Hindi na sya nakakatanggap ng mga sulat galing kay Pierre magmula nun. Nakikita din nyang lagi na itong kinukulit ni Krystel na laging nagpapakunot ng noo nito. Natatawa na lang sya sa dalawa. Hindi na rin ito nagsusuot ng salamin sa mata at hindi na talaga ito mukhang nerd. Natutuwa naman siya para dito.
Si Riley naman ay ganun pa rin. Kabi-kabila pa rin mga babae nito. Mula nang ma-realize nyang lumalalim na ang nararamdaman nya dito ay palalim din ng palalim ang kirot na nararamdaman nya tuwing may dini-date itong babae.
Ba't naman kasi nahulog pa siya dito, kadalasan iyon ang tanong nya sa sarili nya.
Hindi rin naman kasi ito mahirap mahalin. Bukod nga sa gwapo ito ay lagi nitong pinaparamdam sa'yo na importante ka kaya siguro lahat ng babaeng pinapakitaan nito ng maganda ay nahuhu
