الحلقة السادسة

3755 Words

اول ما رن قفلت بسرعة من كتر التوتر قلبها كان بيدق بسرعه اكنه هيخرج من مكانه روحت بيتها و اما دخلت لاقيت مروان واخواتها الاتنين و اجوازهم و مامتها دخلت على اوضتها على طول من غير ما تسلم على حد وندهت لمامتها آيه : ماما يا ماما سعاد : ايوا يا آيه مالك آيه : ايه الل جابه هنا مش انا قيلالك يا ماما ان مش موافقه سعاد : يا بنتى جربى اقعدى معاه و ادى فرصه لنفسك و لى قطعتها في الكلام و قالت آيه : اقعد مع واحد مش متقبلاه ازاى سعاد : معلش يا حبيبتى عشان خاطرى خلينا نفرح بقا يا آيه ضحكت بقهر آيه : يعنى عشان تفرحوا تتعسونى انا . سعاد بضحك : لا ياختى ربنا ما يجيب تعاسه يلا تعالى اغسلى وشك و حطى ميكب جديد و تعالى آيه : لا انا هخرجله كده اذا كان عاجبه وطلعت قعدت معاه *********************************** فى بيت مالك قاعد مع اخواته و مامته و باباه قعده عائليه و كلهم بيضحكوا الا هو تليفونه رن و فصل بسرعه فضل سرحان في الاسم على والد مالك : ايه يا كابتن سرحان فى ايه فاق على صوت باباه مالك : هاه لا مفيش يا بابا قلقان بس من موضوع الترقيه ده و عايز يعدى على خير غفران اخوة الكبير : يا كوماندا متقلقش هتترقى و تبقى احسن رائد كمان مالك بفرحه : يسمع من بوقك ربنا يا بنى غفران بضحك : ابنك يالا ده انا كنت بغيرلك مالك : يا عم اتنيل ده انا ماسك عليك صور انت و معتز و شيماء كنتوا عرر اوى راحت حدفاه بالمخده شيماء : طب انتو بتخبطوا فى بعض انا مالى يا جزمه . مالك : مش انتى اختى حبيبتى و كمان اللى قبلى على طول يعنى نعتبر توأم فلازم تشاركينى اهتمامتى معتز : بااااااااااااس لاقيتها يا معلم شيماء : لاقيت ايه يا زوز معتز ميت من الضحك : فاكرة الصورة بتاع الكابتن ده وهو لسه صغير اما كان مص*رهالنا نفسى اعرف كان بيورينا ايه شيماء بضحك : ايوا عندك حق الا صحيح يا مالك انت كنت بتورينا ايه . غفران بضحك : كان بيورينا العار بعيد عنك مالك : حلو انت كده صح و راح حادفه المخده الل جنبه غفران بضحك : هتسيح هنسيح مالك : هو انا لسه عملت حاجه ده صوركم دى هوريها لمراتك و لخطيبتك وانتى هوريها لجوزك المستقبلى ان شاء الله معتز : ده على اساس يالا انك مش خاطب و هنشردك قدامها مالك : عارف يا وزة لو عملت كده هعمل فيك ايه مالحقوش يردوا و راح شايل شيماء و حدفها عليها ? غفران : ابو الغباء الل فيك يا اخى انتو بياكلوك ايه يالا فى الجيش عيال صغيرة كلهم فضلوا يضحكوا على بعض و شيماء لسه مرميه عليهم شيماء : تصدق يالا يا مالك احسن حاجه عملتها دلوقتى، انك رمتنى كده جسمى كان محتاج يتفك ضهرى كان قافش معتز راح زاققها على الارض و قال معتز : اظن كده فك خالص يا معلم شيماء بتتوجع :اااااه هو اتفك بس ، ده ساب من بعضه خالص يا معلم مالك : يا معلم فى بنت ركيكه تقول يا معلم شيماء : اهو بعد ركيكه دى انت تسكت خالص . مالك بضحك : طيب كفايه عليكوا انتوا كده هطير انا بقا عشان عندى تدريب و سابهم و خرج راح الچيم ******************* فى بيت آيه فى زعيق جامد جوة أيه : انا مش هتجوزه بقولك مش مرتحاله سلمى بزعيق : يعنى ايه مش هتتجوزيه آيه بزعيق : يعنى مش هتجوزه ، ايه مش وصلالكم هتجوزونى غصب عنى يعنى سلمى : اهاا هتتجوزيه غصب عنك و رجلك فوق رقابتك . آيه بعياط : ماليش فيه انا مش هتجوزه وانتى يا ست ماما ما تردى على بنتك ولا عشان ابويا مات هتبيعونى سعاد : انا فوضت امرى فيكى بسنت : اهدى بس يا سلمى مينفعش كده الامور متتحلش كده . سلمى بعصبيه : انتى مش شايفه اسلوبها يا بسنت بسنت : غصب عنها يا سلمى الحاجات دى مفيهاش ضغط مادام مش موافقه خلاص يا ستى سلمى بزعيق : هو ايه الى خلاص هى مالهاش كبير ولا ايه هتمشى من دماغها يعنى بسنت : دى حياتها و هى حرة فيها تتجوز اللى هى عايزاه احنا محدش غصبنا على حاجه يا سلمى عشان نغصبها سلمى بعصبيه : هى مش عارفه مصلحتها يا بسنت واحد جايلها لحد البيت و محترم و مستواه كويس و بيتمنالها الرضا ترضى مندلوش فرصه ليه يعنى بسنت بحديه : هنديله فرصه على حساب اختنا ولا ايه ، ما تعقلى كلامك كدة يا سلمى مالك! آيه بعياط مختلط بزعيق : انا مش عايزاااه انتوا مبتفهموش سلمى راحت ضاربها بالقلم قدامهم كلهم و محدش اتكلم غير شريف جوزها و راح باعدها عنها و قالها بزعيق شريف : مينفعش كده الل انتى بتعمليه ده في ايه ، هنموتها يعنى عشان توافق ما تسبيها براحتها راح واخد آيه فى حضنه و طبطب عليها سلمى بزعيق : مثلي ياختى مثلي ، دلع و سهوكة بنات فارغه ، عايزين تعرفوا هى رافضاه لييه ، افتحلكم موبايلها و اوريكم البلاوى اللى عملاها ، و سبب رفضها للراجل اللى داخل من الباب ، كل دة عشان خاطر واحد حيوان مالوش اى 30 لازمة اتعصبت بسنت من كلامها و مش مستوعبه ازاى تكشف ستر اختها كدة قدام اجوازهم ،و هما مهما كان مدى قربهم فهما اغراب بسنت بانفعال : ما تحترمى نفسك بقى يا شيخة ، ايه العك و الق*ف اللى انتى بتقوليه ده اصلا ، ازاى تتكلمى عن اختك بالمنظر القذر دة سلمى بزعيق : خليكى انتى كدة حاميلها و جمدى قلبها لحد ما تجيبلنا مصيبه ، الهانم اللى انتو فرحانين بيها و عمالين بتحايلوا فيها توافق ، بتكلم واحد و بتحايل فيه يبقى معاها و تليفونها عندكم اهوو ، بعدين وجهت كلامها لآيه بزعيق و لهجة امر سلمى : و برضه هتتجوزيه بسنت بزعيق : اخرسي بقى اخرسي ، اييييه هى كانت اول واحدة تحب ولا ايه ما كلنا حبينا و اتنيلنا على عيننا ، ولا هو كان حلال لينا و حرام ليها ، و مش هتتجوزه ، ايه رأيك بقى وبعدين وجهت كلام لمامتها الل كانت بتعيط و شايفه ولادها التلاته بيتخانقوا سوا بسنت بزعيق : خديها و اطلعى بره يا ماما سلمى بعصبيه : انا كدة كدة هطلع يا حبيبتى ، عشان القعدة معاكم تحرق الدم كنت سامعه كل دة و انا مش مستوعبه ايه اللى بيحصل ولا ازاى انا بيتقالى الكلام دة ، مش قادرة حتى ادافع عن نفسى فضلت اعيط كتير جدا و اتفحم ف العياط و قالت بصوت مقطع آيه : يا اااا اب اب ابيه انا انا انا مش عايزاااااه دخل محمد جوز بسنت و قعد جنبهم وقال محمد : يا حبيبتى ، سلمى بتحبك و عايزة مصلحتك جربى بس يا آيه و لو مرتحتيش ارفضى واحنا هنقف معاكى بس عشان يبقى سبب قوى للرفض آيه بعياط : يا ابيه هو كله حاجه فيه مش عجبانى مش مرتحاله ازاى هعيش معاه ، هو دة مش سبب كافى بالنسبالكم . شريف : ياستى محدش قال هتتجوزيه جربى بس آيه بعياط : حاضر يا ابيه حاضر..... طلع شريف برة و قالهم مب**ك يا جماعه آيه وافقت كانت وقتها سعاد بتزعق لسلمى سعاد بزعيق : انتى ازاى تمدى ايدك عليها اصلا و انا واقفة ، اما بتعملى فيها كدة وانا لسه عايشه ، امال اما اموت هتعملى ايه سلملى بعصبيه : و انتى عجبك بجاحتها دى يا ماما انتى لو كنتى عارفه تربيها مكنش كل دة حصل سعاد بانفعال : اخرسي ، قطع ل**نك ،اختك متربية احسن تربيه ، انتى عايزة تشتميها و تهينى كرامتها و تسكت مثلا ، اللى انت عملتيه دة و اسلوب الشرشحة و فضيحتك لاختك الصغيرة ميطلعش غير من واحدة متربتش ، لو في حد مش متربى فعلا يبقى انتى مش هي سعاد اما شافت شريف و محمد طالعين وقفت زعيق عشان متحرجش بنتها قدام جوزها **************************** فضلت قاعده ف اوضتى بعيط و ادعى ربنا يخلصنى من مروان ده و اكلم فى نفسى يارب هو انا عملت ايه ف حياتى عشان كل ده يحصلى ، حبيبى و يوجع قلبى ، اختى تيجى عليا وماما حتى مبتدافعش عنى فى عز تفكيرها مامتها دخلت سعاد : عامله ايه دلوقتى يا حبيبتى بصتلها ب**رة و سكتت سعاد : حقك عليا يا بنتى ، متزعليش منى ، انا والله طلعت زعقتلها برة صوتى كانت تعبان و منبوح من كتر العياط و الصريخ آيه : عادى يا ماما مش فارقه الحمدلله سعاد : لا مش عادى ، انا اهم حاجة عندى زعلك ، دة احنا الفرح اخيرا دخل بيتنا الف مب**ك يا بنتى آيه : على ايه يعنى ، اهى جوازة و السلام . سعاد : يا آيه دى مجرد خطوبه لسه هتعرفيه يا بنتى و من معاشرتك هتحبيه آيه : انتوا بترمونى مش بتجوزونى سعاد : ليه بس يا بنتى آيه : تقدرى تقوليلى تعرفوا عنه ايه هو مين ده اصلا فين اهله الل بيقول عليهم دول ، كلامه ده كله حقيقي ولا فشر، بصى يا ماما انا يمكن اصغر واحده فى البيت ده بس اكتر واحده ممكن اعرف الل قدامى ده كذاب ولا صادق و بكرة هتعرفى ان صح . سعاد : اولا احنا لسه مسالناش عليه و جوز اختك هيسال و هيسافر معاه كمان ، عشان يعرف حقيقته ، ماشوف*ناش بيعناكى و صفى قلبك يا آيه و بلاش سوء النيه عشان ربنا يبارك آيه : لا انتوا بيعتونى فعلا كل حد بيفكر بطريقته ، و هى مش سوء نيه والله بس هو كل الل بيقوله مش حقيقى باين اوى من اسلوبه عموما انا بس وافقت عشان اثبتلكم انه كذاب سعاد : ماشى سبيها لله و هو هيعدلها وبكرة نتاكد من حقيقته سعاد سابتها و خرجت و هى فضلت تفكر هتعمل ايه ف التدبيسه دى ************************************** فى شقة هادية عفشها رقيق ، دخلت سلمى و هى متنرفزة و رمت شنطتها شريف : ايه اللى انتى عملتيه في بيت اهلك سلمى بحدية : شريف لو سمحت مش عايزة اتكلم شريف بعصبية : انتى كمان ليكى عين تتعصبي ، ايه اللى انتى عملتيه في البنت دة ، و ازاى تمدى ايدك عليها سلمى بزعيق : اختى و انا حرة فيها ، ا**رها ، اموتها محدش لي دعوة شريف بزعيق : انتى اتجننتى ولا ايه ، مفكرة ان محدش هيقفلك ، عايزة تمشي الكون على مزاجك ، و اكن كلنا غلط وانتى الوحيدة اللى صح ، فوقي انتى مش لوحدك سلمى بعصبيه : هو عشان عايزاها تتجوز جوازه كويسه ، يبقى بمشي الكون على مزاجى شريف : اها يا سلمى ، و اما يكون بالغصب و الاسلوب الزبالة بتاعك دة اللى ما شاء الله بقى اسلوب حياتك الدائم حتى مع الولاد ، يبقى انتى عايز تؤمري و كل اللى حواليكى ينفذ ، انتى عايزة الشكل الاجتماعى يبقى بيرفكت من غير ما تفكرى فى اللى حواليكى عايز ايه سلمى بزعيق : يا سيدى اه ، انا بمشي الكون على مزاجى ، عايز حاجه مسك دراعها جامد شريف : لا فووووقي يا ماما ، انا مش زي اختك الغلبانه هسكتلك ، صوتك دة لو علي عليا تانى ، ولا فكرتى بس تعملى اى تصرف مش عاجبنى يا سلمى ، هتشوفي وش تانى عمرك ما تخيلتيه انتى فاهمه ، و اختك دى انا ليا فيها زيك بالظبط ، انا داخل بيتكم دة و البنت دى 7 سنين ، ربتها على ايدى و عارف تربيتها كويس اللى انتى للاسف نستيها و راح سايبها و هى عيونها مدمعه و دخل الاوضه و رزع الباب بقوة لدرجة انها اتنفضت من الخضه ************************************ في البيت عند سارة ، سها كانت قاعدة فى اوضتها و بتعيط و عمالة تفتكر مواقفها مع سارة فلاش باك بنوته في سن ال 15 سنه ، شكلها جميل و برئ لابسه فستان بينك قصير و بكم ، داخلة تجري على باباها سها : بابى باريكلى انا نجحت و طلعت الاولى محسن بفرحة : الف مب**ك يا حبيبتى انا فخور بيكى اوى يا سها سها بفرحة : ربنا يقدرنى و اعيش و افرحك بيا على طول يا حبيبى محسن : لو مامتك كانت موجودة بينا دلوقتى كان زمانها طايرة بيكى ، انا عايزك تحققي حلمها يا سها ، اتفقنا يا نور عين بابا سها بدموع : الله يرحمها يا بابى ، حاضر هعمل كل اللى اقدر عليه ، ربنا يخليك ليا حضنت بابها ، كانت سارة عمالة تتابعهم بحقد سارة بخبث : بابى كنت عايزة اقلك حاجه محسن : مش تباركى الاول لاختك يا سارو سارة بسخريه : مبروك سها بلطف : الله يبارك فيكى يا سارو محسن : هاه يا سارة كنتى عايزة ايه طلعت علبه سجاير من جيبها سارة : بابى انا لاقيت العلبه دى فى شنطة سها بتاعة المدرسة بص محسن لسها بصدمة سها برجاء : بابى والله العلبه دى مش بتاعتى انا مبشربش حاجه سارة بحقد : امال فيها ريحة البيرفيوم بتاعك ليه سها بعياط : اخرسي انتى ، يا بابى متصدقهاش والله ما عملت حاجه محسن بصلها بغضب و خذلان و ض*بها بالقلم محسن : خسارة تربيتى فيكى سابها و مشى بااااااااااااااااك فضلت تعيط و تفتكر مقالب سارة فيها ، من اول اتهامها بشرب السجاير لحد السهر و الشرب و مصاحبة الولاد و آخر حاجة كانت مالك اللى بذلت كل طاقتها، عشان تاخده منها سها : انا ليه يارب يحصل معايا كدة ، ليه اختى الوحيدة تكرهنى ، ليه بتتمنالى كل الشر و الاذى دة كله ، كل مرة ت**م تش*ه صورتى ، حتى الشخص الوحيد اللى كنت بحبه ، اخدته منى ، و مع كل ده مش عارفة اكرهها ربنا يهد*كى يا سارة ************************************ تانى يوم صحيت و جهزت نفسها ولسه هتمشى مامتها قالت سعاد : ارجعى بدرى عشان قرايه فاتحتك النهارده آيه بصدمه : النهارده !! بسرعه كده طب مش هتسالوا عليه الاول سعاد : هنسال عليه بعدين لان هو مسافر كمان يومين آيه بخنقه : ان شاء الله يا ماما انا ماشيه عايزة حاجه سعاد : عايزة سلامتك وصلت الشغل وهى ق*فانه و لاقيت مريهان هناك و كان شكلها معيط . آيه : مريهان مالك ف ايه مريهان : ابدا يا حبيبتى آيه : شكلك معيط مريهان بدموع : متخانقه معاهم ف البيت مريهان : ليه بس مريهان : انا اتخنقت يا آيه ، اتخنقت انا نفسى مرة احس ان الست اللى فى البيت دى امى عمرها ، ما قالتلى كلمه كويسه عمرها ما حضنتنى و سالتنى مالك ، طول الوقت كلام زى الزفت انا نفسى اعرف بتعاملنى كده ليه اشمعنى انا مريهان : طب مش محمد اخوكى كويس معاكى و باباكى كمان خليهم يتكلموا معاها مريهان : تصدقى بالله هما دول الل مصبرنى عليها ، بس هيتكلموا معاها يقولولها مش حنينه على بنتك ليه يا آيه دى عمرها ما قالت كلمه حلوة فى حقى ، اخر عريس جه البيت مامته بتقولها بنتك جميله ماشاء الله قالتلها ولا حلوة ولا حاجه ده مكياچ آيه بصدمه :. نعم !!!. مريهان بعياط : والله العظيم قالتلها كده ، اللي هو انا لو واحده من الشارع هتقولى كلمة طيبه فى حقى، انا عايشه ف جحيم يا آيه كل الل شايفنى ، شايفنى من برة ، بيحسدونى و هما ميعرفوش اللى انا فيه ، شايفين بس وضع ابويا الاجتماعى و اخويا الل مسافر و شغل ماما طبعا ، لكن ميعرفوش انى محرومه من حنية امى و هى عايشه ، انتى عارفه انا بيتهيألى لو مت مش هتزعل عليا آيه : بس يا ميما متقوليش كده بعيد الشر عليكى انا مش عارفه ايه بس الل بيحصلنا ده مريهان بدموع : انتى مالك ، اهلك برضه آيه بتعيط : قراية فتحتى النهارده ، انا حاسه ان بموت ، انا اول ما سمعت الكلمه من ماما حسيت بسكينه و اتغرست فى قلبى مريهان : لازم تكلمى مالك يا آيه هو الوحيد اللى يقدر يخرجك من الموضوع ده آيه : انا خايفه اكلمه مريهان : لا متخافيش و كفايه نكد بقا وتعالى نطلب حاجه ناكلها بقالنا كتير بنعيط بتعيط و تضحك فى نفس الوقت آيه : اها فعلا يلا نطلب شاورما ، يخربيت النكد يا شيخة مريهان : انا بقول بعد حالة البؤس اللى وصلنلها دى ، لازم نقطع علاقتنا ببعض احسن آيه بضحك : انا بقول كدة برضه فضلوا يضحكوا و يهونوا على بعض ، لحد ما اليوم خلص و هى رجعت البيت بدرى ، اول ما وصلت لاقيت سلمى مطلعالها فستان شيك جدا سلمى بابتسامه ،: انا جبتلك الفستان ده تلبسيه في قراية الفاتحه آيه بجمود : ميرسى سلمى : انتى عارفه ان عايزة مصلحتك آيه : طيب سلمى : يلا البسى بقا و حطى ميكب لحد ما مروان يجى آيه : انا تعبانه جدا مش قادرة حتى اقلع هدومى سلمى : يا بنتى اخلصى مش كفاية معملتيش اى حاجه فى وشك آيه : على اساس انى فاضيه ما هو عندى شغل و كورس و مذاكر زائد ان انا أصلا نفسيتى مش تمام سلمى : مممم طيب معلش ، يلا حاولى تجهزى لحد ماهو يجى و اشربي قهوة تفوقى آيه : طيب سلمى خرجت آيه :والله البت دى مجنونه ، بتتعامل ولا اكن حاجه حصلت بدأت تجهز و اول ما لبست الفستان كانت حلوة اوى فيه ، حطيت ميكب لطيف و خرجت كان هو جه طلعت و قعدت ف كرسى بعيد شريف : عامل ايه يا مروان مروان : الحمدلله بخير والله طول ماانا معاكم. شريف : ربنا يديمها يارب مروان : وانت أخبار شغلك ايه يا شريف مبسوط اما كنت فى السعودية شريف : والله يا مروان الوضع هناك سئ جدا بس فى مصر اسوا مروان : طب ما تيجى تشتغل ف معايا شريف : والله ياريت بس الفترة دى صعب جدا اسيب الشغل الل انا فيه و اروح مكان جديد و كمان لسه هبدا فصعب شويه مروان بثقه : انت لو كنت عندى كنت شغلتك تانى يوم ليا معارف كتير و عايزين يخدمونى شريف : يا مسهل ربنا يقدم الخير مروان : ابعتلى بس ال CV بتاعك و متشلش هم سعاد طلعت من الاوضه و لاقيت آيه قاعده لوحدها جت قعدت جنبها هى و بسنت بسنت : افردى وشك شويه يا يوكا مينفعش كده عيب آيه : انتى اكتر حد عارف ان مش طايقه الموضوع ده بسنت : انا عارفه بس هو ف بيتنا معلش ، كفاية انك مسلمتيش عليه ف بصيتلها و سكتت سعاد : طيب مش هنتكلم في الاساسيات ولا ايه يا مروان مروان بثقه : كل اللى آيه عايزاه انا مش هتاخر فيه يا امى الل تؤمروا بي سعاد : دى حاجه مفروغ منها ، انت طبعا عارف ان احنا لسه هنسال عليك ، بس قبل ده انت فين اهلك يا بنى اللى قولت عليهم ، حد فيهم يعرف انك خطبت مروان : اها انا قولت لاخويا و خالتى سعاد : تمام و هينزلوا امتى ان شاء الله لان الخطوبه مش، هتم غير فى وجود باقى اهلنا واهلك مروان : هينزلوا الشهر الجاى ان شاء الله اما بالنسبه للاتفاق فى دى حاجه بينى و بينكم وهنقرا عليها الفاتحه سعاد بعدم ارتياح : ماشى مروان : طيب يا محمد انت و شريف طلباتكم ايه محمد : لا ، الكلام ده مش معايا ده مع ماما ، اللى تقول عليه هو الل هيتنفذ شريف : بالظبط يا مروان مروان : طيب يا امى طلبات حضرتك ايه سعاد : طبعا يا بنى انت قولت ان بنتى هتسافر معاك وانا موتى و سمى السفر انا عايزة بنتى تبقى فى حضنى. و مع اخواتها. مروان : يا امى حضرتك عارفه ان شغلى مش هنا و آيه اى وقت هتحب تنزل مصر هتنزل و حضرتك ممكن تعيشى معانا هناك سعاد : يا بنى ده كله كلام حلو ، انا حاليا عايزة اضمن وجود بنتى جنبى مروان : حاضر يا امى اللى يريحك هعمله عايزة ايه.. سعاد :.تجيب شقه هنا تفرشها و تتجوزوا فيها ، وانت تنزل وقت ما تنزل بس بنتى تسافر ده صعب مروان : احنا كده كده هنجيب شقه ان شاء الله و موضوع الفرش مفيش مشكله فيه ، بس حتة ان اسيبها هنا دى صعبه ، بس ممكن تنزل كل شهرين سعاد : ازاى يا مروان ، الحاجات دى محتاجه ورق كل شويه انتوا مش فى مصر يابنى ، هى كل اما تحب تجيلى هتركب و تيجى ، لا ده أنتو ف دوله تانيه. مروان : ماهو يا امى انا هكتبلها نص الشركه بتاعتى عشان يبقى ليها حرية التحرك زيى و ان شاء الله احنا هننزل مصر ، لان كده كده ناوى افتح فرع للشركه بتاعتى هنا سعاد بقلق : كل ده كويس بس برضه تجيب شقه هنا. مروان : حاضر ياامى الل تؤمرى بيه سعاد : تمام العفش هيبقى زيها زى اخواتها و الشبكه دى هديه منك مروان بثقه : مع احترامي لكل اللى قاعدين ، بس باذن الله آيه هتبقى احسن ما هما عايزين كمان سعاد : تمام بس قبل ده كله انت عارف ان هيتسال عليك مروان بغيظ : اكيد طبعا و ممكن اعمل زيارة لمحمد او شريف و يجى يشوف بنفسه كل حاجه سعاد بثقه : ماهو ده هيحصل فعلا و اهلك كمان لازم هيشرفونا هنا فى بيت ابوها مروان : تمام احنا كده خلصنا الاتفاق نقرا الفاتحه بقا كلهم بداوا يقروا الفاتحه ماعدا آيه و ف منهم الل مبسوط ليها و منهم اللى بيشفق علي حالها بعد ماخلصوا باركم لبعض سلمى : تعالى هنا يا آيه جنب مروان آيه : لا مفيش مكان انا قاعده هنا اهو محمد : لا لا تعالى يا آيه انا هاجى مكانك آيه فى سرها :يا ابيه حد قالك قوم ، يووووه مش عايزة اترزع جنبه انا محمد : يلا يا بنتى قومى آيه بغيظ : حاضر و قامت فعلا قعدت جنبه ************************************** فى مكان تانى فى اوضة مالك مالك : ايوا يا سارة بكلمك كتير مبتروديش ليه سارة ببرود : معلش يا روحى مكنتش سامعه الموبايل مالك بعصبيه : قولتلك ميت مرة متعمليش الزفت ده سايلنت سارة : انت بتزعق كده ليه ما قولتلك مسمعتوش مالك : اتكلمى معايا بأسلوب كويس متبقيش غلطانه و تبجحى كمان سارة : انا بجحه يا مالك. مالك : اها بجحه ، المفروض أصلا اول ما تشوفى الزفت و تعرفى ان رنيت ، تكلمينى فى ساعتها ، لكن ازاى لازم انا الل اتصل تانى عشان الهانم تتكرم و ترد سارة : انت ازاى تكلمنى بالأسلوب ده ، بس انا غلطانه ان رديت عليك اصلا مع السلامه و قفلت الخط مالك : احسن ف ستين داهيه وبعدين فضل قاعد يفتكر فى آيه و أسلوبها معاه فلاش باااك آيه : ايوا يا ميكو صباح الفل عامل ايه مالك : صباح النور آيه : رنيت عليك و بعتلك مسج بس انت مردتش مالك : كنت نايم و لسه صاحى آيه : انا عارفه يا حبيبى ربنا معاك ، بس انت على فكرة فاتح نت من بدرى مالك : اهاا كنت بفوق بس و بكلم صحابى آيه بحزن مكتوم : يعنى رديت على صحابك و مكلمتنيش مالك : ماانا كلمتك اهو فى ايه بااااااك مالك لنفسه دايما كنتى احسن منى يا آيه و كل مرة بتعامل مع الل معايا دى ، بتمنى انها كانت تبقى زيك يارب تسامحينى على اللى عملته فيكى *************************************** عند آيه كلهم قاعدين مع بعض ، و مروان قرر يمشى عشان يسافر كلهم قاموا سلموا عليه و هى فضلت مكانها متحركتش فضل يبصلها راحت لفه وشها الناحية التانيه بعد ما مشى. سلمى : مقومتيش تسلمى على خطيبك ليه يا بنتى آيه : معلش انا تعبانه و هقوم انام و سبتهم و دخلت اوضتها و غيرت هدومها واخد نفسها اكنها كانت بتغرق آيه لنفسها: اكلمه ولا لا ، خايفه يحرجنى بس لا لا هو بيحبنى و استحالة يسيبنى لحد غيره ، لا بس هو عملى بلوك من كل حاجه و هو مهما حصل عمره ما عملها بصى يا يويو انتى تتصلى. امرك لله مالك قاعد مع صحابه سهرانين و فجأة تليفونه بيرن برقم آيه مالك باستغراب : آيه

Free reading for new users

Scan code to download app

App Store Google Play

Facebookexpand_more