الحلقة الرابعة

3751 Words

( مالك رد عليا و سامحنى بقى انا اسفة انا اتصلت عليك كذا مرة عشان اعتذرلك و مكنتش بترد على فكرة بابا وافق على خطوبتنا ) ظل ينظر الى الهاتف لا يفعل شئ سوا انه يكرر اخر جمله بالرسالة، كان لا يعلم ماذا يفعل ايبطى ام يضحك يحزن ام يفرح، كان شعورخ اقرب للجنون صرخبصوت يشوبه الالم -"هى ليه بتعمل فيا كده ، ليه دايما بتيجى في الوقت اللى بقرر انساها فيه ، ليه بتيجى فى كل مرة بفكر ابدأ حياتي بشكل صح ، طب ليه بضعف قدامها ، و ما بصدق ترجعلى ، ليه قلبى واجعنى اوى كدة ترك الهاتف و قم يسير فى الصحرا هائما على وجهه لا يعرف اين وجهته او ما الذي اصابه في البيت بالليل قاعدة بتغنى و مبسوطة سعاد بمشا**ة : غريبه رجعتى تغنى و تضحكى تانى البيت كان مضلم آيه : ايه يا سوسو مش عايزانى اضحك و انشكح ولا ايه سعاد : لا يا ختى عايزة اشوفك اسعد الناس طبعا بس ايه اللى حصل آيه بفرحة : اللى حصل ان دعوتى استجابة و ربنا فرح قلبى سعاد : دة يا الف نهار ابيض ، بس فرحينى معاكى اترمت في حضنها و اتكلمت آيه : مالك رجعلى يا ماما ، قالى انه بيحبنى سعاد : هو كان بعد و دة اللى شقلب حالك آيه : كان في حياته واحدة قبلى و مكنش عايز يظلم حد فينا ، بس مقدرش يبعد عنى و رجعلى و هيكمل معايا سعاد : و هو بقى اللى قالك كدة آيه : ايوة يا ماما طلعتها من حضنها و قالت سعاد : وانتى صدقتى الكلام الفارغ دة آيه : و ايه بس اللى هيخليه يكذب يا ماما سعاد : عشان شايفك هبلة آيه : سعاد مسمحلكيش تغلطى فيا ، وبعدين هو انتى كل اما تشوفينى مبسوطة تنكدى عليا سعاد : لا يا حبيبتى بس انا امك و شايفه اللى انتى مش شيفاه ، مش عايزة قلبك يوجعك يا بنتى آيه : يا ماما متخفيش عليا والله ، انا عارفه بعمل ايه و ان شاء الله مفيش وجع قلب سعاد : اللي هيثبتلى صدق كلامه انه يجى يتقدملك رسمى آيه : هايجى يا ماما والله بس هو يحل المشكلة اللي عنده الاول سعاد : مشكلة ايه دى كمان آيه : اصل البنت دى تبقى بنت خالته ، وانتى عارفه بقى ارتباط القرايب بيبقى داخل فيه الاهل و كدة ، فهو المفروض ، هينهي معاها و بعدين يتقدم بقى سعاد : و هو بقى اللى قالك كدة آيه : ماقلش كدة بالنص ، لكن قالى انه مش هيسبنى و انه هيتصرف ابتسمت بخيبة امل و قالت سعاد : اللى بيحب بجد يا بنتى مبيهموش حد ،ربنا يريح قلبك يا حبيبتى و يبعده عنك لو هو شر آيه : ان شاء الله يبقى خير متقوليش شر دي يا سعاد ، هدخل اوضتى شويه بقى و قمت بسرعه قبل ما اسمع ردها ، مكنتش عايزة حاجة تبوظ فرحتى بصراحة حتى لو كان عشان مصلحتى في عز ما انا مبسوط دخلت ابعتله لاقيته عاملى بلوك على الفيس سكت لحظات كدة ، مش مصدقة ، للحظة جه في بالى انه قفل الفيس دخلت بعتله واتس آيه : مالك انت قفلت الفيس مالك : لا مقفلتوش ، انا اسف يا آيه مش هينفع نكمل مع بعض ، مش هقدر ابعد عنها في اللحظة دي حسيت ان قلبي عمال بينهار زى البركان ، حسيت بنار عمالة بتحرق في قلبى و اكنها م**مة تدمره رديت بايد بترتعش آيه : انت اكيد بتهزر صح ، انت قلتلى هتكمل معايا و هتتجوزنى انا ، ليه بتعمل فيا كدة و في اللحظة دى حقيقى انا انهارت مبقتش عارفه اوقف عياط كملت كلام بس سجلتله فويس لان مكنتش قادرة اكتب آيه بعياط : مالك انت بتحبنى انا ، انت قلتلى كدة ، انت وعدتنى انك هتتجوزنى ، ليه بتعمل فيا كدة ليييه بعدها اتصل بيا مالك بزعل : آيه ارجوكى اهدى متوجعيش قلبى عليكى ، انا والله ما ناقص ، انتى مش متخيلة الموضوع بالنسبالى عامل ازاى آيه بعياط : اناا انا مش عارفه اعمل ايه ، انا مش عارفه اهدى ، انت ليه اخترتها هى بعد ما عشمتنى انك هتفضل معايا ، ليه رجعت تقولى انك بتحبنى طيب انت ليه بتإذينى بالشكل دة عيونه دمعت عليها مالك : ارجوكى افهمينى ،انا والله غصب عنى ان اسيبك ، بس مقدرتش ابعد عنها ، انا بحبها رديت بعياط و غييرة آيه : متقوليش بحبها ، انت ازاى بتجرحنى بالمنظر دة ، مالك : طب انا اسف ، والله العظيم اسف ،بطلى عياط آيه بعياط : انا تعبانه يا مالك قلبى واجعنى اوووووى حاسه ان عايزة اصرخ ، ارجوك متمشيش و تعمل فيا كدة خليك معايا و نفذ وعدك ، انا والله مقدرش اعيش من غيرك ،بلاش تعمل فيا كدة ارجوك مالك : ابوس ايدك كفايه ، متوجعيش قلبى اكتر من كدة ، الموضوع صعب عليا زى ما هو صعب عليكى بالظبط ، بس هو نصيبنا كدة آيه بزعيق : لو كان صعب عليك مكنتش سبتنى ، كنت كملت معايا ، كنت اتناقشت معايا انت عمرك ما حبتنى ولا فكرت فيا مالك : والله حبيتك ، بس غصب عنى انا مقدرش اظلمها آيه : وانت كدة مبتظلمنيش ، مالك : بظلمك و بظلم نفسي معاكى ، لان ربنا عالم باللى جوايا ليكى ، انسينى يا آيه و ابدأى حياتك من جديد آيه بعياط : طب انت هتقدر تبعد عنى ازاى ، هيجيلك قلب تعمل فيا كدة مالك : اكيد صعب عليا ، انا والله حاسس بيكى بس غصب عنى ، ربنا معايا و معاكى آيه : انت لو بعدت عنى هتبقى بتظلمنى زيها بالظبط مالك : عارف انى ظلمتك و جيت عليكى ، ربنا يسامحنى على اللى عمله فيكى هو اكتر حد عالم باللى جوايا ليكى ، قومى صلى ركعتين و ادعى ربنا يهونها علينا ، خلى بالك من نفسك مع السلامة يا آيه قفل الخط وانا انهارت في العياط ، مبقتش عارفة اوقف كتمت وشى في المخدة عشان صوتى ميطلعش و ماما تسمعنى ، ماما اللى كان عندها حق في كل حاجه ، ياريتنى كنت سمعت كلامها ، يارب هون عليا يارب ، رجعه ليا تانى ، انا خايفه ادعى ، ليه يارب وجعت قلبى بالشكل دة ليه ، دة انا قعدت ادعي بي كتير ، طيب اما هو شر رجعته ليه فضلت على الحال دة لحد ما نمت *************************** رجعت الايام باهته تانى وانا رجعت كئيبة ، حاسه ان جسد من غير روح ، بقيت عاملة زى الرجل الالى ، مقضياها شغل طول النهار و عياط و دعاء طول الليل ، تحت عينى بقى اسود ، وشي بقى مرهق ، وزنى نزل بقيت حاسه ان العالم كله ضدى و ان الدنيا مقدمهاش غيري عشان تيجى عليه و توجع قلبه ، الدنيا دى مش عادلة عشان تعمل في الانسان كدة ، تطلعه سابع سما و فجأه تنزله سابع ارض من غير شفقة لو دة اختبار منك يارب انا راضيه بيه ، يارب اربط على قلبى و هونها عليا يارب ؛ عدى ٣ شهور وانا على نفس الحال دة و في يوم كنت في المكتبة و بدى حصة للبنات و لاقيت مجدى طب عليا مجدى بزعيق : الله الله بقى هو دة الشغل بقى ، فاتحلى المكتبه فصول تقويه بعد الظهر أسمى بتوتر : عمو مجدى حضرتك فاهم غلط ، ده هى بس كانت بتشرحلنا حاجه مجدى بعصبية : اخرسي انتى ، انا فاتح المكتبه اكل منها عيش ، هتيجوا تبوظولى شغلي آيه بحدية : انا مقصرتش في الشغل ، و اظن الايراد بتاع كل يوم بيثبتلك دة ، و اه اديت درس للبنات فيها ايه يعنى مادام انت شغلك ماشي مجدى بزعيق : لا فيها كتير يا مزمزيل ، انا جايبك تشتغلي عندى ، يعنى كل حاجة هنا بإذنى ، مش على اخر الزمن حتة خدامة زيك تيجى تبجح فيا و يلا لمي حاجتك و من غير مطرود آيه بعصبيه : لااااا الزم حدودك و اعرف انت بتكلم مين ، دة انا بمكالمة واحدة اقسم بالله اقفلك المخروبة اللي انت فرحان بيها دى ، انت لسه متعرفنيش ، و انا لو كنت جيت اشتغلت هنا فكان بمزاجى ، و لو كنت ساعدتك في حاجه ف دة برضه ذوقيا منى و احترام ان انت راجل كبير ، بس اظاهر كدة ان الست الوالدة نسيت تربيك و تعرفك ازاى تتعامل مع الناس انا همشى ، و اغور من خلقتك قال يعنى هطلع من الجنه ، بس حسابي اخده الاول مجدى بزعيق : ملكيش حساب عندى و اعلى ما في خيلك اركبيه آيه : حلو اووووووووووى كدة، شاهدين يا بنات و راحت مطلعة الموبايل بتاعها ومطلعة رقم آيه بحزم : الرقم دة رقم ابن خالتى فى امن الدولة مكالمة واحدة منى دلوقتى هخليه يجى يقفلهالك خالص مجدى بتوتر : اتصلى بي انا مبخفش آيه : اوك براحتك انت اللى اخترت و لسه هتتصل على الرقم مجدى : خلاص خلاص فلوسك اهى و اتفضلى يلا من هنا ابتسمت بانتصار آيه : ناس متجيش غير بالعين الحمرا طلعت من المكتبه روحت الييت ، عرفت ماما ان سيبت الشغل ، متكلمتش معايا ، هى عارفة انا بمر بإيه فسبتنى براحتى فضلت فترة من غير شغل ، بنام و اصحى اكل و اصلى و انام تانى مبعملش اى حاجه في حياتى ، حاسة ان عايشه بلا هدف ، بس لازم مستسلمش **************************************** سعاد : كل دة نوم يا آيه ، بقيتى من اهل الكهف آيه :معلش يا ماما انا هصحى اعمل ايه يعنى سعاد : زى ما كل الناس ما بتعمل يا حبيبتى، تقومى تفطرى، تشوفى حاجه فى بيتنا هنعملها، لكن مش هتقضى حياتك كلها نوم يا بنتى. آيه : يا ماما انا اصلا زهقت من حياتى مفيش جديد فيها كل يوم زى الل قبله ترويق بيت وطبيخ و تليفزيون سعاد : بكرة يجيلك الل يهنيكى و يسعدك يا حبيبتى بس انتى افتحى قلبك و انسيه ابتسمت بحزن و قالت. آيه : انساه !! انساه ازاى ولا انسى ايه اصلا ده كان اول حب فى حياتى ، احنا اه مطولناش و علاقة فترة قصيرة ، بس انا سيبت نفسي ، كان كل حاجه يا ماما وهو اكتر واحد **رنى و ياريتنى اعرف السبب سعاد : الل زى ده ميستهلش انك حتى تفكرى فيه الل زى ده يا بنتى ترميه ورا ضهرك ولا اكنه موجود اصلا آيه : عارفه يا ماما انا كل الل بفكر فيه دلوقتى ايه سعاد : ايه يا حبيبتى آيه : ان اثبت نفسى و احقق ذاتى . سعاد : وانا معاكى يا بنتى اشتغلى و اكبرى و حققى كل الل عايزاه آيه : اشتغل ايه بس يا ماما ، ما انتى شفتى اللى حصلى في المكتبه ، هو مين هيشغل واحده بكلية اداب سعاد : اشتغلى اى حاجه يا آيه الشغل مش عيب ، و بعدين ما انتى اشتغلتى فى المكتبه كان ايه اللى جرا يعنى آيه: محصلش حاجة يا ماما ، اتقل قيمتى و اتطردت من راجل ميسواش حاجة و اتقال ان كنت فاشلة سعاد : قطع ل**نه انا بنتى احسن الناس و بكرة كله يعرف دة ، بس انتى اسعي يا قلب ماما آيه بابتسامة : حاضر يا سوسو ، بقولك ايه يا ماما سعاد بحب : قولى يا حبيبتى آيه بتردد : اانا بفكر اخد كورسات بس الفلوس الل معايا مش هتكفي ف لو يعنى ينفع تساعدينى سعاد : اساعدك ازاى طيب آيه : يعنى كنت عايزة فلوس منك اخد بيها اى كورس يساعدنى الاقى شغل كويس سعاد بقلة حيلة : كان على عينى يا بنتى، بس انتى شايفه ، اللى جاى على قد الل رايح ، مفيش غير فلوس جهازك و دى مستحيل افرط فيها ، دة انتى عايزة ضعف اللى ابوكى سبهولك آيه سكتت و متكلمتش و بدات تفكر فى اى مص*ر للدخل عشان تزود الفلوس اللى معاها وتقدر تاخد الكورسات الل هى عايزاها و من خلالها تقدر تشتغل شغل كويس عدى فترة و فى يوم مامتها داخله من برة و باين على وشها الفرح وندهت عليها . سعاد : آيه يا آيه انتى فين يابنتى آيه : ايوا يا ماما انا فى المطبخ طلعت اشوف ماما لاقيتها قاعده على الكرسى ووشها مبسوط سعاد : لاقيتلك شغل آيه : شغل ؟! شغل ايه ده يا ماما . سعاد : فى صيدليه قريبه من بيت اختك طالبه حد يقف فيها ب 1000 جنيه ف الشهر قالتلها بحزن آيه : صيدليه سعاد : مش احسن من قعدت البيت يا بنتى و اهو على الاقل تغيرى جو آيه: ربنا يسهل يا ماما فضلت طول الليل عماله بتفكر فى الشغل ده و تروح ولا لا وبتكلم فى نفسها بس انا مفهمش اى حاجه فى الادويه ولا اعرف فيها اى حاجه هشتغل ازاى بس . لكن انا محتاجه الفلوس دى ضرورى لازم اثبت لنفسى و لمالك ان مش قليله ولا ضعيفه ولا الل سابنى عشانها دى احسن منى فى حاجه **************************************** فى مكان تانى تحديدا فى شقه فخمه بتطل على البحر كان موجود مالك لابس فنله حملات سودة و قدامه ادوات رياضيه و عمال يتدرب جامد بيدخل عليه عمرو : ايه يا بنى مش هترحم نفسك ،كل شويه تدريب تدريب ارتاح شويه مالك : انت عارف واخد فرقه 6 شهور و لازم اتفوق على نفسى .و الا الترقيه هتروح منى عمرو : ربنا يقويك يا صاحبى بقولك ايه ، ما تيجى تخرج معانا النهارده مالك : مش فاضى والله يا عمور عندى دورة غطس و بعدها هطلع على الچيم عمرو : يا بنى تعالى معانا دى هتبقى قاعده طريه و فيها بنات مقولكش مالك : يا بنى فكك منى ماليش فى الجو ده عمرو : مالكش ايه بس يا عم ده انت الل علمتنى الصياعه مالك ضحك جامد : و بعدين اعتزلت و سلمتك انت المأموريه دى بدالى عمرو ضحك جامد : ليه بقا ان شاء الله عجزت ولا ايه مالك : لا بس خلاص مبقتش عايز عمرو : انت لسه بتفكر فيها مالك بحزن : انا مبنسهاش اصلا عمرو : ما انت اللى سيبتها يا صاحبى مالك بحزن : كان غصب عنى مكنش ينفع اظلم ، سارة لسه فى حياتى و منستهاش عمرو : مالك متضحكش على نفسك انت عمرك ما حبيت آيه اصلا ، دة انت كذبت عليها و قلتلها ان سارة بنت خالتك، عشان تبقى دى الحجة اللى تمشي بيها ، انت قلت لآيه بتحبها وانت في نيتك الغدر يا مالك ، و من الاخر حتة الظلم و الكلام ده مش داخل دماغى ولا انت شخصيا مقتنع بي ، اما بالنسبه لساره فعشان عيلتها و مستواها مش اكتر مالك : لا انا بحب سارة من واحنا صغيرين عمرو : بتضحك على نفسك ولا عليا ده انت نفسك كنت بتقول انا كان نفسى سارة تبقى نص آيه فى تدينها مالك : اى ان كان مكنش ينفع اكمل معاها ، واحده كلمتنى بكل سهوله و كمان حبتنى من غير ما تعرفنى اامنلها ازاى على حياتى عمرو : بص يا مالك انت اللى من الاول اديتلها الفرصه انها تقرب منك فمتجيش تلومها ، و مش معنى انها كانت بسيطه و صريحه معاك يبقى هى مش كويسه . مالك ضحك بسخريه : انت الل بتقول الكلام ده عمرو : متستغربش مش عشان بتاع نسوان يبقى معنديش ضمير انا اى واحده بتيجى معايا سكه بيكون بمزاجها و من اول مقا**ه بعرفها ان مش بتاع جواز مالك : و دى يعنى حاجه تشفعلك عمرو : لا طبعا ، بس الظلم وحش يا صاحبى انت مش قادر تنسى آيه عشان انت ظلمتها و جيت عليها و هتفضل طول حياتك حاسس بالذنب غمض عيونه و طلع نفس كله خنقه مالك : اقولك حاجه مش كنت بتقول اننا نخرج بالليل عمرو بفرح شديد : اها، ايه هتيجى معانا مالك : اها هاجى هخلص بس الغطسايه الل عندى و هجهز واجى معاك. ***************************** فى بيت آيه كانت فى اوضتها عماله تلعب فى موبايلها و بتقلب فى صور مالك على الفيس و عيونها بتدمع فجأة باب اوضتها خبط و مسحت دموعها بسرعه وكانت مامتها آيه : ايوا يا ماما في حاجه سعاد : لا يا حبيبتى بس بطمن عليكى ماتيجى تقعدى معايا شويه آيه : معلش يا ماما عايزة اقعد لوحدى شويه .. سعاد : ليه يابنتى مالك كفالله الشر آيه : مفيش يا ماما انا بس مخنوقه شويه و عايزه ارتب امورى الفترة الل جايه . سعاد : خير يارب مبتفائلش بيكى اما بتقوليلى الكلمه دى كل شويه تطلعيلى بفكرة جديده . آيه : ههههههههه لا يا ستى مش الل فى دماغك سعاد : يعنى ربنا هداكى من ناحية السفر آيه بضحك : هو مهادنيش اوى بس انا قررت اشتغل في الصيدليه الل قولتلى عليها سعاد بفرحه : بجد يعنى اكلم اختك و اقولها تكلم الدكتور آيه برضا : اها يا ماما خليها تكلمه سعاد : طب استنى اما اكلمها و جابت تليفونها و اتصلت على بسنت بسنت : الوو ماما ازيك عامله ايه سعاد : كويسه يا حبيبتى انتى اخبارك ايه و الولاد . بسنت : الحمدلله يا ماما بخير و البت أيوش عامله ايه سعاد : كويسه الحمدلله بقولك يا بسنت اختك وافقت تنزل الصيدليه بسنت : بجد طب كويس اهو اى تشغلها و تنسيها الزفت الل اسمه مالك ده سعاد : يارب يا بنتى يصلح حالها و يهديها المهم دلوقتى انك تكلمى الراجل و تعرفيه ان اختك هتعدى عليه بكرة بسنت : حاضر يا ماما ************************ فى نايت كلوب سهران فيه مالك و عمرو و باقى صحابهم ومعاهم 4 بنات عمرو : فى ايه يا مالك بتشرب كده ليه مالك : عادى يعنى . عمرو : هو ايه الل عادى ده انت عمرك ما شربت اصلا رد و هو سكران مالك : طلبت معايا اشرب فى حاجه يا عمرو عمرو : لا مفيش يلا عشان اروحك . مالك بصوت سكران : لا انا مش هروح معاك انا هروح مع نانسى عمرو بعصبيه : قولتلك يلا يا مالك نانسى : فى ايه يا عمرو ما قالك هيجى معايا عمرو بعصبيه : مالكيش انتى فيه و راح شادد مالك بعصبيه و خرجوا برة مالك بزعيق : انت ازاى تجرجرنى وراك بالمنظر ده انت شايفنى ابن اختك عمرو : لا مش شايفك ابن اختى بس مينفعش واحد واخد فرقه يشرب خمرة بالطريقه الفظيعه دى و هو اساسا مالوش فيها مالك : يا عم انا حر هو انت واصى عليا . عمرو : لا مش حر تقدر تقولى بتعمل كده ليه مالك ساكت و مبيردش عمرو بزعيق : ماترد اتخرست ليه مالك بحزن : مش قادر انسى اللى عملته فيها كل اما احاول ابدا من جديد بسمع صوتها فى ودانى و هى بتقولى متسبنيش انا مقدرش اعيش من غيرك كل اما ابدا اقرب من سارة بيكون فى حاجز ،مببقاش قادر، معرفش ده عشان حبيت آيه ولا عشان حاسس بالذنب ناحيتها انا تعبان اوى يا عمرو، انا مخنوق و حاسس ان مش قادر اتنفس، حاسس ان فى هم على قلبى و مش عارف اتخلص منه . عمرو : مش عارف اقولك ايه .بس انت الل سيبتها يا مالك اما انت بتحبها كده سيبتها ليه مالك : ظروفها متنفعنيش، اهلى كانوا هيعارضوا شغلى بيحكمنى اتجوز من طبقه معينه عمرو : شغلك ايه انت هتمثل ولا كلام بتضحك بي على نفسك عارف يا مالك انت انانى . انانى اوى مالك : انا معرفش سيبتها ليه صدقنى معرفش و معرفش اذا كنت حبيتها ولا لا بس هى كانت حاجه حلوة فى حياتى عمرو بتنهيدة : يلا اروحك *************************************** فى صباح يوم جديد صحيت آيه بكل نشاط و قامت اخدت شاور و صليت الضحى و خلصت ورد الاستغفار والقرءان بتاعها آيه : انا خارجه يا ماما سعاد : ربنا يكرمك يا بنتى . فى مكان تانى تحديدا فى المدينه كانت ،موجوده قدام الصيدليه ودخلت . دكتور هانى بابتسامه : ايوا اتفضلى عايزة حاجه ؟ آيه : انا البنت الل جايه اعمل انترفيوا عشان الشغل هانى بترحيب : اهاا اهلا اهلا اتفضلى اقعدى اسمك ايه . أيه : اسمى آيه هانى : عاشت الاسامى طيب انتى خريجه ايه . فريده : انا خريجة اداب المانى من سنتين هانى : هايل جدا طب ليه مشتغلتيش فى حاجه خاصه باللغه الل معاكى آيه : محتاجه اخد كورسات اقوى نفسى بيها وبعدين ادور على شغل ف مجالى هانى باعجاب : برافو عليكى اشتغلتى قبل كده ف الادويه آيه : لا دى اول مرة هانى : طيب مش مهم هو الموضوع سهل خلال شهر ان شاء الله هتتعلمى آيه بابتسامة : ان شاء الله بدا هانى يعلمها ازاى تقرا العلاج و يعرفها اماكن الادويه و كان مبسوط اوى انها بتتعلم بسرعه فات شهر على بطلتنا و مفيش اى جديد في حياتها غير انها بتروح الشغل و خلاص و تصلى و تدعى ربنا كل يوم يجيبلها حقها و يعوضها خير اما مالك كان طاحن نفسه تدريب عشان الترقيه بتاعته و كان مع سارة الل بيدعى انها خطيبته فى الصيدليه هانى : آيه اتفضلى و اداها ظرف مقفول آيه : ايه ده يا دكتور . هانى بابتسامه : انتى ناسيه ان النهارده اول الشهر ده المرتب بتاعك مديت ايديها واخدت الظرف وكانت مبسوطه جدا آيه : متشكرة اوى يا دكتور خلصت شغلها و روحت البيت و كانت الفرحه مش سيعاها آيه : ماما ماما انا جيت سعاد : ايوا يا حبيبتى حمدلله على السلامه مالك عامله هوليله و دوشه ليه آيه : راحت ضاحكه وقالتلها اصل اخدت المرتب و هقدر اشوف كورس سعاد بسعاده : مب**ك يا حبيبتى باست ايديها و قالتلها آيه : ربنا يخليكى ليا يا ست الكل و كملت كلام انا هدخل اوضتى اعمل شويه حاجات و طالعه سعاد : مش هتاكلى يا بنتى آيه : لا يا ماما شبعانه سعاد : شكلك اكلتى برة آيه : لا والله بس من فرحتى مش جعانه هدخل بس اغير و اصلى و اجى سعاد : ماشى يا يوكا دخلت اوضتها و راحت مطلعه الظرف من شنطتها و الفلوس الل كانت فى الدولاب و لاقت معاها مبلغ كويس تقدر تاخد بي كورسين كانت مبسوطه اوى و قالت اخيرا هبدا اول خطوه فى حياتى العمليه و راحت ضحكه ومسكت تليفونها واتصلت برقم آيه :. الووو لو سمحت مركز ...للغات مجهول :. ايوا يا فندم تحت امرك آيه : من فضلك كنت عايزة احجز كورس المانى و HR مجهول : ممكن اسم حضرتك و رقم التليفون آيه : اسمى آيه رياض عز الدين رقم التليفون هو الل بكلمك منه مجهول : تمام يا فندم حضرتك تشرافينا بكرة الساعه 6 بالليل فى عنوان .. آيه: تمام متشكرة اوى مع السلامه فضلت تحمد ربنا ان اخيرا هتبدا حياتها بطريقه صح اليوم التانى صحيت و اخدت دش و صلت و فطرت مع مامتها و عرفتها انها هتتاخر عشان حجز الكورس سعاد : ماشى يا حبيبتى ربنا يوفقك آيه : يارررب يا ماما وصلت الصيدليه و فتحتها و بعدين قعدت تفكر فيه اكيد نيستنى يا مالك بقيت معاها دلوقتى خلاص بقيت مبسوط ،ربنا يسامحك على الل عملته فيا شويه و هانى جه . هانى : اخبار البيع ايه النهارده يا آيه آيه : كويس يا دكتور هانى : تمام و بدأ يراجع نواقص الدوا و المرتجعات ************************** مكان تانى تحديدا فى مطعم على البحر قاعد مالك مع سارة بيتغدوا سوا سارة : مالك يا مالك في ايه مالك : مفيش يا سارة سارة : لا بقالك فترة متغير من وقت ما اتصالحنا اخر مرة مالك : سارة هو انتى ليه عمرك ما فكرتى تتحجبى ، مفتكرش مرة جبتيلى السيرة دى ، او قولتيلى تعالى نصلى سارة باستغراب : نصلى و اتحجب !!! مالك : اهاا مالك مستغربه ليه سارة : لا مش قصدى بس عادى يعنى دى حاجه بينا و بين ربنا مالك : ايوا بس ده ميمنعش انك تشجعينى ان اصلى او اقرا قرءان او مثلا لو غلطت تنبهينى ان ربنا هيزعل منى سارة مستغربه : ايه الكلام الغريب الل انت بتقوله ده يا مالك من امتى وانت بتفكر كده مالك باندفاع

Free reading for new users

Scan code to download app

App Store Google Play

Facebookexpand_more