Mga isang linggo din ata nyang natapos iyong portrait ng kasosyo ng ama ni Riley. Ang picture na pinadala ni Riley ay picture na nasa beach iyong may-ari at nakaupo sa buhanginan habang tumatawa. Gusto din nya iyong ganung look kesa iyong picture nito na naka-formal attire. Mabusisi talaga ang pagkakaguhit nya dun at sinubukan nyang gumuhit na may kulay na. Pagkatapos ng klase nya ay hindi na sya sumasama muna sa mga classmates nya at nakikipagkwentuhan kay Raine, diretso agad siya ng kwarto para tapusin ang gawa.
Eksaktong Biyernes ng gabi nya natapos iyon. Proud na proud siya sa sarili nya matapos makita ang obra. Mayroon na siyang nabiling frame para doon. Excited na syang pumunta uli kina Riley kinabukasan para dalhin iyon.
Alas otso pa lang kinabukasan ay nasa bahay na siya nina Ril
