالك : يا بنتى احترمى فرق الطول اللى بينا ، دة انتى يا بت شبر و نص و بتتكلمى كدة ، امال لو كنتى طويله شوية كنتى عملتى ايه شيماء : كنت شلوحتك والله ، و سيب بقى عشان الجاكت هيتكرمش وانا لسه كوياه دخلت مامتهم على صوت هزارهم كانت ست كبيرة في السن بس باين عليها الهدوء و الطيبة و بعض وسامة الشباب ماجدة : ايه يا ولاد مبتبطلوش هزار ابدا ، يلا بقى هنتأخر على الناس شيماء بمشا**ة : هو اللى ماسكنى يا ماما و مش مخلينى اكمل لبس بصلها بصدمة و بيحاول يستوعب قلب الطرابيزة الل حصل ماجدة : خلص بقى و سيبها تكمل لبسها يا حبيبى، مش عايزين نتأخر على الناس ، انا و ابوك و اخواتك جاهزين جز على سنانه مالك : حاضر يا ماما و راح باصص على شيماء ، اللى طلعتله ل**نها و جريت شيماء اخت مالك اكبر منه بسنتين ، علاقتهم عاملة زى وم وجيري ، بس اصحاب جدا و كل اسرارهم مع بعض طلعت ماجدة و كان علي والد مالك قاعد مستنيهم و باين على وشه الزهق ماجدة : مالك يا حبيبى في ايه علي بزهق : مش مرتاح للجوازة دي يا ماجدة البنت لا شبهنا ولا تربيتها زينا و ابنك م**م عليها ماجدة : يا على بس هو بيحبها ، و اد*ك شايف بقالهم مع بعض كام سنه ، و شايف كمان كانت نفسية ابنك عاملة ازاى من غيرها علي : ماهو دة اللى مخلينى مضطر اوافق ، غير كدة انا مش عايز النسب دة خالص ماجدة : كلنا كدة والله يا على ، بس مقدرش ا**ر فرحة ابني ، يلا يا حبيبى اضحك كدة و قوم عشان نمشى هما خلاص طالعين راحوا بيت سارة و تمموا الخطوبة و قروا الفاتحة و حددوا ميعاد حفلة اعلان الخطوبة ، اللى هيبقى بعد اسبوعين ، كانت الفرحة ظاهرة على وش مالك و نسته زعله على آيه ***************************** اول ما دخلت البيت لاقيت سلمى اختها و شريف جوزها و ولادها آيه بسعاده : ماما ازيك ، سلومتى عامله ايه وحشتينى سعاد : الحمدلله يا حبيبتى حمدلله على السلامه حجزتى الكورس بتاعك سلمى : وانتى كمان يا يوكا عامله ايه ثم قالت لسعاد كورس ايه يا ماما. آيه : اها يا ماما ادعيلى ربنا يوفقنى بقا سعاد : ربنا معاكى يا حبيبتى ثم قامت بالرد على سلمى سعاد : دة كورس اختك كانت عايزاه عشان تلاقى شغل كويس سلمى : كورس ايه ده يا ماما ماتخليها تحوش و تجيب حاجه لنفسها بدل ما هى هتبحتر فلوسها آيه : يا سلمى الكورس ده هيفيدنى جدا و هيساعدنى الاقى شغل سلمى : ياختى اتنيلى ، هو الشباب لاقيه شغل اما انتى هتلاقي يا آيه . آيه بضحك : بكرة تشوفى ، ابيه شريف ازيك معلش حقك عليا اتلبخت مع مراتك و سلمت عليه و على ولادهم الصغيرين شريف بود : الحمدلله يا يويو ، انتى عاملة ايه و شغلك آيه : اهو الحمدلله كويس شريف بضحك : متسمعيش كلام اختك و ركزي في الكورس اللي بتاخديه هينفعك سلمى : بذمتك انت بيجيلك كام مهندس كل يوم و مش بيلاقي شغل شريف : ماشي بس مش معنى كدة ان مجالات الشغل كلها واحدة ، هى مجالها مطلوب بل و عندهم عجز كمان ، مش زينا احنا كل يوم بيجيلنا خريجين قد كدة و للاسف ملهمش مكان سلمى : فهماك ، انا مش هكره انها تثبت نفسها بالع** انا اتمنى حاجة زي دى آيه بطفوليه : حبايبى بجد تسلمولى يا ولاد ، هدخل انا بقا اغير هدومى و اجى احضر معاكوا الغدا عشان هموت من الجوع سعاد : ماشى يا حبيبتى غيرى و تعالى اكون حضرته و ناكل مع بعض آيه : ماشى يا سوسو غيرت هدومها و صلت و اكلت ، و قعدت معاهم شوية لحد ما مشيوا و استأذنت مامتها و دخلت اوضتها بدأت تطلع الكتب بتاعة الكلية و تراجع فيها ، و تسمع اغانى باللغة الالمانية ، عشان تستعد للكورس خلص اليوم بالسعادة على الجميع بما فيهم آيه اللى متفائلة بمشوارها الجديد اللي بدأته ************************************ عدي اسبوعين على كل ابطالنا و كل حد فيهم بيجهز لحياته الجديدة ، في منهم اللى فرحان و اكنه حقق اكبر انتصاراته ، في منهم اللى اللى بيضحك باستهزاء وواقف يتف*ج و هنعرف هو مين ، في اللى عنده شعور مختلط بالسعادة و الحزن في الفيلا عند سارة ، كانت قاعدة قدام مرايتها و لابسة فستان كب احمر قصير لحد الركبه ، ضيق لحد الوسط و بعدين منفوش ، الميكب ارتست بتظبطلها الميكب ، و هير دريسر بيظبطلها شعراتها ، و كانت فعلا جميلة الميكب ارتست : كدة حضرتك جاهزة يا انسه سارة ابتسمتلها بغرور سارة : متشكرة الميكب ارتست : عن اذنك يا فندم و الف مب**ك سارة : اتفضلى ، الله يبارك فيكى اثناء الحوار دة كان في حد واقف بعيد شوية بيتابع الحوار في **ت و مجرد ما الكل خرج قربت من سارة و اتكلمت سها بسخرية : مب**ك يا سارة لحد الخطوة دى انتى ال**بانه سارة بغرور : انا على طول ب**ب يا حبيبتى ، عقبال ما تبقى زيي ضحكت بأستهزاء سها : انا ابقى زيك انتى ، ليه ان شاء الله ، و ابقى انا وانتى او*اخ ، انتى ع**طة سارة بغيظ : و اما انتى عملالى فيها الاخت الكبيرة العاقلة المحترمة ، كنتى بتجرى ورا واحد مش عايزك ليه قلبها وجعها من الكلمة و كانت عيونها هتدمع سها : بقى مش عايزنى اما انتى قررتى تدخلى حياته ، اما روحتى تقريبى ليه من ورايا ، و خلتيه يكرهنى ، انا عمرى ما شفت واحدة بتكره اختها بالمنظر دة سارة باستهزاء : خلصتى دراما ، الموضوع انتهى ، وانا اللى اخدته و النهاردة خطوبتنا عقبالك يا حبيبتى و هي ماشيه و سيباها سها بقهر : مش ههنيكى عليه يا سارة سارة بغرور : هنشوف دى سها اخت سارة اكبر منها بسنه ، بتغير منها جدا من و هما اطفال ، لان سها كان الكل بيحبها ، فضلت تبوظ حياتها لحد ما خليتها منبوذة من الكل حتى اللى كانت هترتبط بي اخدته منها ********************************** في سنتر الكورسات آيه واقفه بتتكلم آيه : شكرا جدا على تشجعيك Frau رباب بجد مش عارفة اقلك ايه رباب : لا دة مش تشجيع بجد ، انتى ماشاء الله عليكى ، متفوقة جدا و اجتهادك انك تحضري نفسك قبل الكورس ده كان هايل و خلاكى تنجزى بسرعة آيه : الحمدلله يارب بس اقدر اخد الشهادة بعد كل التعب دة رباب : ان شاء الله هتاخديها و بجدارة ، انا واثقه فيكى آيه : بتمنى ربنا يقدرنى ********************************** وقفت برة الاوضه مستنيه باباها محسن : زي القمر يا حبيبتى ، معرفش انا وافقت ازاى تتجوزى الواد دة و ياخدك منى كدة سارة بدلع : ما انا كدة كدة هتجوز يا بابى و هجيبلك نونو صغير تلعب بي ، ولا عايزنى افضل جنبك بقى مجسن بحنان ابوى: كبرتى يا حبيبتى و بقيتى عروسة زي القمر نزلت تحت والكل فضل يسقف و يزغرط بس مالك كان واقف هيطق اول ما مسك ايديها ضغط عليها جامد مالك بعصبية مكتومة : ايه اللى انتى لبساه دة سارة : ماله يا حبيبى مالك : هو ايه اللى ماله جسمك كله عريان ، و بعدين مش دة الفستان اللى احنا مختارينه سارة بارتباك : اصل الفستان اللى اخترناه و انا بلبسه السوسته طقت و اضطريت اغيره مالك : و انا بقى المفروض اصدق الحوار الاهبل دة ، عموما ماشي يا سارة ، هعديها بس عشان اليوم ميبوظش وبعدين هيبقى لينا حساب تانى اهل مالك واقفين مستغربين منظرها حتى لو كان شكلها حلو بس لبسها مش عاجبهم ماجدة همست بحديه : هى ايه اللى هى لبساه دة و ازاى اخوكى سامحلها بكدة شيماء : معرفش والله يا ماما ، بس اهدى ونبى علشان اليوم يعدى و متبوظيش فرحته ماجدة : فرحة ايه و زفت ايه ، دة اما نروح لسه الله اعلم ابوكى هيعمل ايه و هو مش طايق الجوازة اصلا شيماء : ان شاء الله مش هيحصل حاجة ، اهدى انتى بس ***************************** تاني يوم كانت في الصيدلية ، آيه : انا همشي بقى يا ميما ، عايزة حاجة مريهان : لا يا حبيبتى عايزة سلامتك هتمشي دلوقتى ولا ايه آيه : اها عشان متأخرش بقى و كمان اخواتى هيتجمعوا النهاردة مريهان : ماشي يا ايوشتى، خلى بالك من نفسك آيه : حاضر يا حبيبتى وانتى كمان طلعت عشان تروح و هى ماشيه كان في حد ماشي وراها و بعدين وقف بصلها ، فهى خافت منه و سرعت خطوتها لحد ما وصلت البيت كانوا اخواتها متجمعين كلهم سلمت عليهم محمد : عندى عريس ليكى يا بت يا يويو آيه بضحك : عريس تانى يا ابيه ، هو ايه حكايتكم معايا محمد : عايزين نفرح بيكى بقى ، و هو كويس و محترم آيه : لا مش دلوقتى مش مستعدة بصراحة ، هدخل بقى اغير هدومى و اجيلكم دخلت اوضتها ، كانت لسه هتغير هدومها لاقيت الجرس رن آيه : ايه ده مين جاى عندنا دلوقتى شريف فتح الباب و لاقى واحد قدام الباب مجهول : سلام عليكم شريف باستفهام : و عليكم السلام مجهول : انا اسمى مروان و كنت عايز اخطب الانسه الل دخلت شريف باستغراب : تخطبها ازاى يعنى انت تعرفها مروان : طيب ممكن ادخل و اتكلم مع حضرتك شريف : اتفضل و دخلوا هما الاتنين سلمى باستفهام : مين يا شريف . شريف: ده استاذ مروان جاى يتقدم لآيه ******************************* في البيت عند مالك كان قاعد هو باباه على : انا سبتك امبارح تنام و مرضتش اتكلم معاك في اللى حصل امبارح ولا رضيت ابوظ فرحتك مالك : هو ايه اللى حصل امبارح اصلا يا بابا على : لا يا راجل ، يعنى انت مخدتش بالك من لبس خطيبتك ، ازاى توافقلها اصلا على الفستان دة مالك :لا اخدت بالى ، و زعقت معاها ، و انا موافقتش ولا حاجه ، احنا كنا مختارين فستان تانى و اتفاجئت زيكم على : انا يا بنى خايف عليك، البنت دى لا هى شكلنا ولا تربيتها شبهنا ، ولا حتى في امل تتغير مالك : انا بحبها يا بابا و مستحيل اسيبها ، انا بقالى سنين بسعى اننا نتجوز ، اكيد مش بعد كل دة هسيبها على : فكر تانى يا مالك وانا يا بنى مش هفرض عليك حاجة ربنا يقدملك الخير باس ايد باباه و قال مالك : ربنا يحفظك لينا يا بوب و يباركلنا في صحتك ، متخفش عليا يا حبيبى ، كله هيبقى تمام على : بتمنى ***************** . آيه سمعت الجمله دى و اتخضيت و قالت لنفسها مين ده اللى جاى يتقدملى ، و افتكرت للحظة الموقف اللى حصلها لا مش ممكن يكون هو اللى كان ماشى ورايا و عايز يخطبنى ، معقول دة لو هو يبقى نهار ملوش ملامح حطيت ايديها على وشها و قالت يالهوووووى يارب مايبقاش هوا بسنت دخلت اوضة آيه و كانت معاها سلمى ،وهى مخشبه ايديها و بتقولها بضحك سلمى : بت انتى تعرفى مروان الل قاعد برة ده آيه : لا طبعا بسنت بغمزة : يابت ، اومال جاى يخطبك ليه آيه : والله ما اعرفه ، وبعدين جاى يخطبنى ازاى يعنى و كملت باستنكار آيه : مالك ؟ انتى متخشبه كده ليه . سلمى بارتباك : لا اصل كنت محروجه وانا ماشيه قدامه و هى كانت كده لسبب تانى خالص. آيه : هو شكله ايه بسنت لسه هترد ، سلمى قاطعتها سلمى : عادى يعنى تعالى شوفيه من هنا و شاورت على فتحة الباب الصغيره . آيه قربت و بصت و شافته آيه بخضه : يا نهار اسود ده هو بسنت : هو مين يا بنتى . آيه : اصل اصل ده الل كان ماشى ورايا سلمى : ماشى وراكى فين . آيه : وانا نازله من العربيه و جايه على هنا ، كان ماشى ورايا وحكيتلها الل حصل شريف نده على سلمى سلمى : ايوا يا شريف شريف : هاتى آيه و تعالى سلمى بصيت لآيه و كاتمه الضحك بالعافيه سلمى : يلا نطلع آيه بخوف : لا يا ستى اطلعى انتى ما تقوللها حاجة يا بوسي بسنت : تعالى نطلع احنا يا سلمى و نقولهم انها تعبانه وخلاص سلمى : لا يا بنتى عيب مينفعش آيه : عيب ايه ، و اللى هو عمله في الشارع دة مش عيب ، و بعدين شكله يخوف اصلا ، ده جاى يخطبنى ازاى، شكله كبير اوى سلمى : يا بنتى تعالى متخفيش مش هنخسر حاجه بسنت : طب اطلعى انتى يا سلمى و احنا هنيجى وراكى سلمى : ماشي بس متتأخروش خرجت و سابتهم آيه بقلق : بوسي ، انا مش موافقه على الراجل اللى برة دة بسنت : متقلقيش هيترفض ، تعالى بس نطلع عشان منسببلهوش احراج البنتين طلعوا و سلمى كانت قاعدة جنب شريف ، و بسنت جنب محمد و آيه قعدت بعيد و سعاد قاعده جنبها محمد : استاذ مروان جاى يتقدملك يا آيه . مروان : اعرفكم بنفسى الاول انا بشمهندس مروان، مهندس كهربا و عندى شركة ادوات كهربيه و ساوند سيستم و كاميرات فى دبى مواليد 85 محمد : آيه خريجة اداب المانى عندها 24 سنه مروان : ان شاء الله لو حصل نصيب هتسافر معايا هوصفلكم مروان كان متوسط الطول جسمه ضخم اصلع بشرته قمحى غامقه فى تجاعيد تحت عيونه و عند الجفون بتدل على كبر سنه ، بيقول ان اهله توفوا فى حادثه و هو عنده سنتين و عاش طول حياته ف عمان مع خالته و اعمامه ، اخوه فى دوله تانيه ، هو ساب اهله و سافر دبى لان كان فى بعضهم مش كويسين معاه ده الكلام اللى هو قاله. آيه : انا اهم حاجه عندى دراستى و مستقبلى مروان : استاذ محمد قال انك اتخرجتى آيه : اها بس انا لسه هحضر ماستر و باخد كورسات و مش هتنازل عن ده مروان بثقه : مفيش مشكله هخليكى تشتغلى معايا فضلوا يتكلموا شويه وبعدين مشى و قال انه هيجى تانى يوم بعد ما مشى آيه : ماما انا مش موافقه سلمى : ليه يا آيه ماهو كويس اهو آيه : هو ايه اللى ليه يا سلمى انا مرتحتلوش، بقولك كنت خايفه منه و هو ماشى ورايا، ده انتى شخصيا خوفتى منه سلمى بارتباك : لا انا مخوفتش منه انا بس كنت م**وفه آيه : لا والله، بامارة ان جسمك كله كان متخشب سعاد : طيب يا بنتى الجدع شكله شاريكى اقعدى معاه تانى وشوفى بسنت : خلاص يا جماعة متغصبوش عليها، انا كمان مرتحتلوش آيه : ماما بقولك مرتحتش، هو اصلا كان بيلقلق فى الكلام اما اتكلمت معاه سلمى : اصبري انتى يا بسنت آيه : تصبر على ايه يا سلمى انتى بتقنعينى بحاجة مش هتحصل بسنت : ملهاش لازمة المطة في حوار خلصان يا جماعه سلمى : طب اقعدى معاه تانى و جربى هو لو مش محترم مكنش جه لحد البيت و كان ممكن وقفك ف الشارع آيه : على اساس ان كنت هقفله ، يا بنتى هو بيقول مواليد 85 طب ما يقول سنه على طول لازمتها ايه السنه و اللقلقه فى الكلام واصلا شكله اكبر من 40 سنه سلمى : جايز من الهم ماانتى شوفتى ظروفه سعاد : و هو هيكذب في سنه ليه يعنى يا بنتى آيه : انتو مقتنعين بجد بالحوار ده . سلمى : و هو هيحور ليه بس آيه: بصى يا سلمى انا مش مرتاحه ، انا مش موافقه يا ماما خلى ابيه يقولوا ميجيش و دخلت اوضتها و قعدت على السرير و بتفكر فى المصيبه اللى اتحطت فيها و افتكرت مالك و كلامه فلاش بااااااك . بيتكلموا فى الموبايل آيه : عايز تخلف دستة مرة واحدة ، هجيبلهم صحة منين مالك بضحك : ايوا ، هجيب منك كل يوم عيل آيه بضحك : يلا هى الاحلام بفلوس مالك بضحك : انا بموت فيكي والله آيه ببراءة : يعنى مش هتتجوز حد غيرى مالك : لا يا حبيبتى مش هتجوز حد غيرك آيه بسعاده : بجد يا مالك مالك : بجد يا قلب مالك انا بعشقك يا آيه آيه : ايه قولت ايه مالك همس براحه : بقولك بعشقك انا عمرى ما حسيت الل انا حسه ده مع حد غيرك. باك للواقع عيونها دمعت اما افتكرت كلامه و فضلت تقول لنفسها طب هو ليه وعدنى بالجواز اما هو هيسيبنى ليه قالى انه بيحبنى اما هو هيفضل معاها انا لو كنت اعرف من الاول ان فى حياتك واحده مكنتش سيبت نفسى احبك و فضلت تعيط لحد ما نامت تانى يوم الصبح ، صحيت من النوم و هى مصدعه و مقريفه بسبب مروان و لبست و راحت الشغل آيه: صباح الخير يا ميرهان (مريهان صاحبتها فى الشغل و اكبر منها ب 4 سنين بتحبها جدا ) مريهان : صباح الفل يا يويو عامله ايه آيه بحزن : الحمدلله كويسه مريهان : مالك يا آيه آيه : جايلى عريس مريهان بسعاده : بجد يااااه هحضر فرح آيه : متفرحيش اوى كده مش مناسب خالص مريهان : ليه يا بنتى ، بصى اكيد كل ده بسبب ان مالك لسه فى دماغك آيه: يا جماعه انتوا هتجننونى هو احنا بقالنا 100سنه سايبين بعض ده احنا مكملناش سنة مريهان : طب اهدى و احكيلى العريس ده مش عاجبك ليه آيه : هحكيلك و قالتهالها كل الل حصل من امبارح لحد ما هيجى النهارده مريهان : طب و هتعملى ايه ده انتى اهلك م**مين انك تقعدى معاه . آيه : مش هوافق طبعا انا اصلا مش مرتاحه واشتغلت اغنيه كريم محسن بتاعة عدى سنه سمعت الاغنيه دى و دمعت آيه : انا مش متخيله ان هقدر اعدى سنه من غير ما اكلمه يا ميما مش متخيله انه خلاص كده حكايتنا خلصت انا لسه بحس بي لسه بفتكر كلامه و كملت بحزن لسه بحبه و مش قادرة اكرهه مريهان بحزن : مش عارفه اقولك ايه بس هو لو بيحبك مكنش سابك آيه : انا اكتر واحده عارفه انه بيحبنى هو غصب عنه مريهان : الله اعلم بس هو ظلمك كتير يا آيه ، اول حاجه اما كذب عليكى انه مش مرتبط وانتى اتعلقتى بي تانى حاجه اما عشمك انه هيتجوزك و هينهى موضوعه مع التانيه آيه : ماهو كمان كان خايف يظلمها وهى مالهاش ذنب مريهان : تقومى تشيلى الليله كلها و يظلمك انتى صح ،انتى ازاى لسه بتدافعى عنه آيه بدموع : معرفش بس تفتكرى ان كنت غلطانه اما فضلت اتطمن عليه مريهان : مش عارفه بس انتى كنتى بتكلميه كل فترة و شات كمان و كلامكم كان بحدود. آيه : والله العظيم كان كده و فجاءة لاقيته هو الل بيقرب و يقولى وحشتينى و محتاجلك وقتها انا مقدرتش اسيطر على مشاعرى وكملت كلام بعياط فى الاخر انا الل قلبى وجعنى خاف على وجع قلبها و مخافش عليا طب ليه قربتلى من الاول انا كنت مرتاحه و انهارت فى العياط اخدتها ف حضنها مريهان : متزعليش يا حبيبتى كل شئ هيتصلح و هو ان شاء الله يرجع انتى مش بتقولى انه متدين ، يعنى اكيد عارف ربنا آيه : اهاا كنا بنصلى و بنقرا قرءان مع بعض والله يا مريهان الل ماكدلى انه بيحبنى انه هو حلف بالله و اكيد واحد زى ده مش هيحلف كذب مريهان بحيرة : مش كل اللى بيحلف بيبقى صادق يا آيه ، احنا فى وقت ما يعلم بى الا ربنا ، و الله اعلم هو اصلا كان كويس ولا كل دة كان تمثيل عشان يوصلك، فالله اعلم بنيته ،بس انا جاتلى فكرة انتى تكلميه و تعرفيه ان فى واحد متقدملك يمكن وقتها يتحرك . آيه : لا مقدرش اعمل كده يا ستى كرامتى متسمحليش .مريهان : مبقتش موضوع كرامه دلوقتى انتى لازم تنهى الموضوع ده عشان متفضليش متعلقه آيه : عندك حق ، خلاص سبيها لله يومها فى الشغل خلص و خلاص ماشيه في الشارع مسكت تليفونها و طلعت رقمه و اتصلت

Free reading for new users

Scan code to download app

App Store Google Play

Facebookexpand_more